പ്രമേഹം കൂടുതലാണോ? കുറയ്ക്കാൻ മല്ലി വെള്ളം കുടിച്ചാൽ മതി

മല്ലിയുടെ ഗുണങ്ങൾ

വൈറ്റമിൻ ഇ, എ, കെ എന്നിവയെല്ലാം മല്ലിയിൽ ധാരാളമായി അടങ്ങിയിട്ടുണ്ട്.
ഇരുമ്പ്, മഗ്നീഷ്യം, മാംഗനീസ്, റൈബോഫ്ലേവിൻ,
കാൽസ്യം, തയാമിൻ ഉൾപ്പെടെ വിവിധ ധാതുക്കൾ അടങ്ങിയിരിക്കുന്നു. ഇതെല്ലാം ആരോഗ്യത്തിന് ഏറെ നല്ലതാണ്. പ്രമേഹത്തിന് മാത്രമല്ല കൊളസ്ട്രോൾ കുറയ്ക്കാനും ഇത് ഏറെ നല്ലതാണ്. ഇതിലൂടെ ഹൃദയാരോഗ്യം മെച്ചപ്പെടുത്താൻ ഇത് സഹായിക്കും.

ഡയബറ്റിക് റെറ്റിനോപ്പതി എങ്ങനെ നേരത്തെ തിരിച്ചറിയാം

​

​

മല്ലി വെള്ളം തയാറാക്കാൻ

ആവശ്യമുള്ള ചേരുവകൾ – മല്ലി വിത്തുകൾ – 10 ഗ്രാം,

വെള്ളം – 2 ലിറ്റർ എന്നിവയാണ് ഇതിനായി ആവശ്യമായിട്ടുള്ളത്.

മല്ലി മിക്സിയിലോ അല്ലെങ്കിൽ ഇടിച്ചോ ചെറുതായി പൊടിച്ച് എടുക്കുക. ഒരു രാത്രി മുഴുവൻ മല്ലി വെള്ളത്തിലിട്ട് വയ്ക്കുക. ഈ വെള്ളം രാവിലെ അരിച്ച് എടുത്ത് കുടിക്കാം. അല്ലെങ്കിൽ പൊടിക്കാതെ വെള്ളത്തിലിട്ട് തിളപ്പിച്ച ശേഷം ചൂട് മാറുമ്പോൾ കുടിക്കാവുന്നതാണ്. രാവിലെ വെറും വയറ്റിൽ ഇത് കുടിക്കാവുന്നതാണ്.

രക്തത്തിലെ പഞ്ചസാര നിയന്ത്രിക്കുന്നു

രക്തത്തിലെ പഞ്ചസാരയുടെ അളവ് കുറയ്ക്കുന്നതിനും പ്രമേഹം നിയന്ത്രിക്കുന്നതിനും ആയുർവേദം ഉൾപ്പെടെയുള്ള പരമ്പരാഗത വൈദ്യശാസ്ത്രത്തിൽ മല്ലി വിത്തുകൾ കാലങ്ങളായി ഉപയോഗിച്ചു വരുന്നുണ്ട്.
ഇതിൻ്റെ ആൻ്റി പൈർഗ്ലൈസെമിക് ഗുണങ്ങൾ പ്രമേഹത്തെ നിയന്ത്രണ വിധേയമാക്കാൻ സഹായിക്കുന്നു. രക്തത്തിലെ ഗ്ലൂക്കോസിന്റെ അളവ് കുറയ്ക്കാൻ മല്ലിയില സഹായിക്കുമെന്ന് പല പഠനങ്ങളിലും കണ്ടെത്തിയിട്ടുണ്ട്. മല്ലിയിട്ട് തിളപ്പിച്ച വെള്ളം കുടിക്കുന്നത് ഏറെ ഗുണം ചെയ്യും.

ദഹനം മെച്ചപ്പെടുത്തുന്നു

മല്ലിയിലയ്ക്ക് ദഹനം മെച്ചപ്പെടുത്തുന്ന ഗുണങ്ങളുണ്ട്. ഇതിൽ ധാരാളം ശക്തമായ ആന്റിഓക്‌സിഡന്റുകൾ അടങ്ങിയിട്ടുണ്ട്. .ഇവ കുടലിന്റെ ആരോഗ്യം മെച്ചപ്പെടുത്തുകയും ദഹനശക്തി വർദ്ധിപ്പിക്കുകയും ചെയ്യുന്നു. പ്രമേഹരോഗികൾ അഭിമുഖീകരിക്കുന്ന ഏറ്റവും പ്രധാനപ്പെട്ട പ്രശ്നങ്ങളിലൊന്നാണ് ദഹനക്കേടും തത്ഫലമായുണ്ടാകുന്ന ഉപാപചയ വൈകല്യങ്ങളും. മല്ലിയില കുടിവെളളം ഇവയെ സുഖപ്പെടുത്താൻ ഉപയോഗിക്കുന്നു.