സ്വകാര്യ ബസും കെഎസ്ആർടിസിയും കൂട്ടിയിടിച്ച് 15 പേർക്ക് പരിക്ക്
ഭൂരിഭാഗം ഇടങ്ങളിലും നിലവിലുള്ള പാത തന്നെയാണ് 45 മീറ്ററിൽ ആറുവരിയായി വികസിപ്പിക്കുന്നത്. എന്നാൽ, ജനസാന്ദ്രത കൂടിയ മേഖലകളിലും നഗരപ്രദേശങ്ങളിലും ഫ്ലൈഓവറുകളാണ് നി‍ർമിക്കുന്നത്. കേരളത്തിലെ പ്രത്യേക സാഹചര്യത്തിൽ, ഫ്ലൈഓവറുകളുടെയും അണ്ട‍ർപാസുകളുടെയും എണ്ണത്തിൽ വലിയ വ‍ർധനവുണ്ട്. എന്നാൽ ദേശീയപാത അതോരിറ്റിയുടെ മാനദണ്ഡം അനുസരിച്ച് 60 മീറ്ററിലധികം നീളമുള്ള ഫ്ലൈഓവറുകൾക്ക് സാധാരണ ടോൾ നിരക്കിൻ്റെ പത്തിരട്ടി ടോൾ നൽകണം. 2.72 കിലോമീറ്റർ മാത്രം നീളമുള്ള കഴക്കൂട്ടം ഫ്ലൈഓവറിൻ്റെ ടോൾ 27 കിലോമീറ്ററുള്ള സാധാരണ റോഡിനു തുല്യമാണ്.
രണ്ടാമത്തെ വലിയ മാൾ; കൊച്ചിക്കാർക്ക് ഓണസമ്മാനമായി ഫോറം മാൾ തുറന്നു; 90 റീടെയിൽ കേന്ദ്രങ്ങൾ
ഈ സാഹചര്യത്തിൽ പണി പൂർത്തിയാകുന്ന വട്ടപ്പാറ വയഡക്ട്, പ്രാരംഭഘട്ടത്തിലുള്ള അരൂർ – തുറവൂർ ആകാശപാത തുടങ്ങിയ മേഖലകളിൽ ടോൾ തുക കുതിച്ചുയരും. സാധാരണ റോഡിനെ അപേക്ഷിച്ച് നിർമാണച്ചെലവിലുള്ള ഗണ്യമായ വർധനവാണ് കൂടിയ ടോൾ നിരക്കിനു പിന്നിൽ. കഴക്കൂട്ടം ഫ്ലൈഓവർ തിരുവല്ലം ടോൾ പ്ലാസയ്ക്കു കീഴിൽ കൊണ്ടുവരാൻ കഴിഞ്ഞ മാസം തീരുമാനമെടുത്തിരുന്നു. ഇതോടെ ഇവിടെ സാധാരണ കാറിനുള്ള ടോൾ തുക 150 രൂപയായി ഉയർന്നു. ഇഞ്ചക്കലിൽ പുതിയൊരു ഫ്ലൈഓവർ കൂടി നിർമിക്കുന്ന സാഹചര്യത്തിൽ തുക വീണ്ടും ഉയരും.
അതേസമയം, കേരളത്തിൽതന്നെ ഏറ്റവും നീളമേറിയ ആകാശപാതയാണ് ആലപ്പുഴ റൂട്ടിൽ അരൂർ – തുറവൂർ റൂട്ടിൽ ഉയരുന്നത്. കണക്കുകൾപ്രകാരം സാധാരണ റോഡിനെ അപേക്ഷിച്ച് പത്തിരട്ടിയോളം ടോൾ ഈ ഭാഗത്ത് നൽകേണ്ടിവരും. ഭൂമിയേറ്റെടുപ്പിനുള്ള ഉയർന്ന ചെലവ് പരിഗണിച്ചാണ് ഇവിടെ ആകാശപാത നിർമിക്കാൻ തീരുമാനിച്ചത്. സമാനമായ നിർമാണം അരൂർ മുതൽ ഇടപ്പള്ളി വരെയും പരിഗണിക്കുന്നുണ്ട്. ഇത് അംഗീകരിക്കപ്പെട്ടാൽ മധ്യകേരളത്തിൽ ദേശീയപാത 66ലെ ടോൾ തുക കുതിച്ചുയരും.
പുതുപ്പള്ളിയിൽ വികസന മുരടിപ്പ്; ഇത്തവണ ജനങ്ങൾ വികസനത്തിന് വോട്ട് ചെയ്യും: ജോസ് കെ മാണി
നിലവിൽ ദേശീയപാതയിൽ 60 കിലോമീറ്റർ വ്യത്യാസത്തിലാണ് ടോൾ പ്ലാസകൾ നിർമിക്കാൻ അനുമതിയുള്ളത്. കൂടുതൽ ഫ്ലൈഓവറുകളുള്ള മേഖലകളിൽ ടോൾ തുകയും ഉയരും. അടുത്ത മൂന്നുവ‍ർഷത്തിനുള്ളിൽ ഹൈവേയുടെ വികസനം പൂർത്തിയാക്കാനാണ് ദേശീയപാത അതോരിറ്റി ലക്ഷ്യമിടുന്നത്. നിലവിൽ പല ജനവാസകേന്ദ്രങ്ങളിലും ചെറുപട്ടണങ്ങളിലും അണ്ടർപാസുകൾ നിർമിക്കാനാണ് പദ്ധതിയുള്ളത്. എന്നാൽ പ്രദേശത്തെ രണ്ടായി വിഭജിക്കുന്ന ഈ നിർമാണരീതി ഉപേക്ഷിച്ച് പകരം ഫ്ലൈഓവറുകൾ വേണമെന്ന് പലയിടത്തും ആവശ്യമുയരുന്നുണ്ട്. കണ്ണൂരിലെ വെള്ളൂർ അടക്കമുള്ള സ്ഥലങ്ങളിൽ പ്രദേശവാസികൾ ഫ്ലൈഓവർ ആവശ്യപ്പെട്ട് പ്രത്യക്ഷസമരം ആരംഭിച്ചിട്ടുമുണ്ട്. എന്നാൽ കൂടുതൽ ഫ്ലൈഓവറുകൾ വഴിയുണ്ടാകുന്ന ഉയർന്ന ടോൾ നിരക്ക് ദീർഘദൂരയാത്രക്കാർക്ക് തിരിച്ചടിയാകും.
ആൽബിൻ കുര്യൻ നെ കുറിച്ച്
ആൽബിൻ കുര്യൻ സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ പോർട്ടലിൽ ഡിജിറ്റൽ കണ്ടൻ്റ് പ്രൊഡ്യൂസറാണ് ആൽബിൻ കുര്യൻ. ആറു വർഷമായി സമയം മലയാളം വാർത്താവിഭാഗത്തിൻ്റെ ഭാഗമായ ആൽബിൻ രാഷ്ട്രീയ, സാമൂഹ്യവിഷയങ്ങളിലും മറ്റു പൊതുവിഷയങ്ങളിലും ലേഖനങ്ങൾ എഴുതുന്നു. കേരള പ്രസ് അക്കാദമിയിൽ നിന്ന് ജേണലിസം ബിരുദാന്തര ഡിപ്ലോമ നേടി. പത്ത് വർഷമായി മാധ്യമരംഗത്ത് പ്രവർത്തിക്കുന്ന ആൽബിൻ മുൻപ് പബ്ലിക് റിലേഷൻസ് മേഖലയിലും പ്രവർത്തിച്ചിട്ടുണ്ട്.Read More
