കാരറ്റിലെ പോഷകങ്ങൾ
കാരറ്റിൽ പല തരത്തിലുള്ള പോഷകങ്ങൾ അടങ്ങിയിട്ടുണ്ട്. ഇത് എല്ലാവ‍ർക്കുമറിയാവുന്ന കാര്യമാണെങ്കിലും ഈ പോഷകങ്ങളെ പ്രത്യേകം എടുത്ത് പറയേണ്ടത് വളരെ പ്രധാനമാണ്. ബീറ്റാ കരോട്ടിൻ, വിറ്റാമിൻ എ എന്നിവയുടെ ഉള്ളടക്കം ഉയർന്ന അളവിൽ കാണപ്പെടുന്നു. ഇതുകൂടാതെ, വിറ്റാമിൻ ഇ, വിറ്റാമിൻ സി, വിറ്റാമിൻ ബി 8, വിറ്റാമിൻ കെ, ഫൈബർ, ഇരുമ്പ്, കാൽസ്യം, ഫോസ്ഫറസ്, പൊട്ടാസ്യം എന്നിവയും കാരറ്റിൽ ധാരാളമായി അടങ്ങിയിട്ടുണ്ട്. ഇതെല്ലാം ആരോഗ്യത്തിന് പല തരത്തിലുള്ള ഗുണങ്ങൾ നൽകുന്നതാണ്.
ഹീമോഗ്ലോബിൻ കൂട്ടാൻ ഈ ഭക്ഷണങ്ങൾ കഴിക്കണം
ഹീമോഗ്ലോബിൻ കൂട്ടാൻ ഈ ഭക്ഷണങ്ങൾ കഴിക്കണം
ഹൃദയാരോഗ്യം മെച്ചപ്പെടുത്തും
ഹൃദയാരോഗ്യം നിലനിർത്താൻ ക്യാരറ്റ് കഴിക്കുന്നത് ഏറെ നല്ലതാണ്. കാരറ്റ് ദൈനംദിന ഭക്ഷണത്തിൽ ഉൾപ്പെടുത്തുന്നതിലൂടെ പല തരത്തിലുള്ള ഹൃദയ സംബന്ധമായ പ്രശ്നങ്ങൾ ഇല്ലാതാക്കാം. കാ‍ർബോഹൈഡ്രേറ്റിൻ്റെയും കൊഴുപ്പിൻ്റെയും കുറവാണ് ക്യാരറ്റിൻ്റെ ഏറ്റവും വലിയ പ്രത്യേകത.ദിവസവും ഒരു ഗ്ലാസ് കാരറ്റ് ജ്യൂസ് കഴിക്കുന്നത് നല്ലതാണ്. ഇത് ഹൃദയമിടിപ്പും രക്തസമ്മർദ്ദവും നിയന്ത്രിക്കാൻ സഹായിക്കുന്നു. ഇതിന്റെ പ്രധാന കാരണം ഈ പച്ചക്കറിയിൽ അടങ്ങിയിരിക്കുന്ന പൊട്ടാസ്യത്തിന്റെ അംശമാണ്.
നേത്രസംബന്ധമായ പ്രശ്നങ്ങൾ കുറയ്ക്കാം
ക്യാരറ്റിൽ വിറ്റാമിൻ എ ധാരാളം അടങ്ങിയിട്ടുണ്ട്. കൂടാതെ, ശക്തമായ ആന്റിഓക്‌സിഡന്റായ ബീറ്റാ കരോട്ടിനും ഈ പച്ചക്കറിയിൽ ഉയർന്ന അളവിൽ കാണപ്പെടുന്നുണ്ട്. ദിവസവും ഭക്ഷണത്തിൽ ക്യാരറ്റ് ഉൾപ്പെടുത്തുകയോ അല്ലെങ്കിൽ ക്യാരറ്റ് ജ്യൂസ് കുടിക്കുകയോ ചെയ്യുന്നത് നേത്ര സംബന്ധമായ പല പ്രശ്നങ്ങളും ഇല്ലാതാക്കാൻ സഹായിക്കും. മാത്രമല്ല കണ്ണിൻ്റെ കാഴ്ച കൂട്ടാനും ഇത് ഏറെ നല്ലതാണ്. മാത്രമല്ല കണ്ണുകളുടെ ആരോഗ്യത്തിനും നല്ലതാണ്. പ്രധാനമായും തിമിരം, രാത്രിയിലെ കാഴ്ചക്കുറവ് എന്നീ പ്രശ്നങ്ങൾ ഇല്ലാതാക്കാൻ ക്യാരറ്റ് ഏറെ നല്ലതാണ്.
മുഖത്ത് ചുളിവുകൾ മാറ്റാം
ക്യാരറ്റിൽ ഉയർന്ന അളവിൽ വൈറ്റമിൻ സി അടങ്ങിയിട്ടുണ്ട്, ഇത് ചർമ്മത്തിന്റെ ആരോഗ്യം മെച്ചപ്പെടുത്താൻ സഹായിക്കുന്നു. വളരെ ചെറുപ്പത്തിൽ തന്നെ ചർമ്മത്തിൽ ചുളിവുകൾ കാണപ്പെടുന്നത് ഇല്ലാതാക്കാൻ ഇത് ഏറെ സഹായിക്കും. പ്രധാനമായി, ഈ പച്ചക്കറിയിൽ അടങ്ങിയിരിക്കുന്ന ശക്തമായ ബീറ്റാ കരോട്ടിൻ ആന്റിഓക്‌സിഡന്റ് ഉള്ളടക്കം ചർമ്മകോശങ്ങൾക്ക് കേടുപാടുകൾ സംഭവിക്കുന്നത് തടയുകയും ചർമ്മ പ്രശ്നങ്ങൾ ഒഴിവാക്കി മുഖത്തിന്റെ ഭംഗി മെച്ചപ്പെടുത്താൻ സഹായിക്കുകയും ചെയ്യുന്നു.
പ്രതിരോധശേഷി വർദ്ധിപ്പിക്കുന്നു
നല്ല ആരോഗ്യമുള്ളവർ എന്ന് പറയുന്നത് ശരീരത്തിന് ശക്തമായ പ്രതിരോധ സംവിധാനമുണ്ടെന്ന് ആരോഗ്യ വിദഗ്ധർ പറയുന്നു. രോഗപ്രതിരോധ ശേഷി കുറവുള്ള ആളുകൾക്ക് ചെറിയ രോഗങ്ങൾ പോലും പെട്ടെന്ന് പിടിപ്പെടാം. ഇതൊക്കെ ഒഴിവാക്കാൻ ക്യാരറ്റ് ഏറെ സഹായിക്കും.ശരീരത്തിന്റെ ആന്തരികമായി പ്രതിരോധശേഷി വർധിപ്പിക്കാൻ വിറ്റാമിൻ സി അടങ്ങിയ ഭക്ഷണങ്ങൾ കഴിക്കേണ്ടത് അത്യാവശ്യമാണ്. ഇതിന് നല്ലൊരു ഉദാഹരണമാണ് കാരറ്റ്. അതുകൊണ്ട് ഈ പച്ചക്കറി ഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്. കുട്ടികൾക്കും മുതിർന്നവർക്കും ഒരുപോലെ കഴിക്കാവുന്നതാണ്.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More
