വിദേശരാജ്യങ്ങളില്‍ ഇന്ത്യന്‍ പാസ്‌പോര്‍ട്ട്, കോണ്‍സുലാര്‍ സേവനങ്ങള്‍ നല്‍കാന്‍ ചുമതലപ്പെടുത്തിയ ഔട്ട്‌സോഴ്‌സിങ് ഏജന്‍സികളെ ഇതിനായി സമീപിക്കാം. യുഎഇയില്‍ താമസിക്കുന്ന എന്‍ആര്‍ഐ ആണെങ്കില്‍ യുഎഇ ബിഎല്‍എസ് അന്താരാഷ്ട്ര സേവന കേന്ദ്രം സന്ദര്‍ശിച്ചോ അല്ലെങ്കില്‍ അവരുടെ വെബ്‌സൈറ്റ് സന്ദര്‍ശിച്ചോ പാസ്‌പോര്‍ട്ടിലെ പ്രാദേശിക വിലാസം നിയമപരമായി മാറ്റാവുന്നതാണ്.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
വിലാസം മാറ്റുന്നതിന് ഓഫ്‌ലൈനായി എങ്ങനെ അപേക്ഷിക്കാം
കോണ്‍സുലേറ്റ് ജനറല്‍ ഓഫ് ഇന്ത്യയുടെ (സിജിഐ) ഔദ്യോഗിക ഔട്ട്‌സോഴ്‌സിങ് സേവന ദാതാവ് കൂടിയായ അടുത്തുള്ള ഏതെങ്കിലും യുഎഇ ബിഎല്‍എസ് സേവന കേന്ദ്രം സന്ദര്‍ശിക്കുക. പാസ്‌പോര്‍ട്ടിലെ വിലാസം മാറ്റാനായി ഇഎപി-2 (ഇന്ത്യന്‍ പാസ്‌പോര്‍ട്ടിലെ വിവിധ സേവനങ്ങള്‍ക്കുള്ള അപേക്ഷാ ഫോം) അപേക്ഷാ ഫോം വാങ്ങി പൂരിപ്പിക്കുക. തുടര്‍ന്ന് പാസ്‌പോര്‍ട്ടില്‍ പ്രിന്റ് ചെയ്യേണ്ട പ്രാദേശിക വിലാസം നല്‍കണം. ഇതില്‍ താമസസ്ഥലം, തെരുവിന്റെ പേര്, പ്രദേശം, വീടിന്റെ നമ്പര്‍, മൊബൈല്‍ നമ്പര്‍, ഇ-മെയില്‍ വിലാസം എന്നിവ ഉള്‍പ്പെടുന്നു.
പോലീസ് വെരിഫിക്കേഷനു വേണ്ടി ഒരു ഇന്ത്യന്‍ വിലാസവും നല്‍കണം. മാതാപിതാക്കളുടെയോ ബന്ധുവിന്റെയോ ഇന്ത്യന്‍ വിലാസം നല്‍കാം. പ്രവാസികള്‍ക്ക് പാസ്‌പോര്‍ട്ട് പുതുക്കുന്നതിന് പോലീസ് വെരിഫിക്കേഷന്‍ നിര്‍ബന്ധമായതിനിലാണിത്.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
വിലാസം തെളിയിക്കുന്നതിന് ആവശ്യമായ രേഖകള്‍
വിദേശത്ത് സ്ഥിരമായി താമസിക്കുകയാണെന്ന് തെളിയിക്കാന്‍ കാലാവധിയുള്ള അസ്സല്‍ പാസ്‌പോര്‍ട്ട്, സാധുവായ വിദേശത്തെ ഐഡി കാര്‍ഡ്, വൈദ്യുതി, ജല അതോറിറ്റിയില്‍ നിന്നുള്ള യൂട്ടിലിറ്റി ബില്ല് എന്നിവ നല്‍കണം. വാടക കരാറോ അതല്ലെങ്കില്‍ വില്ലയോ അപ്പാര്‍ട്ട്‌മെന്റോ സ്വന്തം ഉടമസ്ഥതയിലാണെങ്കില്‍ അതിന്റെ രേഖയും നല്‍കണം. ഒരു വര്‍ഷത്തിലധികം വാടകയ്‌ക്കെടുത്തതോ വാങ്ങിയതോ ആയ വസ്തുവില്‍ താമസിച്ചിരിക്കണം.
യുഎഇയില്‍ തൊഴില്‍നഷ്ട ഇന്‍ഷുറന്‍സ് നിര്‍ബന്ധമാക്കി; രജിസ്റ്റര്‍ ചെയ്തില്ലെങ്കില്‍ ഒക്ടോബര്‍ മുതല്‍ പിഴ
പാസ്‌പോര്‍ട്ടുകള്‍ ബിഎല്‍എസ് സെന്ററില്‍ സമര്‍പ്പിക്കണം
ഇന്ത്യന്‍ എംബസികളുടെയും കോണ്‍സുലേറ്റുകളുടെയും വെബ്‌സൈറ്റിലെ പാസ്‌പോര്‍ട്ട് സേവ വഴിയും പുതിയ വിലാസം രേഖപ്പെടുത്തിയ സാധാരണ പാസ്‌പോര്‍ട്ട് വീണ്ടും ലഭിക്കുന്നതിന് ഓഫ്‌ലൈനായി അപേക്ഷിക്കാം. ഫോം പൂരിപ്പിച്ച ശേഷം പ്രിന്റൗട്ട് എടുത്ത് ബിഎല്‍എസ് സേവന കേന്ദ്രം സന്ദര്‍ശിച്ചാല്‍ മതി.
ഓണ്‍ലൈനായും ഓഫ്‌ലൈനായും അപേക്ഷിക്കുന്നവര്‍ അവരുടെ നിലവിലെ പാസ്‌പോര്‍ട്ടുകള്‍ ബിഎല്‍എസ് സെന്ററില്‍ സമര്‍പ്പിക്കേണ്ടതുണ്ട്. അപേക്ഷ അംഗീകരിച്ചുകഴിഞ്ഞാല്‍ കൊറിയര്‍ വഴി നിലവിലെ പാസ്‌പോര്‍ട്ടും പുതിയ പാസ്‌പോര്‍ട്ടും ലഭിക്കും.
