ബന്ധങ്ങളിൽ സുരക്ഷിതമായ ആശയവിനിമയം നടത്താൻ ചില കാര്യങ്ങൾ ശ്രദ്ധിക്കണം

കേൾക്കുക

ഒരാൾ പറയുന്ന കാര്യങ്ങൾ മാത്രമല്ല ബന്ധങ്ങളിൽ നടപ്പാക്കേണ്ടത്. പരസ്പരം കേൾക്കാനും പറയാനുമുള്ള സ്വാതന്ത്ര്യം ബന്ധങ്ങളിൽ വളരെ പ്രധാനമാണ്. കൂടെ ഉള്ള ആളെ കേൾക്കുന്നത് ഒരു നല്ല കാര്യമാണ്. അവർക്ക് എന്താണ് പറയാനുള്ളതെന്ന് കേൾക്കാൻ ശ്രമിക്കുക. അവരുടെ വാക്കുകളിലെ വികാരത്തെ മനസിലാക്കാനും ഉൾക്കൊള്ളാനും ശ്രമിക്കുന്നതാണ് എപ്പോഴും ബന്ധങ്ങളിലെ ആശയ വിനിമയത്തെ നിലനിർത്തുന്നത്.

ഒരുമിച്ച് ജീവിക്കാൻ തയ്യാറെടുക്കുന്നോ? പരസ്പരം പറഞ്ഞിരിക്കണം ഇക്കാര്യങ്ങൾ

​

​

വികാരങ്ങൾക്ക് വില നൽകുക

എല്ലാ ബന്ധങ്ങളിലും ഏറ്റവും പ്രധാനമായും വേണ്ട കാര്യമാണിത്. പങ്കാളിയുടെ വിഷമത്തെയും സന്തോഷത്തെയുമൊക്കെ മനസിലാക്കാൻ ശ്രമിക്കുക. അവരുടെ വികാരങ്ങൾക്ക് വില നൽകാൻ ശ്രമിക്കേണ്ടത് ഏറെ പ്രധാനമാണ്. ബന്ധത്തിൽ ഒരുമിച്ച് പ്രവർത്തിക്കാൻ ശ്രമിക്കുക. പങ്കാളിയോട് സഹാനുഭൂതി കാണിക്കാൻ ശ്രമിക്കേണ്ടത് ഏറെ പ്രധാനമാണ്. അവരുടെ വിഷമ ഘട്ടങ്ങളിൽ അത് മനസിലാക്കി പ്രവർത്തിക്കാൻ ശ്രമിക്കുക.

കാഴ്ചപ്പാട് പങ്ക് വയ്ക്കുക

പരസ്പരം അവരവരുടെ കാഴ്ചപ്പാടുകളെ പങ്കുവെയ്ക്കാൻ ശ്രമിക്കുക. ഇരുവർക്കും വ്യത്യസ്തമായ കാഴ്ചപ്പാടുകളായിരിക്കും ഓരോ കാര്യത്തിലും ഉണ്ടാകുന്നത്. പങ്കാളിയെ കുറ്റപ്പെടുത്താതെ അവരുടെ കാഴ്ചപ്പാട് എന്താണെന്ന് കേൾക്കാനും മനസിലാക്കാനും ശ്രമിക്കുക. ഇത് ഒരു പരിധി വരെ പ്രശ്നങ്ങളെ ഇല്ലാതാക്കും. വലിയ പ്രശ്നങ്ങളിലേക്ക് കാര്യങ്ങൾ എത്തിക്കാതെ ഒരു പരിധി പിടിച്ച് നിർത്താനും ഇത് ഏറെ സഹായിക്കും.

അഭിനന്ദിക്കാം

പങ്കാളിയുടെ ചെറിയ വിജയങ്ങൾ പോലും ആഘോഷിക്കാൻ ശ്രമിക്കുക. ഒരു വാക്ക് കൊണ്ട് അവരുടെ വിജയങ്ങളെ അഭിനന്ദിക്കുന്നത് ബന്ധങ്ങൾക്ക് കൂടുതൽ ബലം നൽകും. പരസ്പരം മുൻവിധികളോടെ പെരുമാറില്ലെന്ന് ഉറപ്പായി കഴിഞ്ഞാൽ ബന്ധങ്ങളിൽ എല്ലാ കാര്യങ്ങലും സുതാര്യമായിരിക്കും. നല്ല കാര്യങ്ങളെ ചെറിയ രീതിയിലാണെങ്കിലും അഭിനന്ദിക്കാൻ ശ്രമിക്കുക. ഇത്തരം അഭിപ്രായങ്ങളും അഭിനന്ദനങ്ങളുമൊക്കെ ബന്ധങ്ങൾക്ക് കൂടുതൽ സുതാര്യത നൽകും.

ബഹുമാനിക്കുക

ഒരു ബന്ധത്തിൽ പങ്കാളിയെ ബഹുമാനിക്കേണ്ടത് വളരെ പ്രധാനമാണ്. പങ്കാളിയ്ക്ക് ആരോഗ്യകരമായ അതിരുകൾ നൽകാൻ ശ്രമിക്കുക. പേഴ്സണൽ സ്പേസ് വളരെ പ്രധാനമാണ്. ആവശ്യമില്ലാത്ത കാര്യങ്ങളിൽ ഇടപെടാതിരിക്കാൻ പരസ്പരം ശ്രദ്ധിക്കുക. അമിതമായുള്ള ഇടപെടലുകളും പലപ്പോഴും വലിയ പ്രശ്നങ്ങളിലേക്ക് നയിച്ചേക്കാം. അത് മനസിലാക്കി പെരുമാറുന്നത് ബന്ധങ്ങൾ സന്തോഷത്തോടെ നിലനിൽക്കാൻ ഏറെ സഹായിക്കും.