നല്ല നാച്വറല്‍ ബ്യൂട്ടി ലഭിക്കാന്‍ ഇക്കാര്യങ്ങള്‍ ചെയ്യൂ
ബ്യൂട്ടി പ്രോഡക്ട്‌സും അതിന്റെ കാലാവധിയും
നമ്മള്‍ ഉപയോഗിക്കുന്ന ബ്യൂട്ടി പ്രോഡക്ട്‌സ് പരമാവധി ഉപയോഗിക്കേണ്ട ഒരു കാലാവധിയുണ്ട്. അത് നിങ്ങള്‍ ഓപണ്‍ ചെയ്ത് ഉപയോഗിച്ച് തുടങ്ങിയിട്ടില്ലെങ്കില്‍ കൂടിയും ഒരു കാലാവധി കഴിഞ്ഞാല്‍ ഇത്തരം ബ്യൂട്ടി പ്രോഡക്ട്‌സ് ഉപയോഗിക്കുന്നത് ചര്‍മ്മത്തില്‍ അലര്‍ജി പോലെയുള്ള പ്രശ്‌നങ്ങള്‍ ഉണ്ടാക്കിയെന്ന് വരാം. ഇത് മാത്രമല്ല, ചിലപ്പോള്‍ നിറവ്യത്യാസവും പാടുകളും ചില ചെറിയ ചെറിയ കുരുക്കള്‍ മുഖത്ത് പൊന്തുന്നതിലേയ്ക്ക് വരെ ഇത് നയിക്കാം. അതിനാല്‍, കാലാവധി ശ്രദ്ധിച്ച് തന്നെ ഓരോ പ്രോഡക്ട്‌സും ഉപയോഗിക്കേണ്ടത് അനിവാര്യമാണ്.
എത്രകാലം ഉപയോഗിക്കാം
പൊതുവില്‍ എല്ലാവരും ഉപയോഗിക്കുന്ന ചില ബ്യൂട്ടി പ്രോഡക്ട്‌സ് ആണ് ഫേയ്‌സ് വാഷ്, മോയ്‌സ്ച്വറൈസര്‍, സണ്‍സ്‌ക്രീന്‍, ടോണര്‍, സിറം, എക്‌സ്‌ഫോളിയേറ്റര്‍ എന്നിവ. ഈ പ്രോഡക്ട്‌സ് ഉപയോഗിക്കുന്നതിലും ചില കാലാവധി പ്രശ്‌നങ്ങള്‍ ഉണ്ട്. നിങ്ങള്‍ പുതിയതായി ഒരു ഫേയ്‌സ് വാഷ് വാങ്ങിയാല്‍ മാക്‌സിമം ഒന്ന് അല്ലെങ്കില്‍ രണ്ട് വര്‍ഷം വരെ അത് നിങ്ങള്‍ക്ക് ഉപയോഗിക്കാം. അതുപോലെ മോയ്‌സ്ച്വറൈസര്‍ ആണെങ്കില്‍ മാക്‌സിമം ഒന്ന് അല്ലെങ്കല്‍ മൂന്ന് വര്‍ഷം വരെ ഉപയോഗിക്കാന്‍ പാടുള്ളൂ. സണ്‍സ്‌ക്രീന്‍ 1 മുതല്‍ രണ്ട് വര്‍ഷം വരേയും ടോണര്‍ ആറ് മാസം മുതല്‍ 1 വര്‍ഷം വരേയും അതുപോലെ സിറം സാധാരണയായി ആറ് മാസം മുതല്‍ 1 വര്‍ഷം വരേയും എകസ്‌ഫോളിയേറ്റര്‍ മാക്‌സിമം 1 വര്‍ഷം വരെ മാത്രമാണ് ഉപയോഗിക്കാന്‍ പാടുള്ളത്.
മറ്റ് പ്രോഡക്ട്‌സ്
ഇന്ന് മിക്കവരും റെറ്റിനോള്‍, വിറ്റമിന്‍ സി സിറം, ബെന്‍സോയില്‍ പെറോക്‌സൈഡ് എന്നിവയെല്ലാം പതിവായി ഉപയോഗിക്കുന്നുണ്ട്. നമ്മള്‍ ഇത്തരം പ്രോഡക്ട്‌സ് ഉപയോഗിക്കുമ്പോള്‍ പലപ്പോഴും ഇതിന്റെ കാലാവധി എത്രയാണെന്ന് ചിലര്‍ ശ്രദ്ധിക്കാറില്ല. ചിലതില്‍ കാലാവധി കൃത്യമായി മെന്‍ഷന്‍ ചെയ്തിട്ടുണ്ടാവില്ല. അതിനാല്‍ തന്നെ പലര്‍ക്കും ഇത് എത്രനാള്‍ വരെ ഉപയോഗിക്കണം ന്നെത് സംശയമായിരിക്കും. ചിലര്‍ ആണെങ്കില്‍ ഒരിക്കല്‍ ഉപയോഗിച്ചതിന് ശേഷം കുറച്ച് നാള്‍ കഴിഞ്ഞായിരിക്കും രണ്ടാമത് ഉപയോഗിക്കാന്‍ നോക്കുന്നത്. ഇത്തരത്തില്‍ ഉപയോഗിക്കുന്നവര്‍ ശ്രദ്ധിക്കേണ്ട ചില കാര്യങ്ങളുണ്ട്. അവ എന്തെല്ലാമെന്ന് നോക്കാം.
നിങ്ങളുടെ കൈവശം റെറ്റിനള്‍ ഉണ്ടെങ്കില്‍ അത് രണ്ട് അല്ലെങ്കില്‍ മൂന്ന് മാസം വരെ മാത്രമേ ഉപയോഗിക്കാന്‍ പാടുള്ളൂ. അതിനാല്‍, മാക്‌സിമം ഇതിനുള്ളില്‍ ഉപയോഗിച്ച് തീര്‍ക്കാന്‍ ശ്രദ്ധിക്കാം. അല്ലെങ്കില്‍ ഉപയോഗിച്ച് കഴിഞ്ഞില്ലെങ്കിലും മൂന്ന് മാസം വരെ എത്തിയാല്‍ സാധനം കളയുന്നതാണ് നല്ലത്. അതുപോലെ തന്നെയാണ് വിറ്റമിന്‍ സി സിറം. മുഖത്ത് പ്രായക്കുറവ് തോന്നിപ്പിക്കുന്നതിനും മുഖക്കുരു പ്രശ്‌നങ്ങള്‍ കുറയ്ക്കാനുമെല്ലാം അകറ്റുന്നതിനും പലരും വിറ്റമിന്‍ സി സിറം ഉപയോഗിക്കാറുണ്ട്. എന്നാല്‍ ഈ വിറ്റമിന്‍ സി സിറം മൂന്ന് മാസത്തില്‍ കൂടുതല്‍ ഒരിക്കലും ഉപയോഗിക്കാന്‍ പാടുള്ളതല്ല. ബെന്‍സോയില്‍ പെറോക്‌സൈഡ് ആയാലും മൂന്ന് മാസം വരെ മാക്‌സിമം ഉപയോഗിക്കുക. അത് കഴിഞ്ഞാല്‍ മാറ്റി വാങ്ങേണ്ടത് അനിവാര്യമാണ്.
ബ്യൂട്ടി പ്രോഡക്ട്‌സ് മാറ്റി വാങ്ങേണ്ടത് എപ്പോള്‍
ഓരോ ബ്യൂട്ടി പ്രോഡക്ട്‌സും അതിന്റെ കാലാവധി കഴിയുമ്പോള്‍ മാറ്റി വാങ്ങേണ്ടത് അനിവാര്യമാണ്. അതുപോലെ തന്നെ, കാലാവധി കഴിയുന്നതിന് മുന്‍പ് നിങ്ങളുടെ ബ്യൂട്ടി പ്രോഡക്ട്‌സിന് നിറവ്യത്യാസം അതുപോലെ തന്നെ മണത്തില്‍ വ്യത്യാസം എന്നിവ ഉണ്ടെങ്കില്‍ അവ ഉപയോഗിക്കരുത്. പ്രത്യേകിച്ച് വിറ്റമിന്‍ സി സിറം നിറം വ്യത്യാസം വന്ന് കഴിഞ്ഞിട്ടും ഉപയോഗിച്ചാല്‍ അല്ലെങ്കില്‍ വാങ്ങുമ്പോള്‍ തന്നെ നിറവ്യത്യാസം ശ്രദ്ധയില്‍ പെട്ടാല്‍ ഉപയോഗിക്കാതിരിക്കുന്നതാണ് നല്ലത്. ഉപയോഗിച്ചാല്‍ അത് ചര്‍മ്മത്തില്‍ ചൊറിച്ചില്‍ വരള്‍ച്ച എന്നിങ്ങനെയുള്ള പ്രശ്‌നങ്ങളിലേയ്ക്ക് നയിക്കും.
ബ്യൂട്ടി പ്രോഡക്ട്‌സ് സൂക്ഷിക്കേണ്ട ശരിയായ വിധം
ഏതൊരു ബ്യൂട്ടി പ്രോഡക്ട്‌സും ഉപയോഗിക്കുന്നതിന് മുന്‍പ് കൈകള്‍ നന്നായി വൃത്തിയാക്കിയതിന് ശേഷം വേണം ഉപയോഗിക്കാന്‍. അതുപോലെ തന്നെ ഇവ സൂക്ഷിക്കുമ്പോള്‍ നല്ലപോലെ ഉണങ്ങിയതും ഈര്‍പ്പം നിലനില്‍ക്കാത്തതുമായ സ്ഥലത്ത് സൂക്ഷിക്കാന്‍ ശ്രദ്ധിക്കുക. അതുപോലെ ക്രീം അല്ലെങ്കില്‍ എന്തെങ്കിലും ലിക്വിഡ് ഫോമിലുള്ള ബ്യൂട്ടി പ്രോഡക്ട്‌സ് ആണെങ്കില്‍ അവ ഉപയോഗിക്കുന്നതിന് മുന്‍പ് ഒന്ന് നന്നായി ഷേയ്ക്ക് ചെയ്ത് ഉപയോഗിക്കുന്നത് നല്ലതാണ്.
ഏതൊരു ബ്യൂട്ടി പ്രോഡക്ട്‌സിന്റെ പാക്കിലും അത് ഉപയോഗിക്കേണ്ട ശരിയായ വിധം എഴുതിയിട്ടുണ്ടാകും. അത് അനുസരിച്ച് ഉപയോഗിക്കുന്നതാണ് നല്ലത്. ഇത് കൂടുതല്‍ റിസള്‍ട്ട് നല്‍കാനും സഹായിക്കും. അതുപോലെ തന്നെ ബ്യൂട്ടി പ്രോഡക്ട്‌സ് ഉപയോഗിക്കുന്നതിന് മുന്‍പ് പാച്ച് ടെസ്റ്റ് നടത്തുന്നത് നല്ലതാണ്. ഇത് നിങ്ങള്‍ക്ക് എന്തെങ്കിലും അലര്‍ജി ഉണ്ടെങ്കില്‍ മുന്‍കൂട്ടി മനസ്സിലാക്കാന്‍ സഹായിക്കും.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
