ഇലക്കറികള്‍
നമ്മളുടെ ചീര, കാബേജ്, ഉലുവയുടെ ഇല എന്നിവയിലെല്ലാം കാല്‍സ്യം നല്ലപോലെ അടങ്ങിയിട്ടുണ്ട്. നമ്മളുടെ നാട്ടില്‍ തന്നെ പല തരത്തിലുള്ള ചീര ലഭ്യമാണ്. അതില്‍ ചീര ഏതായാലും കുട്ടികള്‍ക്ക് കഴിക്കാന്‍ വെച്ച് കൊടുക്കാവുന്നതാണ്. ചില കുട്ടികള്‍ പാല്‍ കഴിക്കാന്‍ അതുപോലെ, തൈര്, നെയ്യ് എന്നിവ കഴിക്കാന്‍ മടി കാണിക്കാറുണ്ട്. ഈ കുട്ടികള്‍ക്ക് ചീര കൊടുക്കാവുന്നതാണ്.
അതുപോലെ, തന്നെ ചീര കഴിക്കാന്‍ മടിയാണെങ്കില്‍ അതില്‍ മുട്ട ചിക്കിയിട്ട് ചേര്‍ത്ത് കൊടുക്കുന്നത് കുട്ടികള്‍ കഴിക്കും. ഇത്തരത്തില്‍ കഴിക്കാന്‍ നല്‍കുന്നതും നല്ലതാണ്. മുട്ട കൂടി ചേര്‍ക്കുമ്പോള്‍ കുട്ടികള്‍ക്ക് പ്രോട്ടീന്‍ ലഭിക്കും. അതുപോലെ തന്നെ മുട്ടയുടെ മഞ്ഞയില്‍ വിറ്റമിന്‍ ഡി അടങ്ങിയിട്ടുണ്ട്. നമ്മളുടെ ശരീരത്തില്‍ കാല്‍സ്യം ആഗിരണം ചെയ്യപ്പെടണമെങ്കില്‍ വിറ്റമിന്‍ ഡി വേണം. ഇത് ലഭിക്കാനും മുട്ട ചേര്‍ക്കുന്നത് സഹായിക്കും.
പഴങ്ങള്‍
ഇലക്കറികളില്‍ നിന്ന് മാത്രമല്ല, പഴങ്ങളില്‍ നിന്നും നിങ്ങള്‍ക്ക് കാല്‍സ്യം ലഭിക്കുന്നതാണ്. ഇതിനായി, ഓറഞ്ച്, അത്തിപ്പഴം, ബ്ലാക്ക്‌ബെറീസ് എന്നിവ ആഹാരത്തില്‍ ചേര്‍ക്കുന്നത് നല്ലതാണ്. ഇത് കാല്‍സ്യം ശരീരത്തില്‍ എത്തിക്കാന്‍ സഹായിക്കുന്നതാണ്. അതുപോലെ തന്നെ ഇവയില്‍ വിറ്റമിന്‍ സി അങ്ങിയിരിക്കുന്നതിനാല്‍ രോഗപ്രതിരോധശേഷി വര്‍ദ്ധിപ്പിക്കാനും ഇത് സഹായിക്കുന്നതാണ്.
തൈര് കഴിച്ചാലുള്ള ഗുണം
തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്
നട്‌സ്, സീഡ്‌സ്
എള്ള്, ചിയ സീഡ്‌സ്, ബദാം എന്നിവ ഒരു നേരം ആഹാരത്തില്‍ ചേര്‍ത്ത് കഴിക്കുന്നത് നല്ലതാണ്. ഇവയും കാല്‍സ്യത്തിന്റെ ഉറവിടങ്ങളായതിനാല്‍ തന്നെ ശരീരത്തിന് നല്ലതാണ്. അതുപോലെ, ബദാം ആയാലും ചിയ സീഡ്‌സ് ആയാലും കുറഞ്ഞ അളവില്‍ കഴിക്കാന്‍ ശ്രദ്ധിക്കുക. ബദാം അമിതമായി കഴിക്കുന്നത് ദഹന പ്രശ്‌നങ്ങളിലേയ്ക്ക് നയിക്കും. അതിനാല്‍, രാവിലെ കുതിര്‍ത്ത ബദാം ഒറു മൂന്നോ നാലോ എണ്ണം കഴിക്കാവുന്നതാണ്. അതുപോലെ, ബദാം പാല്‍ കുട്ടികള്‍ക്ക് നല്‍കുന്നതും നല്ലതാണ്. അത്തിപ്പഴം ഉണക്കിയതാണെങ്കില്‍ അത് കുതിര്‍ത്ത് കൊടുക്കാവുന്നതാണ്.
മീന്‍ മുള്ള്
നല്ലമത്തി കിട്ടുമെങ്കില്‍ ഒന്നും നോക്കണ്ട അത് കഴിക്കുന്നത് കാല്‍സ്യം ശരീരത്തില്‍ എത്തുന്നതിന് സഹായിക്കുന്നുണ്ട്. പ്രത്യേകിച്ച് മത്തിയുടെ മുള്ള് കഴിക്കുന്നത് വളരെ നല്ലതാണ്. കുട്ടികള്‍ മുള്ള് കഴിച്ചെന്ന് വരില്ല. അതിനാല്‍, അവര്‍ക്ക് മുള്ളില്ലാതെ കൊടുക്കാം. അതുപോലെ, ചില മീനുകളുടെ മുള്ളെല്ലാം കടിച്ച് കഴിക്കാവുന്നതായിരിക്കും. പ്രത്യേകിച്ച് നത്തോലിയുടെ മുള്ളെല്ലാം നമ്മള്‍ക്ക് കഴിക്കാന്‍ സാധിക്കുന്നതാണ്. ഇത്തരത്തില്‍ കഴിക്കാന്‍ സാധിക്കുന്നവയുടെ മുള്ള് കഴിക്കാവുന്നതാണ്. ഇതില്‍ നിന്നെല്ലാം കാല്‍സ്യം കിട്ടാന്‍ സഹായിക്കും. ഇതില്‍ ഏറ്റവും നല്ലത് മത്തിയാണെന്ന് മാത്രം.
പച്ചക്കറികള്‍
ബ്രോക്കോളി, വെണ്ടക്ക, ബീന്‍സ്, പയര്‍ എന്നിവയെല്ലാം കഴിക്കുന്നതിലൂടേയും നമ്മള്‍ക്ക് കാല്‍സ്യം ശരീരത്തില്‍ എത്തുന്നുണ്ട്. ബ്രോക്കോളി പൊതുവില്‍ പലമലയാളി വീടുകളിലും പതിവല്ലെങ്കിലും വെണ്ടക്കയും പയറുവര്‍ഗ്ഗങ്ങളും മിക്ക വീടുകളിലും ണ്ടായിരിക്കും. അതിനാല്‍, ഇത്തരം പച്ചക്കറികള്‍ വാങ്ങി കറിവെച്ച് കഴിക്കുന്നത് നല്ലതാണ്.
വിറ്റമിന്‍ ഡി
നമ്മള്‍ കാല്‍സ്യം കുറവ് കണ്ടെത്തിയാല്‍ അതിന്റെ ഒപ്പം തന്നെ വിറ്റമിന്‍ ഡി ശരീരത്തില്‍ ഉണ്ടോ എന്ന് കൃത്യമായി മനസ്സിലാക്കേണ്ടത് അനിവാര്യമാണ്. കാരണം, ശരീരത്തില്‍ വിറ്റമിന്‍ ഡി ഉണ്ടെങ്കില്‍ മാത്രമാണ് കാല്‍സ്യവും ശരീരത്തിലേയ്ക്ക് കൃത്യമായി ആഗിരണം ചെയ്യപ്പെടുക. വിറ്റമിന്‍ ഡി ശരീരത്തില്‍ എത്തുന്നതിന് രാവിലെ വെയില്‍ കൊണ്ടിട്ട് കാര്യമില്ല. പകരം, ഉച്ചയ്ക്ക് ഒരു 10 അല്ലെങ്കില്‍ 15 മിനിറ്റ് വെയില്‍ കൊള്ളാവുന്നതാണ്. അല്ലെങ്കില്‍ വിറ്റമിന്‍ ഡി അടങ്ങിയ ആഹാരങ്ങള്‍ കഴിക്കാവുന്നതാണ്. ഇതിനായി മീന്‍, മുട്ടയുടെ മഞ്ഞ, കൂണ്‍, ഓറഞ്ച്, പാല്‍ ഉല്‍പന്നങ്ങള്‍ എന്നിവയെല്ലാം കഴിക്കാവുന്നതാണ്. ഇതില്‍ നിന്നെല്ലാം തന്നെ നിങ്ങള്‍ക്ക് വിറ്റമിന്‍ ഡി ലഭിക്കുന്നതാണ്.
അതുപോലെ, മേല്‍പറഞ്ഞ ഏതെങ്കിലും ആഹാരത്തിനോട് നിങ്ങള്‍ക്ക് അലര്‍ജി ഉണ്ടെങ്കില്‍ നിങ്ങള്‍ അത് ഒഴിവാക്കേണ്ടത് അനിവാര്യമാണ്. അതുപോലെ തന്നെ, ഈ ആഹാരങ്ങള്‍ കഴിക്കുന്നതിന്റെ കൂടെ തന്നെ ഡോക്ടറെ കണ്ട് കൃത്യമായി നിര്‍ദ്ദേശങ്ങള്‍ സ്വീകരിക്കേണ്ടത് അനിവാര്യമാണ്. പ്രത്യേകിച്ച് എല്ല് തേയ്മാനം പോലെയുള്ള ആരോഗ്യ പ്രശ്‌നങ്ങള്‍ നേരിടുന്നവര്‍ ഡോക്ടറുടെ നിര്‍ദ്ദേശപ്രകാരം ആഹാരങ്ങള്‍ ഭക്ഷണത്തില്‍ ഉള്‍പ്പെടുത്താന്‍ ശ്രദ്ധിക്കേണ്ടത് അനിവാര്യമാണ്.
