ഓറഞ്ച് – ഗ്രേ നിറത്തിൽ റേക്ക്
പരീക്ഷണമെന്നോണമാണ് പുതിയ കളർ തീമിൽ ഐസിഎഫ് ട്രെയിൻ പുറത്തിറക്കുന്നത്. ഓറഞ്ച് – ഗ്രേ നിറത്തിലുള്ള വന്ദേ ഭാരതിന്‍റെ ഒരു റേക്ക് മാത്രമേ തുടക്കത്തിൽ നിർമ്മിക്കുന്നുള്ളൂ. പുതിയ ട്രെയിനിന്‍റെ പുറംഭാഗത്തെ കളറിൽ വ്യത്യാസമുണ്ടെങ്കിലും വന്ദേ ഭാരതിന്‍റെ അകത്തെ കാഴ്ചകളിലൊന്നും വലിയ മാറ്റങ്ങൾ വരുത്തിയിട്ടില്ല. അതേസമയം വന്ദേ ഭാരതിന്‍റെ പുതിയ ബാച്ചിൽ വരുത്തിയിട്ടുള്ള 25 സവിശേഷതകൾ ഓറഞ്ച് കളർ ട്രെയിനിലുമുണ്ട്.
വന്ദേ ഭാരതിന്‍റെ 25 സവിശേഷതകൾ
8 കോച്ചുകളുള്ള എസി ചെയർ കാർ ട്രെയിനിൽ, യാത്രക്കാരിൽ നിന്ന് ലഭിക്കുന്ന ഫീഡ്‌ബാക്കിന് അനുസൃതമായി മെച്ചപ്പെട്ട സുരക്ഷാ സവിശേഷതകൾ ഒരുക്കിയിട്ടുണ്ട്. സീറ്റുകൾ കൂടുതൽ പിന്നിലേക്ക് ചായിക്കാനുള്ള സൗകര്യം, മെച്ചപ്പെട്ട കുഷ്യനുകൾ, എക്‌സിക്യൂട്ടീവ് ചെയർ കാറിലെ ഫൂട്ട് റെസ്റ്റിന്‍റെ നീളം, നീല നിറത്തിലുള്ള സീറ്റുകൾ, ടോയ്‌ലറ്റുകളിൽ വെള്ളം തെറിക്കുന്നത് ഒഴിവാക്കാൻ വാഷ് ബേസിനിൽ വരുത്തിയ മാറ്റങ്ങൾ, മെച്ചപ്പെട്ട മൊബൈൽ ചാർജിംഗ് പോയിന്‍റുകൾ തുടങ്ങിയ 25 സവിശേഷതകളാണ് പുതിയ ട്രെയിനിലുള്ളത്.
മ്യൂസിയം പഠനകേന്ദ്രമായി വിപുലീകരിക്കും
Forest Museum: മ്യൂസിയം പഠനകേന്ദ്രമായി വിപുലീകരിക്കുമെന്ന് മന്ത്രി
സീറ്റുകൾ നീല നിറത്തിൽ
എയർ കണ്ടീഷനിങ് ഗുണനിലവാരം ഉയർത്തുന്നതിനുവേണ്ടി പാനലുകളുടെ ഇൻസുലേഷൻ പുത്തൻ വന്ദേ ഭാരതിൽ മികവുറ്റതാക്കിയിട്ടുണ്ട്. തീപിടിത്തം തിരിച്ചറിയാനും അണയ്ക്കാനുമുള്ള സംവിധാനത്തിന്‍റെ ഗുണനിലവാരവും കൂട്ടിയിട്ടുണ്ട്. നിലവിലെ വന്ദേ ഭാരത് ട്രെയിനിൽ സീറ്റുകളിൽചുവപ്പു നിറമാണ് നൽകിയിരുന്നതെങ്കിൽ ഓറഞ്ച് റേക്കിൽ ഇറങ്ങുന്ന സെമി ഹൈസ്പീഡ് ട്രെയിനിൽ അത് നിറം നീലയായി മാറും.
മറ്റു പ്രത്യേകതകൾ
വീൽചെയറുകൾക്ക് ഫിക്സിങ് പോയിന്‍റുകൾ, എളുപ്പത്തിൽ ഉപയോഗിക്കുന്നതിന് റെസിസ്റ്റീവ് ടച്ചിൽ നിന്ന് കപ്പാസിറ്റിവ് ടച്ചിലേക്ക് റീഡിങ് ലാമ്പിന്‍റെ മാറ്റം, മെച്ചപ്പെട്ട റോളർ ബ്ലൈൻഡ്, ടോയ്‌ലറ്റുകളിലെ ലൈറ്റുകൾ 1.5 വാട്ടിൽ നിന്ന് 2.5 വാട്ടായി ഉയർത്തി, വാട്ടർ ടാപ്പുകളിൽ എയറേർ, അടിയന്തര ഘട്ടങ്ങളിൽ ഉപയോഗിക്കാനുള്ള ഹാമർ ബോക്സ് കവറിലെ മാറ്റങ്ങൾ തുടങ്ങിയവയാണ് പുത്തൻ വന്ദേ ഭാരതിൽ യാത്രക്കാർക്കായി വരുത്തിയിരിക്കുന്ന മാറ്റങ്ങൾ.
ഓറഞ്ച് വന്ദേ ഭാരത് സർവീസ് ഏത് റൂട്ടിൽ?
അതേസമയം പുത്തൻ വന്ദേ ഭാരത് ഏത് റൂട്ടിലാകും ഓടിക്കുകയെന്നതിൽ ഇതുവരെയും റെയിൽവേ ഒരു വിശദീകരണവും നൽകിയിട്ടില്ല. ഈ മാസം തന്നെ നിരവധി സംസ്ഥാനങ്ങൾ പുത്തൻ ട്രെയിനുകൾ നിരത്തിലിറങ്ങാനുണ്ട്. നിലവിൽ 25 റൂട്ടികളിലായി 50 വന്ദേ ഭാരത് സർവീസുകളാണ് രാജ്യത്ത് ഇന്ത്യൻ റെയിൽവേ നടത്തുന്നത്. ഇരുവശത്തേക്കുമുള്ള സർവീസ് ഉൾപ്പെടെയാണിത്. വന്ദേ ഭാരത് സ്ലീപ്പർ ട്രെയിനുകളുടെ നിർമ്മാണവും ഇന്‍റഗ്രൽ കോച്ച് ഫാക്ടറിയിൽ പുരോഗമിക്കുകയാണ്.
Photo Credit: TOI.in
