ഓണത്തിന് പണ്ടത്തെ ശൈലിയില്‍ നാവില്‍ അലിയും ഈ നാരാങ്ങ അച്ചാര്‍ തയ്യാറാക്കി നോക്കൂ

Authored by അഞ്ജലി എം സി | Samayam Malayalam | Updated: 18 Aug 2023, 1:29 pm

ഓണത്തിന് സദ്യവട്ടങ്ങള്‍ക്കിടയില്‍ നല്ലൊരു അച്ചാര്‍ നിര്‍ബന്ധമാണ്. അതും നാരങ്ങ അച്ചാര്‍ ആയാല്‍ കേമം തന്നെ. നാരങ്ങ അച്ചാല്‍ ഇട്ടാല്‍ അന്നുതന്നെ അത്ര സോഫ്റ്റായി നാരങ്ങയുടെ തൊണ്ട് കിട്ടില്ല. എന്നാല്‍, അച്ചാര്‍ തയ്യാറാക്കുമ്പോള്‍ ഇങ്ങനെ ഒന്ന് ചെയ്ത് നോക്കൂ. ഇട്ട ഉടനെ വായയില്‍ അലിയുന്ന നാരങ്ങ അച്ചാര്‍ തയ്യാറാക്കാം.

• 

  ​ചെറുനാരങ്ങ​

  ഇത് തയ്യാറാക്കുന്നതിനായി ആദ്യം തന്നെ നല്ല പഴുത്ത ചെറുനാരങ്ങ നിങ്ങള്‍ക്ക് എത്രത്തോളം ആവശ്യമുണ്ടോ അത്രത്തോളം എടുക്കുക.

• 

  ​കഴുകി വൃത്തിയാക്കാം​

  ഈ നാരങ്ങ നല്ലപോലെ കഴുകി വൃത്തിയാക്കി തുടച്ച് വെക്കണം. അഴുക്കൊന്നും ഇല്ലാതിരിക്കാന്‍ ശ്രദ്ധിക്കാം.

• 

  ​സോഫ്റ്റാക്കി എടുക്കാന്‍​

  ഈ നാരങ്ങ നല്ല സോഫ്റ്റായി കിട്ടാന്‍ ഇവ ഒരു ഇഢ്‌ലി ചെമ്പില്‍ വെച്ച് ഒന്ന് 5 മിനിറ്റ് ആവി കയറ്റി എടുക്കണം. നന്നായി വെന്ത്ഉടയാതിരിക്കാന്‍ ശ്രദ്ധിക്കുക.

• 

  ​നുറുക്കുക​

  ഇത്തരത്തില്‍ ആവി കയറ്റി എടുത്ത നാരങ്ങ പെട്ടെന്ന് തന്നെ ഇഢ്‌ലി ചെമ്പില്‍ നിന്നും മാറ്റി വെച്ച് ചൂടാറാന്‍ വെക്കുക. ചൂടാറി കഴിയുമ്പോള്‍ നിങ്ങള്‍ക്ക് ഇഷ്ടമുള്ള രീതിയില്‍ നുറുക്കി എടുക്കണം.

• 

  ​ഇഞ്ചി, വെളുത്തുള്ളി കൂട്ട്​

  ഇതിലേയ്ക്ക് ആവശ്യത്തിന് ഇഞ്ചി അതുപോലെ തന്നെ വെളുത്തുള്ളി എന്നിവ എടുക്കണം. പച്ചമുളക്, കുറച്ച് കറിവേപ്പില, കടുക്, കായം, മഞ്ഞള്‍പ്പൊടി, ഉലുവ, വറ്റല്‍ മുളക് എന്നിവ ആവശ്യമാണ്.

• 

  ​തയ്യാറാക്കാം​

  ആദ്യം തന്നെ നല്ലെണ്ണ കുറച്ച് ചട്ടിയില്‍ ഒഴിക്കുക. ഇത് നന്നായി ചൂടായി വരുമ്പോള്‍ അതിലേയ്ക്ക് കടുക് ഇട്ട് പൊട്ടിക്കണം. ഇതിന്റെ കൂടെ തന്നെ കുറച്ച് ഉലുവയും ചേര്‍ക്കുക. ഇവ നന്നായി പൊട്ടിവന്നതിന് ശേഷം ഇഞ്ചി, വെളുത്തുള്ളി, പച്ചമുളക് കറിവേപ്പില എന്നിവ ചേര്‍ക്കണം.

• 

  ​പാകത്തിന്​

  ഇഞ്ചിയും വെളുത്തുള്ളിയുമെല്ലാം നന്നായി മൂത്ത് പാകത്തിനാകുമ്പോള്‍ ഇതിലേയ്ക്ക് മഞ്ഞള്‍പ്പൊടി ചേര്‍ക്കണം. അതിന് ശേഷം ഇതിലേയ്ക്ക് വറ്റല്‍ മുളക് മിക്‌സിയില്‍ ഇട്ട് ഒരു ചത ചതച്ചത് ഇട്ട് നന്നായി മൂപ്പിക്കുക. കരിയാതെ നോക്കണം.

• 

  ​നാരങ്ങ ചേര്‍ക്കാം​

  വറ്റല്‍ മുളകും പാകത്തിന് മൂത്ത് വരുമ്പോള്‍ ഇതിലേയ്ക്ക് നുറുക്കി വെച്ചിരിക്കുന്ന നരങ്ങ ചേര്‍ത്ത് മിക്‌സ് ചെയ്ത് എടുക്കണം. ഇതിലേയ്ക്ക് ആവശ്യത്തിന് ഉപ്പ് ചേര്‍ക്കാവുന്നതാണ്. അതുപോലെ, ഇതില്‍ വിനാഗിരി ചേര്‍ക്കേണ്ട ആവശ്യമില്ല. നിങ്ങള്‍ക്ക് വേണം എന്ന് നിര്‍ബന്ധമാണെങ്കില്‍ കുറച്ച് ചേര്‍ക്കാം.

• 

  ​രുചികൂട്ടാന്‍​

  വിനാഗിരി ചേര്‍ക്കുന്നതിന് മുന്‍പ് കുറച്ച് കായത്തിന്റെ പൊടി ചേര്‍ക്കണം. ഇത് നല്ലമണം നല്‍കും. അതുപോലെ കുറച്ച് പഞ്ചസ്സാര അല്ലെങ്കില്‍ ശര്‍ക്കര ചേര്‍ത്ത് ഒന്ന് ചൂടാക്കുന്നത് ആ എരിവും പുളിയും ബാലന്‍സ് ചെയ്യാന്‍ സഹായിക്കും. അതുപോലെ, നല്ല സ്വാദും ആണ്.

• 

  ​സ്‌പെഷ്യല്‍​

  സാധാരണ തയ്യാറാക്കുന്നതില്‍ നിന്നും കുറച്ച് വ്യത്യസ്തമായ അച്ചാറാണ് ഇത്. നന്നായി എണ്ണ ചൂടാക്കിയത് ഒഴിച്ച് ചേര്‍ത്ത് ഫ്രിഡ്ജില്‍ സൂക്ഷിച്ചാല്‍ കുറച്ച് നാള്‍ നിങ്ങള്‍ക്ക് ഇത് ഉപയോഗിക്കാന്‍ സാധിക്കുന്നതാണ്. നല്ല വ്യത്യസ്ത രുചി നല്‍കുന്ന ഈ അച്ചാര്‍ നിങ്ങള്‍ ഈ ഓണത്തിന് ഒന്ന് പരീക്ഷിച്ച് നോക്കൂ.