സൗദി അറേബ്യയിലെ പ്രവാസികളില്‍ ഏറ്റവും കൂടുതല്‍ പേര്‍ ബംഗ്ലാദേശികളാണ്. ആകെ പ്രവാസികളുടെ 15.08 ശതമാനം. 21 ലക്ഷം ബംഗ്ലാദേശി പൗരന്മാര്‍ സൗദിയില്‍ ജോലിചെയ്യുന്നുവെന്നാണ് കണക്ക്. ഇന്ത്യ കഴിഞ്ഞാല്‍ 18.1 ലക്ഷവുമായി പാക്കിസ്ഥാനികളാണ് മൂന്നാംസ്ഥാനത്ത്.
Lottery Agent Against Lottery Office: ലോട്ടറി ഓഫീസ് കത്തിക്കും ഭീഷണിയുമായി ഏജൻ്റ്
രാജ്യത്ത് ഉപജീവനം നടത്തുന്നവരില്‍ 18 ലക്ഷവുമായി യെമനികള്‍ നാലാം സ്ഥാനത്തുണ്ട്. 14 ലക്ഷം ഈജിപ്തുകാരും 8.19 ലക്ഷം സുഡാനികളും 7.25 ലക്ഷം ഫിലിപ്പിനോകളും 4.49 ലക്ഷം സിറിയക്കാരും സൗദിയില്‍ പ്രവാസജീവിതം നയിക്കുന്നു.
പ്രവാസി ഇന്ത്യക്കാര്‍ ഏറ്റവുമധികം താമസിക്കുന്ന രാജ്യങ്ങളില്‍ രണ്ടാംസ്ഥാനത്താണ് സൗദി അറേബ്യ. ഇന്ത്യക്കാരായ പ്രവാസികള്‍ ഏറ്റവുമധികമുള്ള രാജ്യം യുഎഇയാണ്. കോവിഡ് കാലത്തിനു ശേഷവും ഗള്‍ഫ് രാജ്യങ്ങളിലേക്ക് ഇന്ത്യക്കാരുടെ ഒഴുക്ക് തുടരുകയാണെന്ന് കേന്ദ്ര വിദേശകാര്യ സഹമന്ത്രി വി മുരളീധരന്‍ ഏതാനും ദിവസം മുമ്പ് ലോക്‌സഭയുടെ മുന്നില്‍വച്ച കുടിയേറ്റം സംബന്ധിച്ച കണക്കുകളും വ്യക്തമാക്കുന്നു.
യുഎഇയില്‍ തൊഴില്‍നഷ്ട ഇന്‍ഷുറന്‍സ് നിര്‍ബന്ധമാക്കി; രജിസ്റ്റര്‍ ചെയ്തില്ലെങ്കില്‍ ഒക്ടോബര്‍ മുതല്‍ പിഴ
സൗദിക്കു പിന്നാലെ രണ്ടാംസ്ഥാനത്തുള്ള യുഎഇയില്‍ 35.54 ലക്ഷം ഇന്ത്യന്‍ പ്രവാസികളുണ്ട്. യുഎഇ, സൗദി അറേബ്യ, ഖത്തര്‍, ബഹ്‌റൈന്‍, കുവൈറ്റ്, ഒമാന്‍ എന്നിവിടങ്ങളിലായി 7.93 ദശലക്ഷം ഇന്ത്യക്കാര്‍ വസിക്കുന്നുവെന്നാണ് കേന്ദ്ര സര്‍ക്കാരിന്റെ രേഖകള്‍.
ഇന്ത്യയില്‍ നിന്നുള്ള വിദേശ സഞ്ചാരികളെ ആകര്‍ഷിക്കുന്നതിന്റെ ഭാഗമായി വിമാന സര്‍വീസുകളുടെ എണ്ണം 19 ശതമാനം വര്‍ധിപ്പിക്കാന്‍ സൗദി അറേബ്യ തയ്യാറെടുക്കുകയാണ്. കൊച്ചി, കോഴിക്കോട്, ഡല്‍ഹി, മുംബൈ, ബാംഗ്ലൂര്‍, അഹമ്മദാബാദ്, ഹൈദരാബാദ്, ലഖ്‌നൗ തുടങ്ങിയ നഗരങ്ങള്‍ക്കാണ് മുന്‍ഗണന നല്‍കുന്നത്. ഈ നഗരങ്ങള്‍ക്ക് മികച്ച എയര്‍ലൈന്‍ കണക്റ്റിവിറ്റിയും വിസ ആക്‌സസ്സും ഉണ്ടെന്ന് ഉറപ്പാക്കും.
സൗദിയില്‍ ഉയരുന്ന ലോകത്തിലെ ആദ്യത്തെ ഫ്യൂച്ചറിസ്റ്റിക് ആഡംബര റിസോര്‍ട്ട് ഹോട്ടലിന്റെ വീഡിയോ പുറത്തുവിട്ടു
ഇന്ത്യയില്‍ 2022ല്‍ സൗദി അറേബ്യയിലെത്തിയത് 10 ലക്ഷം സന്ദര്‍ശകരാണ്. 2023ല്‍ സന്ദര്‍ശകരുടെ എണ്ണം ഇരട്ടിയാക്കും. 2030 ഓടെ 1.2 കോടിയിലധികം ഇന്ത്യന്‍ ടൂറിസ്റ്റുകള്‍ സൗദിയിലെത്തുമെന്നാണ് സൗദിയുടെ പ്രതീക്ഷ. നൂറ്റാണ്ടുകള്‍ പഴക്കമുള്ള സാമ്പത്തിക സാമൂഹിക സാംസ്‌കാരിക ബന്ധങ്ങള്‍ ഇതിന് സഹായകമാണെന്നും സൗദി വിലയിരുത്തുന്നു.
വിസ നടപടികള്‍ വേഗത്തിലാക്കുന്നതിനായി ഇന്ത്യയില്‍ ഒമ്പത് വിഎഫ്എസ് വിസ സ്റ്റാമ്പിങ് ഓഫീസുകള്‍ തുറന്നിട്ടുണ്ട്. സൗദി വിഷന്‍ 2030ന്റെ ഭാഗമായി ടൂറിസ്റ്റുകളെ ആകര്‍ഷിക്കുന്നതിനുള്ള നടപടികള്‍ ശക്തമാക്കിയതോടെ ടൂറിസ്റ്റുകളെ സ്വീകരിക്കുന്ന രാജ്യങ്ങളുടെ പട്ടികയില്‍ സൗദി 13ാം സ്ഥാനത്തെത്തി. 2019ല്‍ സൗദി 25ാം സ്ഥാനത്തായിരുന്നു. കോവിഡിന് ശേഷം ടൂറിസം മേഖലയില്‍ ഏറ്റവുമധികം വളര്‍ച്ച രേഖപ്പെടുത്തിയ രണ്ടാമത്തെ രാജ്യമാണ് സൗദി.
