സൗദിയില്‍ ഉയരുന്ന ലോകത്തിലെ ആദ്യത്തെ ഫ്യൂച്ചറിസ്റ്റിക് ആഡംബര റിസോര്‍ട്ട് ഹോട്ടലിന്റെ വീഡിയോ പുറത്തുവിട്ടു

കടലില്‍ പവിഴപ്പുറ്റുകളുടെ മുകളില്‍ താമസിക്കുന്നതുപോലുള്ള അസാധാരണ അനുഭവം ലഭ്യമാക്കുന്നവിധം ‘എരിയല്‍ അക്കോമഡേഷന്‍ പോഡ്‌സ്’ എന്നറിയപ്പെടുന്ന പ്രത്യേക കെട്ടിട നിര്‍മാണ രീതിയാണ് ഇവിടെ സ്വീകരിച്ചിരിക്കുന്നത്. അപ്പോഴും ആഢംബര സൗകര്യങ്ങള്‍ക്ക് ഒരു തരിപോലും കുറവുവരുത്താത്ത സമുദ്ര പറുദീസയാണ് വിഭാവനം ചെയ്യുന്നത്.

കടല്‍വെള്ളത്തില്‍ നിന്ന് ഉപ്പ് വേര്‍തിരിച്ച് ശുദ്ധീകരിച്ച് ഉപയോഗിക്കുന്നതിന് സോളാറില്‍ പ്രവര്‍ത്തിക്കുന്ന പ്ലാന്റ് ആണ് ഇവിടെയുള്ളത്. പൂര്‍ണമായും ഒരു കേന്ദ്രീകൃത സോളാര്‍ ഫാമിലാണ് പ്രവര്‍ത്തനങ്ങളെല്ലാം. പ്രകൃതിവിഭവങ്ങള്‍ ഉപയോഗപ്പെടുത്തി പരമാവധി പരിസ്ഥിതി സൗഹൃദമായാണ് നിര്‍മാണപ്രവര്‍ത്തനങ്ങളും നടത്തിപ്പും. റിസോര്‍ട്ടിന്റെ പുറംഭാഗം നിര്‍മിക്കാന്‍ ഏകദേശം 150 ടണ്‍ ഉയര്‍ന്ന പ്രതിഫലനമുള്ള സ്റ്റെയിന്‍ലെസ് സ്റ്റീല്‍ ഓര്‍ബുകള്‍ ഉപയോഗിച്ചു. ഇത് ഓരോ കെട്ടിടത്തിനും സവിശേഷമായ മുഖച്ഛായ നല്‍കുന്നു.

സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
സൗദി വിഷന്‍ 2030യുടെ പ്രധാന ലക്ഷ്യങ്ങളിലൊന്നാണ് ടൂറിസം വികസനം. രാജ്യത്തിന്റെ വിവിധ ഭാഗങ്ങളിലും സൗദിയുടെ കൈവശമുള്ള ഫുര്‍സാന്‍ ഉള്‍പ്പെടെയുള്ള ദ്വീപുകളിലും സഞ്ചാരികളെ ആകര്‍ഷിക്കുന്നതിനായുള്ള പ്രവര്‍ത്തനങ്ങള്‍ നടന്നുവരുന്നു. ലോകത്തിലെ ഏറ്റവും ഉയരം കൂടിയ കെട്ടിടമായ ബുര്‍ജ് ഖലീഫയ്ക്ക് ശേഷം അമ്പരപ്പിക്കുന്ന മറ്റൊരു അംബരചുംബി ദുബായില്‍ ഉടന്‍ നിര്‍മാണം തുടങ്ങാനിരിക്കെയാണ് സൗദിയും ടൂറിസ്റ്റുകളെ ആകര്‍ഷിക്കാന്‍ ഹൈപ്പര്‍ ലക്ഷ്വറി റിസോര്‍ട്ടുകളുമായി രംഗത്തെത്തിയിരിക്കുന്നത്.

മരുന്ന് ക്ഷാമം; കുവൈറ്റിലെ പ്രവാസികള്‍ക്ക് ആരോഗ്യ സേവനങ്ങള്‍ക്ക് ഉയര്‍ന്ന തുക നല്‍കേണ്ടി വരും
ലോകത്തിലെ ഉയരം കൂടിയ രണ്ടാമത്തെ കെട്ടിടമാണ് ദുബായില്‍ ഉയരുന്നത്. പുതിയ ടവറിന്റെ പേര്, നിര്‍ദ്ദിഷ്ട ഉയരം തുടങ്ങിയ കാര്യങ്ങള്‍ പുറത്തുവിട്ടിട്ടില്ല. ഷെയ്ഖ് സായിദ് റോഡിലെ പ്രധാന സ്ഥലത്താണ് ഇത് നിര്‍മ്മിക്കുന്നതെന്ന വിവരങ്ങള്‍ പുറത്തുവന്നിരുന്നു. 2022 നവംബറിലാണ് ടവര്‍ നിര്‍മ്മിക്കാനുള്ള പദ്ധതി ആദ്യം വെളിപ്പെടുത്തിയത്. മലേഷ്യയിലെ ക്വാലാലംപൂരിലെ 2,227.3 അടി ഉയരവും 118 നിലകളുമുള്ള മെര്‍ദേക്ക 118നെയും 2,073.4 അടി ഉയരമുള്ള ഷാങ്ഹായ് ടവറിനെയും മറികടക്കാന്‍ ഈ കെട്ടിടത്തിന് കഴിയും.