പണികള്‍ മുന്‍കൂട്ടി പ്ലാന്‍ ചെയ്യാം
ആദ്യം തന്നെ ഒരു പ്ലാന്‍ തയ്യാറാക്കുന്നത് നല്ലതാണ്. എല്ലാ പണിയും അവസാന നിമിഷം ചെയ്യാന്‍ നില്‍ക്കരുത്. പലരും തിരുവേണത്തിന്റെ തലേന്ന് വീട് വൃത്തിയാക്കലും അതുപോലെ ബാക്കി പണികളും, അതിന്റെ കൂടെ പിറ്റേന്ന് അടുക്കള പണിയും എല്ലാം കൂടിയാകുമ്പോള്‍ ആകപ്പാടെ വയ്യാതാകുന്നു.
അതിനാല്‍, ഓരോ പണികളും ഓരോ ദിവസത്തേക്കായി പ്ലാന്‍ ചെയ്ത് ഇടുക. വീട് വൃത്തിയാക്കല്‍ ഒരു ദിവസത്തേയ്ക്ക് വെക്കണം. അതും ഓണത്തിന് മൂന്ന് ദിവസം മുന്‍പേ ചെയ്യുകയാണെങ്കില്‍ നിങ്ങള്‍ക്ക് അധികം പണി ഉണ്ടായിരിക്കില്ല. അതുപോലെ, ചിലര്‍ കായ ഉപ്പേരിയും ശര്‍ക്കര വരട്ടിയുമെല്ലാം വീട്ടില്‍ തന്നെ തയ്യാറാക്കുന്നവരുണ്ട്. ഇതെല്ലാം നിങ്ങള്‍ക്ക് വളരെ നേരത്തേ തുടങ്ങാവുന്നതാണ്. വറുത്ത് നല്ല ചെപ്പില്‍ അടച്ച് വെച്ചാല്‍ ഓണത്തിന് ഉപയോഗിക്കാം.
സേമിയ പായസം തയ്യാറാക്കാം
semiya payasam:ഓണത്തിന് വളരെ എളുപ്പത്തില്‍ സേമിയപായസം തയ്യാറാക്കിയാലോ
തേങ്ങ
തേങ്ങ ചേര്‍ക്കാത്ത വിഭവങ്ങള്‍ ഓണത്തിന് കുറവാണ്. തിരുവോണ നാളില്‍ എല്ലാ തേങ്ങയും പൊതിച്ച് ചിരകിവെക്കുന്നതിനേക്കാള്‍ തലേദിവസം നാളികേരം പൊതിച്ച് ക്ലീനാക്കി വെക്കാവുന്നതാണ്. അതുപോലെ തന്നെ, തലേദിവസം രാത്രിയില്‍ ഓണം കൊള്ളുന്നതിന് മുന്‍പേ നാളികേരം ചിരകി ഒരു ചെപ്പില്‍ അടച്ച് ഫ്രിഡ്ജില്‍ സൂക്ഷിക്കുന്നത് പണി അത്രയ്ക്കും കുറയ്ക്കുന്നതാണ്. തിരുവേണ നാളില്‍ നാളികേരം ചിരകാന്‍ മറ്റുള്ളവരുടെ സഹായം തേടേണ്ട ആവശ്വവും ഇല്ല. കുട്ടികള്‍ ഉണ്ടെങ്കില്‍ അവരെകൊണ്ട് നാളികേരം ചിരകി വെക്കാവുന്നതാണ്.
സാമ്പാര്‍
സദ്യയിലെ ഒരു പ്രധാന വിഭവമാണ് സാമ്പാര്‍. ചിലര്‍ സാമ്പാര്‍ പൊടിയിട്ടായിരിക്കും സാമ്പാര്‍ തയ്യാറാക്കുന്നത്. ചിലര്‍ ആണെങ്കില്‍ സാമ്പാര്‍ തേങ്ങ അരച്ച് വെക്കുന്നതും കാണാം. തേങ്ങ അരച്ച് സാമ്പാര്‍ വെക്കുന്നവരാണെങ്കില്‍ അതിനുള്ള നാളികേരം തലേദിവസം തന്നെ വറുത്ത് നനവില്ലത്ത ഒരു കുപ്പിയില്‍ ചൂടാറിയതിന് ശേഷം എടുത്ത് സൂക്ഷിച്ച് വെക്കാവുന്നതാണ്. അതുപോലെ പിറ്റേന്ന് രാവിലെ തന്നെ എഴുന്നേല്‍ക്കുമ്പോള്‍ സാമ്പാര്‍ തയ്യാറാക്കിയാല്‍ സാമ്പാര്‍ പണി വേഗത്തില്‍ തീര്‍ക്കാന്‍ സാധിക്കും.
അച്ചാര്‍, ഇഞ്ചംപുളി
അച്ചാറും അതുപോലെ ഇഞ്ചംപുളിയും നിങ്ങള്‍ക്ക് തലേ ദിവസം തന്നെ തയ്യാറാക്കി വെക്കാവുന്നതാണ്. ഇവ തയ്യാറാക്കിയതിന് ശേഷം ചൂടാറി കഴിയുമ്പോള്‍ നനവില്ലാത്ത ഒരു കുപ്പിയിലാക്കി ഫ്രിഡ്ജില്‍ സൂക്ഷിക്കാം. ഇത് തിരുവേണ നാളില്‍ സദ്യ വിളമ്പുമ്പോള്‍ മാത്രം എടുക്കാന്‍ ശ്രദ്ധിച്ചാല്‍ മതിയാകും. ഫ്രിഡ്ജില്‍ സൂക്ഷിച്ചില്ലെങ്കിലും പുറത്ത് സൂക്ഷിച്ചാലും ഇത് കേട് കൂടാതെ ഇരിക്കുന്നതാണ്.
മറ്റ് ചില കാര്യങ്ങള്‍
പലര്‍ക്കും തിരുവോണ നാളില്‍ തന്നെ എല്ലാം ഉണ്ടാക്കണം എന്ന് നിര്‍ബന്ധം ഉള്ളവര്‍ ഉണ്ട്. അവര്‍ ഒറ്റയ്ക്ക് കാര്യങ്ങള്‍ ചെയ്ത് തീര്‍ക്കുന്നതിന് പകരം വീട്ടിലെ മറ്റ് അംഗങ്ങളുടെ സഹായം തേടാവുന്നതാണ്. തിരുവോണ നാളില്‍ അടുക്കളയില്‍ തന്നെ പകുതി മുക്കാല്‍ നേരവും കളയാതെ എല്ലാവരുമൊത്ത് സന്തോഷത്തോടെ ഇരിക്കാനും ആഘോഷിക്കാനും ഇഷ്ടമുള്ളവരാണെങ്കില്‍ കുറച്ച് പണികള്‍ തലേ ദിവസം ചെയ്യുന്നതില്‍ തെറ്റല്ല.
തലേദിവസം കാളന്‍ നിങ്ങള്‍ക്ക് തയ്യാറാക്കി സൂക്ഷിക്കാവുന്നതാണ്. അതുപോലെ തന്നെ, അവിയലിന് വേണ്ട പച്ചക്കറികള്‍ നുറുക്കി ചെപ്പിലാക്കി വെക്കാം. പായസം തിരുവോണ നാളില്‍ തന്നെ വെക്കുന്നതാണ് നല്ലത്. അതുപോലെ വീട്ടില്‍ എത്ര വിരുന്നുകാര്‍ വരും, അല്ലെങ്കില്‍ വീട്ടില്‍ ഉള്ളവര്‍ എന്തെല്ലാം കഴിക്കും അതിനനുസരിച്ച് മാത്രം വിഭവങ്ങള്‍ തയ്യാറാക്കുക. അമിതമായി ഉണ്ടാക്കി വെക്കുന്നത് ഭക്ഷണം വേയ്‌സ്റ്റാകുന്നതിന് കാരണമാണ്. എല്ലാവര്‍ക്കും ഇഷ്ടപ്പെടുന്ന രീതിയില്‍ നല്ല സന്തോഷത്തോടെ കഴിക്കാന്‍ സാധിക്കുന്ന ഒരു സദ്യ ഒരുക്കിയാല്‍ മതി. അതില്‍ വിഭവങ്ങളുടെ എണ്ണക്കൂടുതലിലല്ല, മറിച്ച് നിങ്ങളെ കൊണ്ട് സാധിക്കുന്ന വിഭവങ്ങളില്‍ സംതൃപ്തി കണ്ടെത്തി അത് ആസ്വദിച്ച് കഴിച്ച് ഒരു നേരത്തെ വയര്‍ നിറയ്ക്കുന്നതിലാണ് കാര്യം.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
