Also Read : പുലർച്ചെ 2 മണിക്ക് സിസി ക്യാമറയും തകർത്ത് ദേശസാൽകൃത ബാങ്കിന്റെ എടിഎം കൊള്ളയടിക്കാൻ ശ്രമം; പക്ഷെ…
ജ്യോതിരാദിത്യ സിന്ധ്യയുടെ വലംകൈ ആയിരുന്ന സാമന്ദർ പട്ടേൽ ആണ് തിരികെ കോൺഗ്രസിലേക്ക് മടങ്ങിയെത്തിയത്. പാർട്ടി അധ്യക്ഷനും മുൻ മുഖ്യമന്ത്രിയുമായ കമൽനാഥിന്റെ സാന്നിധ്യത്തിൽ മധ്യപ്രദേശ് കോൺഗ്രസ് ആസ്ഥാനത്ത് എത്തിയാണ് അദ്ദേഹം പാർട്ടി അംഗത്വം സ്വീകരിച്ചത്.
Leopard Attack: പുലികൾ കൂട്ടമായി ഇറങ്ങുന്നു; പരാതിയുമായി നാട്ടുകാർ
വെള്ളിയാഴ്ച സംസ്ഥാന തലസ്ഥാനമായ ഭോപ്പാലിലെ പിസിസി ഓഫീസിൽ തന്റെ അനുയായികൾക്കൊപ്പം സമന്ദർ പട്ടേൽ കോൺഗ്രസിൽ ചേർന്നത്. 800ലധികം വാഹനങ്ങളുടെ അകംമ്പടിയിൽ 5000ത്തോളം അണികൾക്കൊപ്പം ശക്തിപ്രകടനമായാണ് പട്ടേൽ പിസിസി ഓഫീസിലേക്ക് എത്തിയത്.
2020ൽ കോൺഗ്രസിന്റെ കമൽനാഥ് സർക്കാരിനെ മറിച്ചിട്ട് ജ്യോതിരാദിത്യ സിന്ധ്യക്കൊപ്പമാണ് സാമന്ദർ പട്ടേലും കോൺഗ്രസ് വിട്ടത്. മധ്യപ്രദേശിൽ അടുത്തിടെ കോൺഗ്രസിലേക്ക് തിരിച്ചെത്തിയ മൂന്നാമത്തെ സിന്ധ്യ പക്ഷക്കാരനാണ് സാമന്ദർ പട്ടേൽ. ഇവർ മൂവരും വലിയ ശക്തിപ്രകടനമായാണ് കോൺഗ്രസിലേക്ക് എത്തിയത്.
“പാർട്ടിയുടെ ആശയങ്ങളും തത്വങ്ങളും പാർട്ടിയോടുള്ള വിശ്വസ്തതയോടെയുമാണ് പട്ടേൽ കോൺഗ്രസ് പാർട്ടിയിൽ ചേർന്നത്. അദ്ദേഹത്തിന്റെ സത്യമാണ് അദ്ദേഹത്തെ ഇവിടെ എത്തിച്ചത്, ഈ സത്യം അദ്ദേഹം തന്റെ പ്രദേശത്തെ ജനങ്ങളോട് പറയുമെന്ന് എനിക്ക് പൂർണ വിശ്വാസമുണ്ട്,” പി സി സി അധ്യക്ഷൻ കമൽ നാഥ് പറഞ്ഞു.
2018ൽ ജനങ്ങൾ കോൺഗ്രസിനേയാണ് തെരഞ്ഞെടുത്തത്. എന്നാൽ, ശിവരാജ് സിങ്ങിൻ്റെ നേതൃത്വത്തിലുള്ള ബിജെപി സർക്കാർ കുതിരക്കച്ചവടം നടത്തിയും പണത്തിന്റെ ശക്തി കാണിച്ചും അധികാരം പിടിച്ചെടുക്കുകയായിരുന്നു. 18 വർഷമായി ബിജെപി സർക്കാരാണുള്ളത്. എന്നാൽ അഴിമതിയും കുംഭകോണവും മാത്രമാണ് എല്ലായിടത്തുമുള്ളതെന്ന് സംസ്ഥാനത്തിന്റെ ചിത്രം എല്ലാവരുടെയും മുന്നിലുള്ളത് കമൽനാഥ് ആരോപിച്ചു.
ബിജെപിയിൽ അവഗണന നേരിടുന്നുവെന്നാരോപിച്ചാണ് വീണ്ടും കോൺഗ്രസിലേക്ക് തിരിച്ചെത്തിയിരിക്കുന്നത്. അതേ സമയം സിന്ധ്യയുമായി തർക്കമില്ലെന്ന് അദ്ദേഹം വ്യക്തമാക്കിയിട്ടുണ്ട്.
നിയമസഭാ തെരഞ്ഞെടുപ്പ് അടുത്തിരിക്കെയാണ് രാഷ്ട്രീയ നീക്കങ്ങളുണ്ടായത് എന്നതും ശ്രദ്ധേയമായ കാര്യമാണ്. തെരഞ്ഞെടുപ്പ് മുന്നിൽകണ്ട് ബിജെപി ആദ്യഘട്ട സ്ഥാനാർത്ഥിപട്ടിക പുറത്തുവിട്ടിരുന്നു.
Read Latest National News and Malayalam News
