മുടി കരുത്തോടെ വളരാന്‍ പരമ്പരാഗത ഇന്ത്യന്‍ ഹെയര്‍ പായ്ക്ക്
Authored by സരിത പിവി | Samayam Malayalam | Updated: 17 Aug 2023, 1:01 pm
പൊതുവേ ഇന്ത്യന്‍ സ്ത്രീകള്‍ക്ക് മുടിയുണ്ട്. ഇവരുടെ മുടി വളര്‍ച്ചയ്ക്ക് സഹായിക്കുന്ന സഹായിക്കുന്ന പരമ്പരാഗതമായ ഒരു ഹെയര്‍ പായ്ക്കുണ്ട്. ഇതെക്കുറിച്ചറിയാം.
തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്
തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്
പഴം
ഹെയര്‍ പായ്ക്കില്‍ പൊതുവേ ഉപയോഗിച്ച് വരുന്ന ഒന്നാണ് പഴം. ഇത് ആരോഗ്യത്തിന് എന്നതു പോലെ മുടിയുടെ ആരോഗ്യത്തിനും ഉത്തമമാണ്. മുടി വളരാന്‍ സഹായിക്കുന്ന ഒന്നാണിത്. ഒപ്പം മുടിയ്ക്ക് തിളക്കം നല്‍കുന്നു. മുടി കൊഴിച്ചില്‍ നിയന്ത്രിയ്ക്കാനും പഴത്തിന് കഴിവുണ്ട്. മുടിയ്ക്ക് സ്വാഭാവിക കണ്ടീഷനിംഗ് ഇഫക്ട് നല്‍കുന്ന ഒന്നാണ് പഴം.
ബ്ലാക് റൈസ്
ഇതിനായി ഉപയോഗിയ്ക്കുന്നത് ബ്ലാക് റൈസ് ആണ്. ആരോഗ്യത്തിന് ഏറെ നല്ലതാണ് ബ്ലാക് റൈസ്. ഇതു പോലെ ഇത് മുടിയുടെ ആരോഗ്യത്തിനും ഏറെ ഉത്തമമാണ്. കറുത്ത നിറത്തിലെ ഈ അരി മുടി വളരാന്‍ സഹായിക്കുന്ന ഒന്നാണ്. മുടിത്തുമ്പ് പിളരുന്നത് ഒഴിവാക്കാനും താരന്‍ മാറാനും ഇത് ഗുണം ചെയ്യുന്നു. മുടി ഡീപ് കണ്ടീഷനിംഗ് ചെയ്യുന്ന ഒന്നാണ് ഇത്. ധാരാളം ആന്റിഓക്‌സിഡന്റുകള്‍ അടങ്ങിയ ഈ അരി മുടിയ്ക്ക് കരുത്ത് നല്‍കാനും മികച്ചതാണ്.
ബദാം ഓയില്‍
ഇതില്‍ ബദാം ഓയില്‍ കൂടി ചേര്‍ക്കുന്നുണ്ട്. ഇതും മുടിയുടെ ആരോഗ്യത്തിന് ഉത്തമമാണ്. വൈറ്റമിന്‍ ഇ സമ്പുഷ്ടമാണ് ബദാം ഓയില്‍. മുടിയുടെ ആരോഗ്യത്തിന് വൈറ്റമിന്‍ ഇ അത്യാവശ്യമാണ്. മുടിയ്ക്ക് തിളക്കം നല്‍കാനും മുടിവേരുകള്‍ക്ക് പോഷകം നല്‍കാനും സഹായിക്കുന്ന ഒന്നാണ് വൈറ്റമിന്‍ ഇ. ഇതിനാല്‍ തന്നെ വൈറ്റമിന്‍ ഇ അടങ്ങിയ ബദാം ഓയില്‍ മുടിയുടെ ആരോഗ്യത്തിനും ഏറെ ഉത്തമമാണ്.
ഈ പായ്ക്കുണ്ടാക്കാന്‍
ഈ പായ്ക്കുണ്ടാക്കാന്‍ അരി വെള്ളത്തില്‍ ഇട്ട് കുതിര്‍ത്തുക. പിന്നീട് ഇത് പഴവും ചേര്‍ത്ത് അരച്ചെടുക്കാം. നല്ല മിശ്രിതമാക്കി, മുടിയില്‍ പുരട്ടാന്‍ പാകത്തിന് അരച്ചെടുക്കണം. അരച്ചെടുത്ത ശേഷം ഇതില്‍ അല്‍പം ബദാം ഓയില്‍ കൂടി ചേര്‍ത്തിളക്കാം. മുടി നല്ലതു പോലെ ചീകിയ ശേഷം ഈ പായ്ക്ക് മുടിയില്‍ ശിരോചര്‍മം മുതല്‍ തുമ്പ് വരെ പുരട്ടി വയ്ക്കാം. പിന്നീട് ഷവര്‍ ക്യാപ് കൊണ് മൂടാം. 1 മണിക്കൂര്‍ ശേഷം ഇത് കഴുകാം. ഷാംപൂ വേണമെന്നില്ല. മുടിയ്ക്ക് ഏറെ ആരോഗ്യവും വളര്‍ച്ചയും ഉള്ളുമെല്ലാം നല്‍കുന്ന ഹെയര്‍ പായ്ക്കണ് ഇത്.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
