ചികിത്സയ്ക്കായി ചെലവായത് നാലരക്കോടി, ഒടുവിൽ മരണം; മലപ്പുറം സ്വദേശിയുടെ മൃതദേഹം നാട്ടിലെത്തിച്ചു ഖബറടക്കി
Sumayya P | Samayam Malayalam | Updated: 16 Aug 2023, 12:02 pm
കരിപ്പൂർ വിമാനത്താവളത്തിൽനിന്ന് ബന്ധുക്കൾ മൃതദേഹം ഏറ്റുവാങ്ങി നാട്ടിലേക്ക് കൊണ്ടുപോയി ഖബറടക്കി. റിയാദ് ന്യൂ സനാഇയയിലെ ഒരു ഹോട്ടലിലാണ് ഉമറുൽ ഫാറൂഖ് ജോലി ചെയ്തിരുന്നത്
ഹൈലൈറ്റ്:
- തിങ്കളാഴ്ച രാത്രി 12 ന് പുറപ്പെട്ട എയർ ഇന്ത്യ എക്സ്പ്രസ് വിമാനത്തിൽ മൃതദേഹം നാട്ടിലേക്ക് കൊണ്ടുവന്നു
- ആറുമാസത്തെ ചികിത്സക്കായി നാലരകോടിയോളം രൂപയാണ് ചെലവായത്.
റിയാദ് എക്‌സിറ്റ് അഞ്ചിലുള്ള അബ്ദുല്ല ബിൻ നാസർ അൽ മുഹൈനി മസ്ജിദിൽ മയ്യിത്ത് നമസ്കാരം നിർവഹിച്ച ശേഷമാണ് മൃതദേഹം നാട്ടിലേക്ക് കൊണ്ടുപോയത്. പിതാവ്: ഉമറുൽ ഫാറൂഖ്, ഭാര്യ: ഹൈറുന്നിസ, മകൻ: ഫൈസാൻ. സാഹോദരങ്ങൾ: ഹമീദ് (റിയാദ്), ഹനീഫ, ഫൈസൽ ബാബു, ആയിഷ ഫിർദൗസ്, യൂസഫ്, അബ്ദുറഹ്മാൻ.
Fire force Rescued Cow: ആൾമറയില്ലാത്ത കിണറ്റിൽ വീണ പശുവിന് രക്ഷകരായി മഞ്ചേരി അഗ്നിരക്ഷസേന ഉദ്യോഗസ്ഥർ
Also Read: ഇന്ത്യക്കാർക്ക് സുൽത്താൻ അൽ നെയാദിയുടെ സ്വാതന്ത്ര്യദിനാശംസകൾ; മലയാളത്തിൽ ‘നമസ്കാരം’, ഡൽഹിയു‌ടെ ചിത്രം പകർത്തി ട്വീറ്റ്
റിയാദ് ന്യൂ സനാഇയയിലെ ഒരു ഹോട്ടലിൽ ആണ് ഉമറുൽ ഫാറൂഖ് ജോലി ചെയ്തിരുന്നത്. ഇതിന്റെ ഇടയിൽ ആണ് അദ്ദേഹത്തിന് പക്ഷാഘാതം പിടിപ്പെടുന്നത്. തുടർന്ന് ചികിത്സയിലായിരുന്ന അദ്ദേഹം റിയാദിലെ സൗദി ജർമൻ ആശുപത്രിയിൽ ചികിത്സയിൽ കഴിയുമ്പോൾ കോഴിക്കോട് മെഡിക്കൽ കോളജിലേക്ക് മാറ്റുവാൻ ശ്രമം നടത്തിയിരുന്നു. എന്നാൽ അത് പരാജയപ്പെട്ടു.
ആറുമാസത്തെ ചികിത്സക്കായി നാലരകോടിയോളം രൂപയാണ് ചെലവായത്. സൗദി സർക്കാർ ആണ് ചികിത്സക്കായി പണം ചെലവാക്കിയത്. സൗദി ജർമൻ ആശുപത്രിയിലെ നഴ്സിങ് സൂപ്രണ്ട്‌ വിമൽ, ജിൽസ്‌, നഴ്സിങ് സൂപ്രണ്ട്‌ ജിഷ മോൾ, ഫാർമസിസ്റ്റ് മഹേഷ്‌ എന്നീ മലയാളി ജിവനക്കാരുടെ സേവനം ഉണ്ടായിരുന്നു. ഐസിഎഫ് റിയാദ് സെൻട്രൽ സാന്ത്വനം വിങ്ങാണ് ആവശ്യമായ സഹായവുമായി രംഗത്തെത്തിയത്. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തീകരിക്കാൻ ഇവർ ആയിരുന്നു രംഗത്തുണ്ടായിരുന്നത്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
