കരുത്തുള്ള മുടികള്‍ക്ക്
നല്ല കരുത്തുറ്റ മുടിയിഴകള്‍ ലഭിക്കുന്നതിനായി നിങ്ങള്‍ക്ക് മത്തങ്ങയുടെ കുരു ആഹാരത്തില്‍ ചേര്‍ത്ത് കഴിക്കുന്നത് സത്യത്തില്‍ നല്ല കുരുത്തുറ്റ മുടി നിങ്ങള്‍ക്ക് ലഭിക്കുന്നതിന് നല്ലതാണ്. ഇതില്‍ ഒമേഗ 3 ഫാറ്റി ആസിഡ്‌സ് അടങ്ങിയിരിക്കുന്നു. ഇത് മുടിയ്ക്ക് നല്ല കരുത്ത് നല്‍കാന്‍ സഹായിക്കുന്നതാണ്. അതുപോലെ തന്നെ ഇതില്‍ അടങ്ങിയിരിക്കുന്ന വിറ്റമിന്‍ എ, വിറ്റമിന്‍ ബി, വിറ്റമിന്‍ സി, അതുപോലെ സിങ്ക് എന്നിവ അടങ്ങിയിരിക്കുന്നതിനാല്‍ ഇത് മുടിയെ നൗറിഷ് ചെയ്ത് നിലനിര്‍ത്താനും, മുടിയുടെ വേരില്‍ നിന്നും മുടിയെ ബലപ്പെടിത്താനും മുടി വരണ്ട് പോകുന്നത് തടയുന്നതിനും ഇത് സഹായിക്കുന്നുണ്ട്.
മുടി കൊഴിച്ചില്‍
മുടി കൊഴിച്ചില്‍ തടഞ്ഞ് മുടി നല്ലപോലെ വളരുന്നതിന് മത്തങ്ങയുടെ കുരു ആഹാരത്ത്തില്‍ ചേര്‍ക്കുന്നത് നല്ലതാണ്. ഇതില്‍ അടങ്ങിയിരിക്കുന്ന phytochemical മുടി കൊഴിച്ചില്‍ ഉണ്ടാക്കുന്ന ഹോര്‍മോണിനെ നിയന്ത്രിക്കുകയും അതിലൂടെ നിങ്ങളുടെ മുടി കൊഴിച്ചില്‍ സാവധാനത്തില്‍ കുറയുന്നതിനും ഇത് സഹായിക്കുകയും ചെയ്യുന്നു.
അതുപോലെ, മത്തങ്ങയുടെ വിത്തില്‍ അടങ്ങിയിരിക്കുന്ന വിറ്റമിന്‍ ഇ ഓക്‌സിടേറ്റീവ് സ്‌ട്രെസ്സില്‍ നിന്നും സ്‌കാള്‍പ്പ് സംരക്ഷിക്കുകയും സ്‌കാള്‍പ്പിന്റെ ആരോഗ്യം നഷ്ടപ്പെടാതെ സംരക്ഷക്കുന്നതിന് സഹായിക്കുകയും ചെയ്യുന്നുണ്ട്. ഇതും മുടി കൊഴിച്ചില്‍ തടയാനും അതുപോലെ തന്നെ തലയിലെ താരന്‍ അകറ്റുന്നതിനും ഇത് സഹായിക്കുന്നുണ്ട്. ഇതെല്ലാം മുടി കൊഴിച്ചില്‍ അകറ്റാന്‍ സഹായിക്കുന്നു.
ചര്‍മ്മം മനോഹരമാക്കാന്‍
മുഖകാന്തി മെച്ചപ്പെടുത്താൻ റോസ് പെറ്റൽസ് ഫേസ് പാക്ക്
മത്തന്റെ കുരു ഉള്‍പ്പെടുത്തേണ്ട വിധം
മുടിയുടെ ആരോഗ്യത്തിനായി നമ്മള്‍ക്ക് മത്തന്റെ കുരു പലവിധത്തില്‍ ഉപയോഗിക്കാവുന്നതാണ്. നിങ്ങള്‍ക്ക് മത്തന്‍ സൂപ്പ് തയ്യാറാക്കുമ്പോള്‍ അതിന്റെ കൂടെ തന്നെ മത്തന്റെ കുരു റോസ്റ്റ് ചെയ്ത് ചേര്‍ക്കുന്നത് നല്ലതാണ്. അതുപോലെ തന്നെ മത്തന്റെ കുരു വെയിലത്ത് വെച്ച് ഉണക്കി അത് പൊടിച്ച് അതില്‍ കുറച്ച് തേനും തേര്‍ത്ത് പേയ്സ്റ്റ് പരുവത്തിലാക്കി ഹെയര്‍ മാസ്‌ക്ക് തയ്യാറാക്കി എടുക്കുന്നത് നല്ലതാണ്. ഇത് തലയില്‍ ഒഴിച്ചയില്‍ ഒരിക്കല്‍ തേച്ച് പിടിപ്പിച്ച് 10 മുതല്‍ അതുപോലെ തന്നെ 15 മിനിറ്റ് വെക്കണം. അതന് ശേഷം നിങ്ങള്‍ക്ക് കഴുകി കളയാവുന്നതാണ്.
മത്തന്റെ കുരുവിട്ട വെള്ളം
മത്തങ്ങയുടെ കുരു ഇട്ട് തിളപ്പിച്ച വെള്ളത്തില്‍ മുടി കഴുകുന്നതും നല്ലതാണ്. ഇതിനായി നിങ്ങള്‍ ഒരു മൂന്ന് ടീസ്പൂണ്‍ മത്തങ്ങയുടെ കുരു എടുത്ത് തിളപ്പിച്ച് ഈ വെള്ളവും കുരുവും ഒരു ബക്കറ്റ് വെള്ളത്തില്‍ ചേര്‍ത്ത് മിക്‌സ് ചെയ്ത് തലേദിവസം വെക്കണം. അതിന് ശേഷം പിറ്റേ ദിവസം ഈ വെള്ളത്തില്‍ നിങ്ങള്‍ക്ക് തല കഴുകാവുന്നതാണ്. അതുപോലെ തന്നെ, തലേദിവസം ഒരു ബക്കറ്റ് വെള്ളത്തില്‍ മത്തന്റെ കുരു ഇട്ട് വെക്കുന്നതും നല്ലതാണ്.
മറ്റൊരു ഹെയര്‍പാക്ക്
നിങ്ങള്‍ക്ക് മത്തന്റെകുരു വേറൊരു വിധത്തില്‍ ഉപയോഗിക്കാവുന്നതാണ്. ഇതിനായി മത്തന്റെ കുരുവും അതുപോലെ കുറച്ച് തൈരും എടുക്കണം. ഇവ നന്നായി അരച്ച് മിക്‌സ് ചെയ്ത് വെക്കുക. ഇതിലേയ്ക്ക് ഒരു മുട്ടയുടെ വെള്ളയും ചേര്‍ത്ത് രണ്ട് തുള്ളി, എണ്ണയും ചേര്‍ത്ത് നന്നായി മിക്‌സ് ചെയ്ത് തലയില്‍ നന്നായി തേച്ച് പിടിപ്പിക്കാവുന്നതാണ്. മുടിയില്‍ നന്നായി തേച്ച് പിടിപ്പിച്ചതിന് ശേഷം ഒരു തുണി ചൂടുവെള്ളത്തില്‍ മുക്കി പിഴിഞ്ഞ് അത് മുടിയില്‍ നന്നായി കെട്ടി വെക്കുക. അര മണിക്കൂര്‍ കഴിഞ്ഞ് നന്നായി ഷാംപൂ വാഷ് ചെയ്യാവുന്നതാണ്. അതിന് ശേഷം കണ്ടീഷ്ണര്‍ ഉപയോഗിക്കാന്‍ മറക്കരുത്.
ശ്രദ്ധിക്കേണ്ട കാര്യം
മത്തന്റെ കുരു ബാഹ്യമായി ഉപയോഗിക്കുന്നതിനേക്കാളും ഏറ്റവും നല്ലത് ഇത് ആഹാരത്തില്‍ ചേര്‍ത്ത് കഴിക്കുന്നത് തന്നെയാണ്. ഇതാകുമ്പോള്‍ മൊത്തത്തിലുള്ള ആരോഗ്യത്തിനും അതുപോലെ തന്നെ മുടിയുടെ ആരോഗ്യത്തിനും ഇത് നല്ലതാണ്. അതുപോലെ തന്നെ മേല്‍ പറഞ്ഞ ഹെയര്‍ പാക്കുകള്‍ സാധാരണ മുടി കൊഴിച്ചില്‍ അകറ്റാന്‍ മാത്രമാണ് സഹായിക്കുക. നിങ്ങള്‍ക്ക് എന്തെങ്കിലും അസുഖം മൂലമോ അല്ലെങ്കില്‍ ഹോര്‍മോണ്‍ ചേയ്ഞ്ച് മൂലമോ ആണ് മുടി കൊഴിയുന്നതെങ്കില്‍ അത് ഡോക്ടറെ കണ്ട് മരുന്ന് വാങ്ങേണ്ടത് അനിവാര്യമാണ്.
മുടിയുടെ ആരോഗ്യം നിലനിര്‍ത്താന്‍ നമ്മള്‍ പല പച്ചക്കറികള്‍ കഴിക്കാറുണ്ട്. അതുപോലെ, ഉപയോഗിക്കാന്‍ സാധിക്കുന്ന ഒന്നാണ് മത്തന്റെ വിത്ത്. ഇത് എങ്ങിനെ ഉപയോഗിക്കണം എന്ന് നോക്കാം.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
