ഫേയ്‌സ്പാക്ക് തയ്യാറാക്കാം
ഈ ഫേയ്‌സ്പാക്ക് തയ്യാറാക്കാന്‍ രണ്ട് ടീസ്പൂണ്‍ റാഗിപ്പൊടിയും അതുപോലെ കാല്‍ കപ്പ് പാലും ആണ് വേണ്ടത്. ആദ്യം തന്നെ പാലില്‍ റാഗിപ്പൊടി മിക്‌സ് ചെയ്ത് അടുപ്പില്‍ വെച്ച് ഒന്ന് കുറുക്കി എടുക്കണം. ഇത് കുറി വന്നതിന് ശേഷം ചൂടാറാന്‍ വെക്കാം. നന്നായി ചൂടാറി കഴിയുമ്പോള്‍ മുഖം നന്നായി കഴുകിയതിന് ശേഷം മുഖത്ത് നന്നായി തേച്ച് പിടിപ്പിക്കണം. ഇത് ഒരു 15 മിനിറ്റ് കഴിയുമ്പോള്‍ നിങ്ങള്‍ക്ക് കഴുകി കളയാവുന്നതാണ്.
കണ്ണിന് ചുറ്റുമുള്ള കറുപ്പകറ്റാന്‍
കാപ്പിപ്പൊടി കൊണ്ട് ഒരു അണ്ടർ-ഐ മാസ്ക്
ഗുണം
ഇതില്‍ റാഗിപ്പൊടി ചേര്‍ത്തിരിക്കുന്നതിനാല്‍, ഇത് ചര്‍മ്മത്തിലെ മൃതകോശങ്ങളെ നീക്കം ചെയ്യാന്‍ നല്ലപോലെ സഹായിക്കുന്നുണ്ട്. അതുപോലെ തന്നെ മുഖത്തെ കുരുക്കള്‍ നീക്കം ചെയ്യാനും ചര്‍മ്മത്തെ നല്ല ഹെല്‍ത്തിയായി തന്നെ മോയ്‌സ്ച്വറൈസ് ചെയ്‌തെടുക്കാനും റാഗിപ്പൊടി സഹായിക്കുന്നു.
കൂടാതെ, ഇതില്‍ ചേര്‍ത്തിരിക്കുന്ന പാല്‍ ചര്‍മ്മത്തിന് നല്ല നിറം നല്‍കുന്നതിനും കൂടാതെ, ചര്‍മ്മത്തില്‍നിന്നും അഴുക്ക് നീക്കം ചെയ്യാനും സഹായിക്കുന്നുണ്ട്. ഇത് ചര്‍മ്മത്തില്‍ നിന്നും കുരുക്കള്‍ നീക്കം ചെയ്യാന്‍ സഹായിക്കുന്നു. ഇത് കൂടാതെ, ചര്‍മ്മത്തില്‍ നിന്നും കറുത്തപാടുകള്‍ നീക്കം ചെയ്യാനും ഈ കൂട്ട് സഹായിക്കുന്നുണ്ട്.
എത്ര ദിവസം കൂടുമ്പോള്‍ ഉപയോഗിക്കണം
ഈ ഫേയസ്പാക്ക് സത്യത്തില്‍ ആഴ്ച്ചയില്‍ മൂന്ന് ദിവസം ഉപയോഗിക്കണം. അതുപോലെ തന്നെ, ഇത് രാത്രിയില്‍ കിടക്കുന്നതിന് മുന്‍പ് പുരട്ടുന്നതാണ് നല്ലത്. രാത്രിയില്‍ ചെയ്താല്‍ ഇത് കൂടുതല്‍ ഗുണം നല്‍കുന്നതിന് സഹായിക്കും. കാരണം, പകല്‍ സമയത്ത് ഇത്തരം ഫേയ്‌സ്പാക്കിട്ടതിന് ശേഷം പുറത്തിറങ്ങിയാല്‍ നല്ലപോലെ സൂര്യതാപം ഏല്‍ക്കുകയും ഇത് ഫേയ്‌സ്പാക്കിന്റെ ഗുണം നശിപ്പിക്കുന്നതിനും കാരണമാകുന്നു.
ശ്രദ്ധിക്കേണ്ട കാര്യം
ഏതൊരു ഫേയ്‌സ്പാക്കായാലും കൂടിപ്പോയാല്‍ 15 മിനിറ്റ് മാത്രം ഇട്ടാല്‍ മതിയാകും. ഇതില്‍ കൂടുതല്‍ സമയം ഇത് മുഖത്തിരുന്നത് കൊണ്ട് യാതൊരു ഗുണവും ലഭിക്കുകയില്ല.അതുമാത്രമല്ല, അമിതമായി ഉണങ്ങുന്നത് ചര്‍മ്മം വരണ്ട് പോകുന്നതിന് കാരണമാണ്. ഇത് കൂടുതല്‍ ചര്‍മ്മ പ്രശ്‌നങ്ങള്‍ സൃഷ്ടിക്കുകയാണ് ചെയ്യുന്നത്.
അതുപോലെ തന്നെ നിങ്ങള്‍ക്ക് എന്തെങ്കിലും അസുഖം മൂലമാണ് മുഖത്ത് കുരുക്കള്‍ വരുന്നത്, അല്ലെങ്കില്‍ പാടുകള്‍ വരുന്നത് എങ്കില്‍ അതിന് ഇത്തരം ഫേയ്‌സ്പാക്കുകള്‍ ഫലപ്രദമല്ല. കൃത്യമായി ഡോക്ടറെ കണ്ട് മരുന്ന് കഴിക്കേണ്ടത് അനിവാര്യമാണ്. ഇല്ലെങ്കല്‍ സൗന്ദര്യ പ്രശ്‌നങ്ങള്‍ വര്‍ദ്ധിക്കുന്നതിന് ഒരു കാരണമാണ്.
കൃത്യമായ ചര്‍മ്മ സംരക്ഷണം
കൃത്യമായി തന്നെ ചര്‍മ്മം സംരക്ഷിച്ചാല്‍ നിങ്ങളുടെ പകുതി ചര്‍മ്മ പ്രശ്‌നങ്ങള്‍ മാറുന്നതാണ്. പ്രത്യേകിച്ച്, എന്നും ഫേയസ് വാഷിട്ട് മുഖം കഴുകാന്‍ ഒരിക്കലും മറക്കരുത്. മുഖം കൃത്യമായി കഴുകി അഴുക്കും എണണമയവും നീക്കം ചെയ്യാത്തത് മുഖത്ത് കുരുക്കള്‍ വരുന്നതിനും ബ്ലാക്ക് ഹെഡ്‌സ്, വൈറ്റ് ഹെഡ്‌സ് എന്നിവ വരുന്നതിനും കാരണമാണ്.
അതുപോലെ പുറത്ത് ഇറങ്ങുമ്പോള്‍ സണ്‍സ്‌ക്രീന്‍ പുരട്ടാന്‍ ഒരിക്കലും മറക്കരുത്. സണ്‍സ്‌ക്രീന്‍ പുരട്ടയില്ലെങ്കില്‍ അത് ചര്‍മ്മത്തില്‍ കരുവാളിപ്പ് വീഴാന്‍ മാത്രമല്ല, ചര്‍നമ്മത്തില്‍ ചുളിവുകള്‍ വീഴുന്നതിലേയ്ക്കും നയിക്കും. കാരണം, അമിതമായി സൂര്യപ്രകാശം നമ്മളുടെ ചര്‍മ്മത്തില്‍ ഏല്‍ക്കുന്നത് ചര്‍മ്മത്തില്‍ ചുളിവുകള്‍ വീഴാനും പ്രായക്കൂടുതല്‍ തോന്നിപ്പിക്കുന്നതിനും ഇത് ഒരു കാരണമാണ്.
അതുപോലെ, ചര്‍മ്മം മോയ്‌സ്ച്വറൈസ് ചെയ്ത് സൂക്ഷിക്കാന്‍ ഒരിക്കലും മറക്കരുത്. ചര്‍മ്മം വരണ്ട് പോകുന്നത് ചര്‍മ്മത്തില്‍ പ്രായക്കൂടുതല്‍ തോന്നിപ്പിക്കാന്‍ കാരണമാണ്. അതുപോലെ, മുഖത്ത് അമിതമായി എണ്ണമയം ഇരിക്കുന്നതും മുഖക്കുരുവിന് കാരണമാകുന്നു. തലയില്‍ താരന്‍ ഉണ്ടെങ്കിലും അത് മുഖക്കുരുവിന് കാരണമാണ്. ഇവ കൂടാതെ, നല്ല ഹെല്‍ത്തി ഫുഡ് കഴിക്കേണ്ടതും അനിവാര്യമായിട്ടുള്ള കാര്യമാണ്. എന്നാല്‍ മാത്രമാണ്, ചര്‍മ്മം നല്ലപോലെ ക്ലീന്‍ ആന്റ് ക്ലിയറായി ഇരിക്കുക. ഇത്രയും കാര്യങ്ങള്‍ ഈ ഫേയ്‌സ്പാക്ക് ഇടുന്നതിന്റെ കൂടെ ശ്രദ്ധിച്ചാല്‍ നിങ്ങള്‍ക്ക് നല്ല ചര്‍മ്മം സ്വന്തമാക്കാന്‍ സാധിക്കുന്നതാണ്.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
