സൈന്യത്തിന് കൂടുതൽ അധികാരം; പാകിസ്താനിലെ നിർണായക ബിൽ ഒപ്പുവയ്ക്കാതെ പ്രസിഡന്റ്

അതേസമയം, പ്രസിഡന്റിന്റെ ഈ നടപടി ഭരണഘടനാ വിരുദ്ധമാണെന്ന് നിയമ മന്ത്രാലയം പറഞ്ഞു. പാക് പാർമെന്റിന്റെ ഇരു സഭകളിലും പാസായ ബില്ലാണിത്. നിലവിൽ ജയിലിൽ കഴിയുന്ന പാക് മുൻ പ്രധാനമന്ത്രി ഇമ്രാൻ ഖാൻ്റെ പിടിഐ പാർട്ടിയിൽ അംഗമായ അദ്ദേഹം രണ്ട് ബില്ലുകളും പാസാക്കിയ കൂട്ടുകക്ഷി സർക്കാരിനെ എതിർത്ത് രംഗത്തുവരികയായിരുന്നു.

ഞായറാഴ്ചയാണ് താൻ ഇത്തരത്തിൽ ബില്ലുകൾ തടഞ്ഞതായി വ്യക്തമാക്കി പ്രസിഡന്റ് തന്നെ രംഗത്തുവന്നത്.

“ദൈവം എന്റെ സാക്ഷിയായതിനാൽ, ഈ നിയമങ്ങളോട് വിയോജിക്കുന്നതിനാൽ ഔദ്യോഗിക രഹസ്യ ഭേദഗതി ബിൽ 2023 & പാകിസ്ഥാൻ ആർമി ഭേദഗതി ബിൽ 2023 എന്നിവയിൽ ഞാൻ ഒപ്പിട്ടിട്ടില്ല,” ഡോ ആൽവി സമൂഹമാധ്യമമായ എക്സിൽ കുറിച്ചു.

അതിന് പുറമെ, ഒപ്പിടാത്ത ബില്ലുകൾ നിഷ്‌ക്രിയമാക്കുന്നതിന് നിശ്ചിത സമയത്തിനുള്ളിൽ നിയമസഭയിൽ തിരികെ നൽകണമെന്ന് ജീവനക്കാരോട് ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. “എന്നാൽ, എന്റെ ജീവനക്കാർ എന്റെ ഇച്ഛയെയും കൽപ്പനയെയും തുരങ്കം വച്ചതായി ഞാൻ കണ്ടെത്തി,” അദ്ദേഹം കൂട്ടിച്ചേർക്കുന്നു.

അതേസമയം, പ്രസിഡന്റിന്റെ ഈ തീരുമാനത്തോട് എതിർപ്പ് അറിയിച്ച് സർക്കാരും രംഗത്തുവന്നിട്ടുണ്ട്. പ്രസിഡന്റിന്റെ തീരുമാനം കടുത്ത ആശങ്കയുണ്ടാക്കുന്നതായി നിയമ-നീതി മന്ത്രാലയം അറിയിച്ചു.

“പ്രസിഡന്റിന് മുന്നിൽ രണ്ട് വഴികളുണ്ട്, ഒന്നുകിൽ സമ്മതം നൽകുക, അല്ലെങ്കിൽ പ്രത്യേക നിരീക്ഷണങ്ങളോടെ വിഷയം പാർലമെന്റിലേക്ക് റഫർ ചെയ്യുക,” എന്നാൽ, പ്രസിഡന്റ് രണ്ട് മാർഗങ്ങളും നിറവേറ്റിയിട്ടില്ലെന്നും മന്ത്രാലയം പ്രസ്താവനയിൽ പറഞ്ഞു.

ഇത്തരമൊരു നടപടി ഭരണഘടനയുടെ അക്ഷരത്തിനും അന്തസ്സിനും വിരുദ്ധമാണെന്നും അധികൃതർ കൂട്ടിച്ചേർത്തു.

Also Read : ‘ഇനി അവന്റെ ചിരി ഓർമ’; വൈറൽ മീം നായ ചീംസ് ശസ്ത്രക്രിയക്കിടെ മരിച്ചു

പാകിസ്താന്റെ ഭരണഘടന അനുസരിച്ച് പ്രസിഡന്റ് ഇരുസഭകളും കടന്ന് 10 ദിവസത്തിനുള്ളിൽ രാഷ്ട്രപതി കരട് ബില്ലിൽ ഒപ്പിടുകയോ നിരീക്ഷണങ്ങളോ എതിർപ്പുകളോ സഹിതം അത് തിരികെ നൽകുകയോ ചെയ്തില്ലെങ്കിൽ അത് നിയമമാകും.

Read Latest World News and Malayalam News