വയറും വണ്ണവും കുറയ്ക്കാന്‍ ഉപയോഗിക്കുന്ന മാര്‍ഗ്ഗങ്ങള്‍
ഇന്ന് മിക്കവരും രാവിലെ വെറും വയറ്റില്‍ ഗ്രീന്‍ ടീ കുടിക്കുന്നു, ഉലുവ വെള്ളം കുടിക്കുന്നു, നാരങ്ങനീര് കുടിക്കുന്നു, ആപ്പിള്‍ സൈഡര്‍ വിനിഗര്‍ കുടിക്കുന്നു, എന്നിങ്ങനെ പലവിധത്തില്‍ പല കാര്യങ്ങളാണ് ഓരോരുത്തരും ചെയ്തുകൊണ്ടിരിക്കുന്നത്. ഒന്നും ചെയ്യാതെ തന്നെ വേഗത്തില്‍ ഫലം ലഭിക്കുന്നതിന് വേണ്ടിയാണ് പലരും ഇത്തരത്തില്‍ ഓരേ മാര്‍ഗ്ഗങ്ങള്‍ ചെയ്യുന്നത്. ഇവ കൂടാതെ, ബട്ടര്‍ കോഫി, അതുപോലെ കോഫി എന്നിവയും ചിലര്‍ കുടിക്കുന്നത് കാണാം. ഇത്തരത്തില്‍ കുടിച്ചാല്‍, അല്ലെങ്കില്‍ ശീലിച്ചാല്‍ പലര്‍ക്കും റിസള്‍ട്ട് ലഭിക്കാറുണ്ട്. എന്നാല്‍, അതിന്റെപിന്നാലെ തന്നെ ഇവര്‍ നേരിടുന്ന ആരോഗ്യ പ്രശ്‌നങ്ങള്‍ ഏതെല്ലാമെന്ന് നോക്കാം.
ഉറക്കക്കൂടുതല്‍ വരുന്നതിന്റെ കാരണം
ഉറക്കം കൂടുതലാണെങ്കിലും പ്രശ്നമാണ്, ഇത് കുറയ്ക്കാൻ എന്തൊക്കെ ചെയ്യാം
ദഹന പ്രശ്‌നങ്ങള്‍
പലരും വയറും വണ്ണവും കുറയ്ക്കാന്‍ പാനീയങ്ങളാണ് കൂടുതലും കഴിക്കുന്നത്. അതില്‍ തന്നെ രാവിലെ വെറും വയറ്റില്‍ കുടിക്കേണ്ടവയാണ് മിക്കതും. ഇത്തരത്തില്‍ വെറും വയറ്റില്‍ കുടിക്കുന്നവയില്‍ നാരങ്ങ നീര്, ആപ്പിള്‍ സൈഡര്‍ വിനിഗര്‍ എന്നിവയാണ് പലരും തിരഞ്ഞെടുക്കുന്നത്. ഇവ രാവിലെ വെറും വയറ്റില്‍ കുടിച്ചാല്‍, ഇവയ്ക്ക് അസിഡിക് സ്വഭാവം ഉള്ളതിനാല്‍ തന്നെ വയറ്റില്‍ അമിതമായി ഗ്യാസ് നിറയുന്നതിന് ഇത് കാരണമാകുന്നുണ്ട്.
രാവിലെ മുതല്‍ വയര്‍ ചീര്‍ത്തിരിക്കാനും അസിഡിറ്റി പ്രശ്‌നങ്ങള്‍ വിട്ടുമാറാതെ പിന്തുടരുന്നതിനും ഇത് ഒരു കാരണമാണ്. ഇത്തരത്തില്‍ പതിവായി അസിഡിറ്റി പ്രശ്‌നങ്ങള്‍ വരുന്നത് അള്‍സറിലേയ്ക്ക് നയിക്കാം. ഇത് മാത്രമല്ല, ചിലര്‍ക്ക് ഗ്യാസ് നിറയുന്നത് തലവേദന പോലെയുള്ള അസുഖങ്ങള്‍ വരുന്നതിനും വയറുവേദനയിലേയ്ക്കും നയിക്കാറുണ്ട്.
ചര്‍മ്മ പ്രശ്‌നങ്ങള്‍
വയറിന്റെ ആരോഗ്യം നശിക്കുന്നത് മാത്രമല്ല, ചര്‍മ്മത്തിന്റെ ആരോഗ്യവും നിങ്ങള്‍ക്ക് നഷ്ടമാകാനുള്ള സാധ്യത വളരെ കൂടുതലാണ്. നമ്മളുടെ ചര്‍മ്മം നല്ലപോലെ ഹെല്‍ത്തിയായി ഇരിക്കണമെങ്കില്‍ അതില്‍ മോയ്‌സ്ച്വര്‍ കണ്ടന്റ് നല്ലപോലെ അടങ്ങിയിരിക്കണം. എന്നാല്‍ മാത്രമാണ് ചര്‍മ്മത്തില്‍ ചുളിവുകള്‍ വീഴാതെ ചര്‍മ്മത്തെ സംരക്ഷിക്കണമെങ്കിലും ചര്‍മ്മം നല്ലപോലെ മോയ്‌സ്ച്വര്‍ ചെയ്ത് ഇരിക്കണം.
എന്നാല്‍, നിങ്ങള്‍ അസിഡിക് ആയിട്ടുള്ള വെള്ളങ്ങളും പഴങ്ങളും ശരീരഭാരം കുറയക്കുന്നതിനായി ഉപയോഗിക്കുമ്പോള്‍ അത് നിങ്ങളുടെ ചര്‍മ്മം നല്ലപോലെ വരണ്ടതാക്കുന്നു. വറണ്ട ചര്‍മ്മത്തില്‍ വേഗത്തില്‍ തന്നെ അലര്‍ജി, ചൊറിച്ചില്‍, അതുപോലെ കുരുക്കള്‍ എന്നിവയെല്ലാം വരാനുള്ള സാധ്യതയും കൂടുതലാണ്. ചിലര്‍ക്ക് ചര്‍മ്മത്തില്‍ സാവധാനത്തില്‍ മൊരി പ്രത്യക്ഷപ്പെടാനും ഇത് കാരണമാകുന്നു.
വരണ്ട് പോവുക
നമ്മളുടെ ശരീരത്തില്‍ നല്ലപോലെ നിര്‍ജലീകരണം സംഭവിക്കാന്‍ ഇത് ഒരു കാരണമാകുന്നുണ്ട്. ഇത് മൊത്തത്തില്‍ നമ്മളെ ഡ്രൈ ആക്കുന്നു. ചിലര്‍ക്ക് തൊണ്ട അമിതമായി വരണ്ട് പോകുന്നതായി തോന്നാം. എത്ര വെള്ളം കുടിച്ചാലും തൊണ്ട വരണ്ട് ഇരിക്കുന്നത് പോലെ തോന്നുന്നതും, ഒട്ടി പിടിക്കുന്നതുമെല്ലാം അമിതമായിട്ടുള്ള അസിഡിക് സ്വഭാവം ഉള്ള പാനീയങ്ങള്‍ കുടിക്കുന്നതിന്റെ പാര്‍ശ്യഫലമായി നമ്മള്‍ക്ക് അനുഭവപ്പെടുന്നതാണ്.
ശ്രദ്ധിക്കേണ്ട കാര്യങ്ങള്‍
ശരീരഭാരം കുറയ്ക്കാന്‍ ആഗ്രഹിക്കുന്നവരാണെങ്കില്‍ നിങ്ങള്‍ ആദ്യം സോഷ്യല്‍ മീഡിയയില്‍ കാണുന്ന ടിപ്‌സ് പ്രയോഗിക്കും മുന്‍പ് ഒരു ഡയറ്റീഷ്യനെ കണ്ട്, നിങ്ങളുടെ ആരോഗ്യത്തിന് ചേരുന്ന ഒരു ഡയറ്റ് തീരുമാനിക്കണം. അതിന് ശേഷം ചെറിയ രീതിയില്‍ വ്യായാമവും ചെയ്ത് തുടങ്ങിയാല്‍, നിങ്ങളുടെ ശരീരത്തിന് വേണ്ട പോഷകങ്ങള്‍ ലഭിക്കാന്‍ ഇത് സഹായിക്കും. കാരണം, വ്യായാമവും ഡയറ്റും ഇല്ലാതെ ശരീരഭാരവും വണ്ണവും കുറയ്ക്കുമ്പോള്‍ മിക്കപ്പോഴും പലരും വിശപ്പ് കുറയ്ക്കുന്ന പാനീയങ്ങളാണ് തിരഞ്ഞെടുക്കുക. ഇത് പോഷകങ്ങളുടെ ശോഷണത്തിന് കാരണമാണ്. അതുപോലെ തന്നെ വ്യായാമം ഇല്ലാത്തതിനാല്‍ തന്നെ ശരീരത്തിലെ പേശികള്‍ക്ക് നല്ല ബലവും അതുപോലെ, എല്ലുകള്‍ക്ക് ബലവും ഉണ്ടായിരിക്കുകയില്ല. അതിനാല്‍, ഡയറ്റും വ്യായാമവും ചേര്‍ത്ത് ഹെല്‍ത്തിയായ രീതിയില്‍ ശരീരഭാരം കുറയ്ക്കാന്‍ നോക്കുന്നതാണ് എല്ലായ്‌പ്പോഴും നല്ലത്.
ഗുണം
വ്യായാമവും ഡയറ്റും എടുത്ത് നിങ്ങള്‍ കൃത്യമായ രീതിയിലാണ് ശരീരഭാരം കുറയ്ക്കുന്നതെങ്കില്‍ നിങ്ങള്‍ക്ക് ശരീരവടിവ് നേടാന്‍ സാധിക്കും. പേശികള്‍ക്ക് ബലം ലഭിക്കും. ശരീരത്തില്‍ നിന്നും ടോക്‌സിന്‍സ് നീക്കം ചെയ്യാന്‍ സാധിക്കുന്നതാണ്. അതുപോലെ തന്നെ ചര്‍മ്മ പ്രശ്‌നങ്ങള്‍ അകറ്റാനും, ചര്‍മ്മത്തിന് നല്ല തിളക്കം ലഭിക്കാനും ഇത് സഹായിക്കുന്നുണ്ട്. ഇവ കൂടാതെ, ചര്‍മ്മത്തിന് നല്ല യുവത്വം നിലനിര്‍ത്താനും, ശരീരാവയവങ്ങളുടെ ആരോഗ്യം നിലനിര്‍ത്താനും ഇത് സഹായിക്കുന്നു.
