semiya payasam:ഓണത്തിന് വളരെ എളുപ്പത്തില്‍ സേമിയപായസം തയ്യാറാക്കിയാലോ
വേണ്ട ചേരുവകള്‍
ഇത് തയ്യാറാക്കി എടുക്കാന്‍ ആദ്യം തന്നെ പായസം അരി വേവിച്ച് എടുക്കണം. പായസം അരി ഇല്ലെങ്കില്‍ പച്ചരി, അല്ലെങ്കില്‍ കൈമ റൈസ് എന്നിവ വേവിച്ച് എടുത്താലും മതി. ഇതിന്റെ പകുതി അളവില്‍ ക്യാരറ്റ് വേവിച്ച് വെക്കുക. അരി വേവിച്ചതിന് ശേഷം ചോറ് ഒന്ന് ചെറുതായി ഉടച്ച് എടുക്കണം. അതുപോലെ നിങ്ങള്‍ക്ക് പായസത്തിന് എത്രത്തോളം കണ്‍സിസ്റ്റന്‍സി വേണമോ അത്രത്തോളം പാല്‍ എടുക്കുക. മധുരത്തിനായി പഞ്ചസ്സാരയും അതുപോലെ, അലങ്കരിക്കാന്‍ കശുവണ്ടിയും എടുക്കാവുന്നതാണ്.
തയ്യാറാക്കേണ്ട വിധം
ആദ്യം തന്നെ നല്ല ചുവട് കട്ടിയുള്ള ഒരു പാത്രം അടുപ്പത്ത് വെച്ചതിന് ശേഷം അതിലേയ്ക്ക് കുറച്ച് നെയ്യ് ചേര്‍ത്ത് കശുവണ്ടി വറുത്ത് കോരി മാറ്റി വെക്കണം. അതിന് ശേഷം ഇതേ നെയ്യിലേയ്ക്ക് നിങ്ങള്‍ നല്ല കൊഴുപ്പുള്ള പാല്‍ ചേര്‍ക്കണം. പാല്‍ ചേര്‍ത്ത് ഒന്ന് ചൂടായി തുടങ്ങുമ്പോള്‍ ഇതിലേയ്ക്ക് പഞ്ചസ്സാര ആവശ്യത്തിന് ചേര്‍ക്കാവുന്നതാണ്. നന്നായി പാലും പഞ്ചസ്സാരയും ചേര്‍ത്ത് കുറുക്കി എടുക്കണം. ഈ സമയത്ത് തീ ചെറുതീയില്‍ തന്നെ വെക്കണം.
പാലും പഞ്ചസ്സാരയും ചേര്‍ത്ത് നന്നായി കുറുകി വരുമ്പോള്‍ ഇതിലേയ്ക്ക് ചോറും അതുപോലെ, ക്യാരറ്റും ചേര്‍ക്കാവുന്നതാണ്. ഇവ നന്നായി ചേര്‍ത്ത് ഒന്ന് കുറുക്കി എടുക്കണം. ഇതിലേയ്ക്ക്്് നിങ്ങള്‍ക്ക് വേണമെങ്കില്‍ ഏലക്കായ ചതച്ചത് ചേര്‍ക്കാവുന്നതാണ്. ഇല്ലെങ്കിലും പ്രശ്‌നമില്ല. അവസാനം ഒരു നുള്ള് ഉപ്പും അതുപോലെ, വറുത്ത് മാറ്റി വെച്ചിരിക്കുന്ന കശുവണ്ടിയും ചേര്‍ത്ത് നന്നായി മിക്‌സ് ചെയ്ത് വെക്കുക.
സ്വാദ് കൂട്ടാന്‍
നിങ്ങള്‍ക്ക് നല്ല സ്വാദ് കൂട്ടാന്‍, പഞ്ചസ്സാര കുറച്ച് ചേര്‍ത്ത് ബാക്കി , നല്ല കണ്ടന്‍സ്ഡ് മില്‍ക്ക് ചേര്‍ക്കാവുന്നതാണ്. ഇത്തരത്തില്‍ ഖണ്ടന്‍സ്ഡ് മില്‍ക്ക് ചേര്‍ത്താല്‍ കൈവിടാതെ ഇളക്കി കൊടുക്കണം. ഇല്ലെങ്കില്‍ ഇത് അടിയില്‍ പിടിക്കാന്‍ സാധ്യത കൂടുതലാണ്. അതുപോലെ, പായസത്തിന് കുറച്ചും കൂടെ സ്വാദ് കൂട്ടാന്‍ നട്‌സ് കുറേ ചേര്‍ക്കാവുന്നതാണ്. നിങ്ങള്‍ക്ക് അതുപോലെ, പായസത്തില്‍ ചോറ് ചേര്‍ക്കുന്നതിന് പകരം വേണമെങ്കില്‍ ചൗവ്വരി ചേര്‍ക്കാവുന്നതാണ്.
ചൗവ്വരി ചേര്‍ക്കുമ്പോള്‍ നിങ്ങള്‍ ശ്രദ്ധിക്കേണ്ട കുറച്ചധികം കാര്യങ്ങളുണ്ട്. അതില്‍ ചവ്വരി കഴുകി ഒന്ന് വേവിച്ച് എടുക്കണം. അത്യാവശ്യം നല്ലപോലെ വെള്ളം ഒഴിച്ച് അതില്‍ ഇട്ട് വേണം ഇത് വേവിക്കാന്‍ അതിന് ശേഷം ഇത് വെള്ളത്തില്‍ നിന്നും വേഗത്തില്‍ മാറ്റി നിങ്ങള്‍ക്ക് പായത്തിലേയ്ക്ക് ചേര്‍ക്കാവുന്നതാണ്.
തേങ്ങാപ്പാല്‍
ഇതേ പായസം നിങ്ങള്‍ക്ക് പശുവിന്‍ പാലിന് പകരം തേങ്ങാപ്പാല്‍ ചേര്‍ത്ത് തയ്യാറാക്കാന്‍ സാധിക്കുന്നതാണ്. ഇത്തരത്തില്‍ തയ്യാറാക്കുമ്പോള്‍ നെയ്യിലേയ്ക്ക് ആദ്യം തന്നെ ചോറും ക്യാരറ്റും ചേര്‍ത്ത് മിക്‌സ് ചെയ്യണം. അതിന് ശേഷം മൂന്നാം പാല്‍ ഒഴിച്ച് ഒന്ന് കുറുക്കുക. പിന്നീട്, രണ്ടാം പാല്‍, അതുപോലെ, ഒന്നാം പാല്‍ എന്നിവ ചേര്‍ക്കാവുന്നതാണ്. ഇതിലേയ്ക്ക് കല്‍ക്കണ്ടം പൊടിച്ചത് ചേര്‍ക്കാം. ശര്‍ക്കര ചേര്‍ത്താല്‍ രുചി ആകെ മാറിപ്പോകുന്നതാണ്. ഇത്തരത്തില്‍ തയ്യാറാക്കി എടുക്കുന്ന പായവും കഴിക്കാന്‍ നല്ല സ്വാദാണ്.
പായസം തയ്യാറാക്കുമ്പോള്‍ ശ്രദ്ധിക്കേണ്ടവ
പായസം എല്ലായ്‌പ്പോഴും നല്ല ചുവട് കട്ടിയുള്ള പാത്രത്തില്‍ തയ്യാറാക്കി എടുക്കുന്നതാണ് നല്ലത്. ഇത് അടിയില്‍ പിടിക്കാതിക്കാന്‍ സഹായിക്കും. അതുപോലെ തന്നെ പായസത്തില്‍ ആവശ്യത്തിന് നെയ്യ് ചേര്‍ക്കാന്‍ മടി കാണിക്കരുത്. അതുപോലെ പായസം തയ്യാറാക്കാന്‍ എടുക്കുന്ന പാത്രത്തില്‍ മറ്റ് കറികളുടെ മണം നില്‍ക്കാന്‍ പാടുള്ളതല്ല. ഇത് പായസത്തിന്റെ സ്വാദ് കുറയ്ക്കും. അതുപോലെ, പാല്‍ പിരിയുന്ന വിധത്തിലുള്ള സാധനങ്ങള്‍ പായസം പാത്രത്തിലും അത് ഇളക്കുന്ന തവിയിലും ആകാതിരിക്കാന്‍ ശ്രദ്ധിക്കണം.
പായസത്തില്‍ മധുരം ചേര്‍ക്കുമ്പോള്‍ ആവശ്യത്തിന് മാത്രം ചേര്‍ക്കുക. മധുരം കൂടിപ്പോയാലും നമ്മള്‍ക്ക് കഴിക്കാന്‍ സാധിക്കുന്നതല്ല. അതിനാല്‍, മിതമായ അളവില്‍ മാത്രം ചേര്‍ക്കാന്‍ ശ്രദ്ധിക്കാവുന്നതാണ്. ക്യാരറ്റ് പായസം തയ്യാറാക്കുമ്പോള്‍ പച്ചരി മട്ടയരി എടുക്കുന്നതിനേക്കാള്‍ വെള്ളയരി എടുക്കുന്നതാണ് നല്ലത്.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
