നാട്ടിലേക്ക് കയറ്റിവിടാൻ സഹോദരന്മാർ വിമാന ടിക്കറ്റെടുത്തിരുന്നു, സ്ഥിരമായി കഴിച്ചിരുന്ന മരുന്ന് എത്തിക്കാൻ സാധിച്ചില്ല; കീടനാശിനി കുടിച്ച് റിയാദിലെ ആശുപത്രിയിൽ ചികിത്സയിലായിരുന്ന പ്രവാസി മരിച്ചു

മരുന്നു തീരുന്നതിന് അനുസരിച്ച് നാട്ടിൽ നിന്നും കൊണ്ടുവരും. എന്നാൽ ഇത്തവണ നാട്ടിൽ നിന്നും മരുന്നു കൊണ്ടുവരാൻ സാധിച്ചില്ല. വിഭ്രാന്തി കാണിച്ച ഇദ്ദേഹത്തെ നാട്ടിലേക്ക് കയറ്റിവിടാൻ സഹോദരന്മാർ ടിക്കറ്റെടുത്തിരുന്നു. എന്നാൽ ഇദ്ദേഹം പോകാൻ തയ്യാറായില്ല. തുടർന്ന് കീടനാശിനി കൊണ്ടുവന്ന് സഹോദരന്മാരുടെ മുന്നിൽ വെച്ച് വായിൽ ഒഴിച്ചു. കുറച്ചു പുറത്തേക്ക് തുപ്പി. ബാക്കി കുറച്ചു ഇറക്കി. ഉടൻ തന്നെ സമീപത്തെ ആശുപത്രിയിലെത്തിച്ചു. എന്നാൽ പ്രവേശനം ലഭിച്ചില്ല. പിന്നീട് നസീം അമീർ മുഹമ്മദ് ബിൻ സൽമാൻ ആശുപത്രിയിലെത്തിക്കുകയായിരുന്നു. 27 ദിവസമായി വെൻറിലേറ്ററിൽ ചികിത്സയിലായിരുന്നു. അവിടെ നിന്നുമാണ് ഇദ്ദേഹം മരിക്കുന്നത്.

Also Read: അൽഐനിലെ ആയുർവേദ ക്ലിനിക്കിൽ ജോലി ചെയ്യുകയായിരുന്ന യുവ മലയാളി ഡോക്ടർ അന്തരിച്ചു
ഇങ്ങനെ മാനസികാസ്വാസ്ഥ്യമുള്ളപ്പോൾ എല്ലാം ഇദ്ദേഹത്തെ നാട്ടിലേക്ക് അയക്കാർ ആണ് പതിവ്. പിന്നീട് സുഖമായ ശേഷം തിരിച്ചുവരും. ഭാര്യ: നുസ്രത്ത് മോൾ. മക്കൾ: ഷഹ്മ, മുഹമ്മദ് ഷാഹിൽ, മുഹമ്മദ് ഷമീൻ. മൃതദേഹം റിയാദിൽ ഖബറടക്കുന്നതിന് റിയാദ് കെഎംസിസി വെൽഫയർ വിങ് ചെയർമാൻ സിദ്ദീഖ് തുവ്വൂർ, അബ്ദുസ്സമദ് എന്നിവർ രംഗത്തുണ്ട്.