ലിംഗമാറ്റ ശസ്ത്രക്രിയയ്ക്ക് വനിതാ കോൺസ്റ്റബിൾ; അനുമതി നൽകി സർക്കാർ, ആനുകൂല്യങ്ങൾ പ്രതീക്ഷിക്കേണ്ടെന്ന് അധികൃതർ
Edited by ജിബിൻ ജോർജ് | Samayam Malayalam | Updated: 16 Aug 2023, 10:55 am
ലിംഗമാറ്റ ശസ്ത്രക്രിയയ്ക്ക് വിധേയമാകണമെന്ന വനിതാ പോലീസ് കോൺസ്റ്റബിളിൻ്റെ ആവശ്യം അംഗീകരിച്ച് സർക്കാർ. ആവശ്യത്തിന് അനുമതി നൽകിയതായി മുതിർന്ന ഉദ്യോഗസ്ഥർ പറഞ്ഞു.
ഹൈലൈറ്റ്:
- ലിംഗമാറ്റ ശസ്ത്രക്രിയയ്ക്ക് വിധേയമാകണം.
- വനിതാ പോലീസ് കോൺസ്റ്റബിളിൻ്റെ ആവശ്യത്തിന് അനുമതി നൽകി സർക്കാർ.
- മധ്യപ്രദേശിലെ രത്‌ലം ജില്ലയിലെ പോലീസ് ഉദ്യോഗസ്ഥയാണ് അനുമതി തേടിയത്.
കശ്മീർ താഴ്‌വരയിലേക്ക് വന്ദേ ഭാരത്; എത്തുക പുഷ് പുൾ ട്രെയിനുകൾ, തണുപ്പകറ്റാൻ ചൂടുവെള്ളംലിംഗമാറ്റ നടപടിക്രമത്തിന് വിധേയയാകാനുള്ള ഉദ്യോഗസ്ഥയുടെ ആവശ്യത്തിന് അനുമതി നൽകിയതായി മുതിർന്ന ഉദ്യോഗസ്ഥൻ ചൊവ്വാഴ്ച പറഞ്ഞു. കഴിഞ്ഞ വർഷം സമർപ്പിച്ച അപേക്ഷയിലാണ് തിങ്കളാഴ്ച സംസ്ഥാന ആഭ്യന്തര വകുപ്പ് ഉത്തരവ് അനുമതി നൽകിയത്. മെഡിക്കൽ റിപ്പോർട്ടിന്റെ അടിസ്ഥാനത്തിലാണ് ലിംഗമാറ്റത്തിന് അനുമതി നൽകിയതെന്ന് സർക്കാർ അറിയിച്ചു.
സർക്കാർ ജീവനക്കാർക്ക് ലിംഗമാറ്റം അനുവദിക്കുന്നതിന് നിലവിൽ വ്യക്തമായ നിയമങ്ങളൊന്നുമില്ലെന്നും ഉത്തരവിൽ പറയുന്നു.
ഇന്ത്യന്‍ പൗരത്വം നേടി അക്ഷയ് കുമാർ
ഉദ്യോഗസ്ഥയുടെ ആവശ്യത്തിൽ നിയമ വകുപ്പിന്റെ അഭിപ്രായം തേടിയിരുന്നു. സുപ്രീം കോടതി വിധിയും അടിസ്ഥാനമാക്കി. ഇതിന് ശേഷമാണ് ശസ്ത്രക്രിയയ്ക്ക് അനുമതി നൽകിയത്. ലിംഗമാറ്റ ശസ്ത്രക്രിയയ്ക്ക് ശേഷം വനിതാ ജീവനക്കാർക്ക് മാത്രമായി ലഭിച്ചിരുന്ന ആനുകൂല്യങ്ങൾ ദീപികയ്ക്ക് ലഭ്യമാകില്ലെന്ന് സർക്കാർ അറിയിച്ചു.
തമിഴ്നാട്ടിലെത്തിയ അരിക്കൊമ്പൻ ഇപ്പോൾ അരുമൈ മകൻ; പഴയ ശീലം ഉപേക്ഷിക്കാതെ ആന, ആരോഗ്യം വീണ്ടെടുത്തെന്ന് തമിഴ്നാട് വനംവകുപ്പ്
2021ൽ ആരതി യാദവ് എന്ന വനിതാ കോൺസ്റ്റബിളിനും സമാനമായ ആവശ്യവുമായി എത്തുകയും സർക്കാർ അനുമതി നൽകുകയും ചെയ്തിരുന്നു. ഇതിന് ശേഷമുള്ള രണ്ടാമത്തെ കേസാണ് രത്‌ലം ജില്ലയിലെ പോലീസ് ഉദ്യോഗസ്ഥയായ ദീപിക കോത്താരിയുടേത്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
