വീട്ടിലിരുന്ന് ചർമ്മത്തിന് തിളക്കം കൂട്ടാൻ ഈസി ഫേസ് പായ്ക്കുകൾ

അരിപ്പൊടി

ചർമ്മം തിളങ്ങാൻ ഏറ്റവും നല്ലതാണ് അരിപ്പൊടി. എല്ലാ വീടുകളിലും വളരെ സുലഭമായി കണ്ടുവരുന്നതാണ് അരിപ്പൊടി. ഒരു ടേബിൾ സ്പൂൺ തൈരും ഒരു ടേബിൾ സ്പൂൺ അരിപ്പൊടിയും അതിലേക്ക് അൽപ്പം കാച്ചാത്ത പാലും ചേർത്ത് യോജിപ്പിക്കുക. മുഖത്ത് ഈ പേസ്റ്റിട്ട് 2 മുതൽ 4 മിനിറ്റ് നന്നായി സ്ക്രബ് ചെയ്യുക. അത് കഴിഞ്ഞ് 10 മിനിറ്റ് വച്ച ശേഷം മുഖം കഴുകി വ്യത്തിയാക്കാം. തണുത്ത വെള്ളത്തിൽ വേണം മുഖം കഴുകാൻ. ആഴ്ചയിൽ ഒരിക്കൽ ഈ പായ്ക്ക് ഉപയോഗിക്കുന്നത് ചർമ്മത്തിന് തിളക്കവും നല്ല മൃദുത്വവും നൽകാൻ സഹായിക്കും.

എണ്ണമയം അകറ്റി ചർമ്മം മനോഹരമാക്കാൻ ഈ പാക്ക് മതി

​

​

പാൽപ്പാട

ചർമ്മത്തിന് തിളക്കം നൽകാൻ ഏറെ നല്ലതാണ് പാൽപ്പാട്. യാതൊരു ചിലവുമില്ലാതെ എളുപ്പത്തിൽ വീട്ടിൽ പരീക്ഷിക്കാവുന്നതാണ് പാൽപ്പാട ഉപയോഗിച്ചുള്ള ഫേസ് പായ്ക്കുകൾ. ഒരു ടീ സ്പൂൺ പാൽപ്പാടയിൽ മുൾട്ടാണി മിട്ടി ചേർത്ത് നന്നായി യോജിപ്പിക്കുക. ഈ പേസ്റ്റ് മുഖത്തിട്ട ശേഷം 20 മിനിറ്റ് കഴിഞ്ഞ് കഴുകി വ്യത്തിയാക്കാം.

​കടലമാവ് തൈര് ഫേസ് മാസ്ക്

ച‍ർമ്മത്തിൻ്റെ പല പ്രശ്നങ്ങൾക്കുമുള്ള പരിഹാരം കടലമാവിലുണ്ട്. നല്ലൊരു എക്സ്ഫോളിയേറ്ററായി പ്രവ‍ർത്തിക്കാൻ കടലമാവിന് കഴിയും. ച‍ർമ്മത്തിലെ അഴുക്കുകൾ പുറന്തള്ളാനും അതുപോലെ നല്ല രീതിയിൽ ച‌ർമ്മത്തിലെ കരിവാളിപ്പ് മാറ്റാനും ഏറെ നല്ലതാണ് കടലമാവ്. ഇതിലേക്ക് തൈര് കൂടി ചേ‍ർത്താൽ ച‍ർമ്മത്തിൻ്റെ ഭംഗി ഇരട്ടിയാകും. തൈരിൽ അടങ്ങിയിരിക്കുന്ന ലാക്റ്റിക് അംശം ച‍ർമ്മത്തിന് നല്ല ഭംഗിയും അതുപോലെ നിറവും നൽകാൻ സഹായിക്കുന്നതാണ്. ഒരു ടേബിൾ സ്പൂൺ കടലമാവിലേക്ക് അതേ അളവിൽ തന്നെ തൈരും ചേ‍ർത്ത് നന്നായി യോജിപ്പിക്കുക. ഇത് മുഖത്തിട്ട ശേഷം 20 മിനിറ്റ് കഴിഞ്ഞ് കഴുകി വ്യത്തിയാക്കാവുന്നതാണ്.

​പഴം ഫേസ് പായ്ക്ക്

ആരോ​ഗ്യത്തിന് പല ​ഗുണങ്ങൾ നൽകുന്നതാണ് നേന്ത്രപ്പഴം. അത് പോലെ മുടിയ്ക്കും ചർമ്മത്തിനും ഏറെ മികച്ചത് കൂടിയാണ്. ച‌ർമ്മത്തിന് നിറം നൽകാനും ചുളിവുകൾ മാറ്റാനും അതുപോലെ തിളക്കം കൂട്ടാനും ഏറെ നല്ലതാണ് നേന്ത്രപ്പഴം. നേന്ത്രപ്പഴം പേസ്റ്റാക്കി അതിലേക്ക് അൽപ്പം തേനും ഒലീവ് ഓയിലും ചേ‍ർത്ത് യോജിപ്പിക്കുക. ഈ പായ്ക്ക് മുഖത്തിട്ട് 20 മിനിറ്റിന് ശേഷം കഴുകി വ്യത്തിയാക്കാവുന്നതാണ്.