മുഖം തിളങ്ങാൻ ഒരു സിമ്പിൾ ബീറ്റ്റൂട്ട് ഫേസ് പായ്ക്ക്

ബീറ്റ്റൂട്ട്

ധാരാളം ആരോഗ്യ ഗുണങ്ങൾ അടങ്ങിയിട്ടുള്ള ബീറ്റ്റൂട്ട് ചർമ്മത്തിന് ഏറെ നല്ലതാണ്. ശരീരത്തിലെ രക്തം കൂട്ടാൻ ബീറ്റ്റൂട്ട് ഏറെ സഹായിക്കും. ഡീറ്റോക്സൻ്റ് ഏജൻ്റാണ് ബീറ്റ്റൂട്ട്. എണ്ണമയമുള്ള ചർമ്മക്കാർക്കും വരണ്ട ചർമ്മക്കാർക്കും ഏറെ നല്ലതാണ് ബീറ്റ്റൂട്ട്. ചർമ്മത്തിന് നല്ല തിളക്കവും അതുപോലെ നിറവും ലഭിക്കാൻ ഇത് ഏറെ സഹായിക്കും. മുഖക്കുരു പോലുള്ള പ്രശ്നങ്ങൾ മാറ്റാനും ബീറ്റ്റൂട്ട് ഏറെ നല്ലതാണെന്ന് തന്നെ പറയാം.

കാപ്പിപ്പൊടി കൊണ്ട് ഒരു അണ്ടർ-ഐ മാസ്ക്

​

​

തൈര്

ചർമ്മത്തിന് ഏറെ മികച്ചതാണ് തൈര്. മുഖത്തിലെ പല പ്രശ്നങ്ങൾക്കും എല്ലാ പെൺകുട്ടികളും കാണുന്ന ശാശ്വത പരിഹാരമാണ് തൈര്. ഇത് ചർമ്മത്തിന് നല്ല തിളക്കവും മൃദുത്വവും നൽകുന്നു. തൈരിൽ അടങ്ങിയിരിക്കുന്ന ലാക്റ്റിക് ആസിഡ് ചർമ്മത്തിന് ഏറെ ഗുണം ചെയ്യും. കൂടാതെ ഇതിലെ വൈറ്റമിനുകളും മിനറുലകളും ചർമ്മത്തിന് കൂടുതൽ കരുത്തും ബലവും നൽകാൻ സഹായിക്കും. മാത്രമല്ല ആൻ്റി മൈക്രോബയൽ ഘടകങ്ങൾ മുഖക്കുരു പോലുള്ള പ്രശ്നങ്ങൾ ഇല്ലാതാക്കാൻ ഏറെ സഹായിക്കുന്നതാണ്.

മുൾട്ടാണി മിട്ടി

ചർമ്മത്തിലെ അമിതമായ എണ്ണമയം നീക്കി ശുദ്ധീകരിക്കാൻ മുൾട്ടാണി മിട്ടിയ്ക്ക് കഴിയും. ചർമ്മത്തിന് ആവശ്യമായ വൈറ്റമിൻ സിയും ആൻ്റി ഓക്സിഡൻ്റുകളും നൽകാൻ മുൾട്ടാണി മിട്ടി ഏറെ നല്ലതാണ്. ചർമ്മത്തിലെ സുഷിരങ്ങളെ വ്യത്തിയാക്കി മുഖക്കുരുവിന് കാരണമാകുന്ന ബാക്ടീരിയകളെ പുറന്തള്ളാൻ ഏറെ നല്ലതാണ് മുൾട്ടാണി മിട്ടി. കൂടാതെ പ്രായമാകുന്നതിന് കാരണമാകുന്ന കൊളാജൻ്റെ അഭാവം ഇല്ലാതാക്കാനും മുൾട്ടാണി മിട്ടി ഏറെ നല്ലതാണ്.

പായ്ക്ക് തയാറാക്കാൻ

ഈ പായ്ക്ക് തയാറാക്കാൻ ബീറ്റ്റൂട്ട് നന്നായി ഗ്രേറ്റ് ചെയ്ത് എടുക്കുക. അതിന് ശേഷം ഒരു സ്പൂൺ ഉപയോഗിച്ച് ഇതിൽ നിന്ന് ബീറ്റ്റൂട്ടിൻ്റെ നീര് മാത്രം എടുക്കണം. ഇതിലേക്ക് ഒരു ടേബിൾ സ്പൂൺ തൈരും ഒരു ടേബിൾ സ്പൂൺ മുൾട്ടാണി മിട്ടിയും ചേർത്ത് നന്നായി യോജിപ്പിക്കുക. ഇത് മുഖത്ത് തേച്ച് പിടിപ്പിച്ച് 20 മിനിറ്റിന് ശേഷം കഴുകി വ്യത്തിയാക്കാവുന്നതാണ്.