Also Read : മന്ത്രിമാരുടെ അടക്കം വാഹനങ്ങളിൽ നിന്നും നിയോൺ നാഡകൾക്കും എൽഇഡി ലൈറ്റുകൾക്കും നിരോധനം; ലംഘിച്ചാൽ 5,000 രൂപ പിഴ
‘എഞ്ചിനിയറിങ്ങിന്റെ വിസമയക്കാഴ്ച: ദ്വാരക എക്സ്പ്രസ് വേ! ഭാവിയിലേക്കുള്ള ഒരു അത്യാധുനിക യാത്ര’ എന്ന അടിക്കുറിപ്പോടെയാണ് നിതിൻ ഗഡ്കരി വീഡിയോ പങ്കുവച്ചിരിക്കുന്നത്. 3.20 മിനിട്ട് ദൈർഖ്യമുള്ള വീഡിയോയിൽ എട്ടുവരിപ്പാതയുടെ ആകാശ ദൃശ്യങ്ങളും ഉണ്ട്.
Sanjith Chaiwala: കോഫി നഗരത്തിൽ ‘ചായ’ പ്രേമം ആഗോള ഹിറ്റായ കഥ
നാലു പാക്കേജുകളിലായി 563 കിലോമീറ്റർ ദൈർഖ്യമുള്ളതാണ് കേന്ദ്രസർക്കാരിന്റെ പുതിയ ദ്വാരക എക്സ്പ്രസ് വേ. ദേശീയപാത 8ലെ ശിവമൂർത്തിയിൽ നിന്ന് തുടങ്ങി ഗുരുഗ്രാമിലെ ഖേർക്കി ദൗല ടോൾ പ്ലാസയിലാണ് പാത അവസാനിക്കുന്നത്. അതിന് പുറമെ 1,200 മരങ്ങൾ പറിച്ചുനട്ടുകൊണ്ട് നടപ്പിലാക്കിയ ഇന്ത്യയിലെ ആദ്യത്തെ പദ്ധതി എന്ന പ്രത്യേകതയും ഇതിനുണ്ട്.
ഈ പാതയുടെ നിർമാണം പൂർത്തിയാകുന്നതോടെ ഡൽഹിയിൽ നിന്നും ഹരിയാനയിലേക്കുള്ള യാത്രാ സൗകര്യം സുഗമമാകുമെന്നാണ് വിലയിരുത്തുന്നത്. കേന്ദ്ര മന്ത്രി പുറത്തിറക്കിയിരിക്കുന്ന വീഡിയോ പ്രകാരം ദ്വാരകയിൽ നിന്നും മനേശ്വർ വരെയുള്ള യാത്രാസമയം 15 മിനിറ്റായി കുറയും. മനേശ്വറിൽ നിന്നും ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലേക്കുള്ള ദൂരമെന്നത് 20 മിനിറ്റ് മാത്രമായിരിക്കും. ദ്വാരകയിൽ നിന്നും സിന്ധു അതിർത്തി വരെയുള്ള ദൂരം 25 മിനിറ്റുകൊണ്ട് എത്താൻ സാധിക്കും. മനേശ്വറിൽ നിന്നും സിന്ധു അതിർത്തി വരെയുള്ള ദൂരം 45 മിനിറ്റ് മാത്രമാകും.
അതിന് പുറമെ, സെക്ടർ 25നേയും ദ്വാരകയിലെ അന്താരാഷ്ട്ര കൺവെൻഷൻ സെന്ററിനേയും പരസ്‌പരം ബന്ധപ്പെടുത്തുക പദ്ധതിക്കും ഈ എക്സ്പ്രസ് വേ ശക്തിനൽകുമെന്നാണ് പ്രതീക്ഷിക്കുന്നത്.
ഈ പാതയുടെ ഇരുവശങ്ങളിലുമായി മൂന്ന് ലെയിനുള്ള സർവീസ് റോഡുകളും നിർമിച്ചിട്ടുണ്ട്. ഗതാഗതക്കുരുക്ക് ഒഴിവാക്കുന്നതിന്, ഈ സർവീസ് റോഡുകളിൽ പ്രവേശന പോയിന്റുകൾ സ്ഥാപിച്ചിട്ടുണ്ട്.
വീഡിയോ അനുസരിച്ച് പാതയുടെ നിർമാണത്തിന് വേണ്ടി രണ്ട് ലക്ഷം ടൺ സ്റ്റീൽ ആണ് ഉപയോഗിച്ചിരിക്കുന്നത്. അതായത്, ഈഫൽ ടവർ നിർമിക്കാൻ ഉപയോഗിച്ച സറ്റീലിന്റെ മൂപ്പത് മടങ്ങ് അധികമാണ് ഇത്. കൂടാതെ, 20 ലക്ഷം ക്യൂബിക് മീറ്റർ സിമന്റ് കോൺക്രീറ്റും ഉപയോഗിച്ചിട്ടുണ്ട്. ബുർജ്ജ് ഖലീഫ പണിയാൻ ആവശ്യമായതിനേക്കാൾ ആറിരട്ടി കൂടുതലാണിത്.
Read Latest National News and Malayalam News
