നിലവിലെ വൈദ്യുതി കരാറുകളുടെ കാലാവധി 2023 ഡിസംബർ 31വരെയാണ് നീട്ടിയിരിക്കുന്നത്. 2024 ജനുവരി 1 മുതൽ പുതിയ കരാറിലൂടെ വൈദ്യുതി ലഭ്യമാക്കുമെന്നും കെഎസ്ഇബി വ്യക്തമാക്കി. നേരത്തെ സംസ്ഥാനത്തെ വൈദ്യുതി പ്രതിസന്ധിയിൽ എന്ത് നടപടിയെടുക്കണമെന്ന തീരുമാനം മുഖ്യമന്ത്രിക്ക് വിട്ടതായി റിപ്പോർട്ടുകളുണ്ടായിരുന്നു. പുറത്ത് നിന്ന് കൂടിയ വിലക്ക് വൈദ്യുതി വാങ്ങണോ, അതോ ലോഡ് ഷെഡിങ് വേണോ എന്നത് സംബന്ധിച്ച് ഈ മാസം 25 നു മുഖ്യമന്ത്രിയും വൈദ്യുതി മന്ത്രിയും കൂടിയാലോചന നടത്തുമെന്നായിരുന്നു വാർത്തകൾ. ഇതേസമയത്താണ് കെഎസ്ഇബി കരാറുകൾ നീട്ടിയത്.
മലപ്പുറത്ത് വീട്ടുവളപ്പിൽ മൃതദേഹം കുഴിച്ചിട്ട നിലയിൽ, കാണാതായ സ്ത്രീയുടേതെന്ന് സംശയം
KCVenugopal about RameshChennithala: രമേശ് ചെന്നിത്തല അതൃപ്തനെന്ന വാർത്തയിൽ പ്രതികരിച്ച് കെസി വേണുഗോപാൽ
ലോഡ് ഷെഡിങ്ങും വൈദ്യുതി നിയന്ത്രണങ്ങളും ഒഴിവാക്കാനാണ് വൈദ്യുതി റെഗുലേറ്ററി കമ്മീഷൻ കരാറുകൾ നീട്ടിയത്. നിലവിലുള്ള പ്രതിസന്ധി കരാര്‍ റദ്ദാക്കിയത് കാരണമല്ലെന്നും കമ്മിഷന്‍ വ്യക്തമാക്കിയതായി റിപ്പോർട്ടിലുണ്ട്. മഴ കുറഞ്ഞതിനെ തുടര്‍ന്ന് ആഭ്യന്തര ഉത്പാദനവും കുറഞ്ഞെന്നാണ് കമ്മിഷന്‍ വിശദീകരിക്കുന്നത്.
‘ഐസക് സാറേ, അതിബുദ്ധി വേണ്ട’; കേസ് വാദം തുടങ്ങിയിട്ടല്ലേ ഉള്ളൂവെന്ന് മാത്യു കുഴൽനാടൻ
ഇന്നലെ വൈദ്യുതി മന്ത്രി കെ കൃഷ്ണന്‍കുട്ടിയുടെ അധ്യക്ഷതയില്‍ ഉന്നതതല യോഗം ചേര്‍ന്നിരുന്നു. എന്നാല്‍ ലോഡ് ഷെഡിങ് വേണമോ എന്ന കാര്യത്തില്‍ തീരുമാനമാകാത്തതിനാൽ വെള്ളിയാഴ്ച മുഖ്യമന്ത്രിയുമായി നടക്കുന്ന ചര്‍ച്ചയില്‍ വിഷയം അവതരിപ്പിക്കാനായിരുന്നു തീരുമാനിച്ചിരുന്നത്. വൈദ്യുതി വാങ്ങിയതിന്‍റെ വിശദാംശങ്ങള്‍ നല്‍കാന്‍ റെഗുലേറ്ററി കമ്മീഷന്‍ നിര്‍ദേശവും നല്‍കിയിരുന്നു. കരാര്‍ നീട്ടണമെന്ന അപേക്ഷയില്‍ വാദം കേട്ട ശേഷമായിരുന്നു കമ്മീഷന്‍ നിര്‍ദേശം നല്‍കിയത്.
