ആറു മണിക്കൂറിലേറെ കാലതാമസം നേരിടുന്ന സര്‍വീസുകളിലെ യാത്രക്കാര്‍ക്ക് ഭക്ഷണ, പാനീയങ്ങളും ഹോട്ടല്‍ താമസവും ഹോട്ടലിലേക്കും തിരിച്ചുമുള്ള യാത്രാ സൗകര്യവും ഏര്‍പ്പെടുത്തണമെന്നാണ് നിലവിലെ നിയമം. ഇതോടൊപ്പമാണ് നഷ്ടപരിഹാരത്തുക കൂടി നല്‍കണമെന്ന് പുതിയ പാസഞ്ചര്‍ റൈറ്റ്‌സ് പ്രൊട്ടക്ഷന്‍ റെഗുലേഷന്‍സ് ആക്റ്റില്‍ വ്യവസ്ഥ ചെയ്തത്.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
ബാഗേജുകള്‍ നഷ്ടപ്പെട്ടാലുള്ള നഷ്ടപരിഹാരത്തുകയും വര്‍ധിപ്പിച്ചു. ലഗേജ് ലഭിക്കാന്‍ കാലതാമസം നേരിടുന്നതിനനുസരിച്ച് 6,568 റിയാല്‍ വരെ (1.44 ലക്ഷം രൂപ) നല്‍കണം. ലഗേജ് നഷ്ടപ്പെടുന്നതിനും ലഗേജ് കേടാകുന്നതിനും 1,750 റിയാല്‍ മുതല്‍ 5,655 റിയാല്‍ വരെയാണ് നിലവിലെ നഷ്ടപരിഹാരം. ലഗേജ് ലഭിക്കാന്‍ വൈകിയാല്‍ ആദ്യ ദിവസത്തിന് 740 റിയാലും രണ്ടാം ദിവസം മുതല്‍ 300 റിയാല്‍ എന്ന നിരക്കില്‍ പരമാവധി 6,568 റിയാല്‍ വരെയുമാണ് നല്‍കേണ്ടത്. ആഭ്യന്തര സര്‍വീസുകളില്‍ ദിവസത്തിന് 100 റിയാലും അന്താരാഷ്ട്ര സര്‍വീസുകളില്‍ ദിവസത്തിന് 200 റിയാലും തോതില്‍ പരമാവധി അഞ്ചു ദിവസം വരെയായിരുന്നു നിലവിലെ നഷ്ടപരിഹാരം.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
ബുക്കിങ് കൂടുതലായത് ഉള്‍പ്പെടെ ഏതെങ്കിലും കാരണത്താല്‍ സീറ്റ് നിഷേധിക്കുകയോ ക്ലാസ് താഴ്ത്തുകയോ ചെയ്യുന്ന പക്ഷം ടിക്കറ്റ് തുകയും അതിന്റെ 200 ശതമാനം നഷ്ടപരിഹാരത്തുകയും പുതിയ നിയമം ഉറപ്പുവരുത്തുന്നു. ഇതുവരെ ഇത് 100 ശതമാനമായിരുന്നു. ടിക്കറ്റെടുമ്പോള്‍ പറയാത്ത സ്റ്റോപ്പ്ഓവര്‍ പിന്നീട് ഉള്‍പ്പെടുത്തിയാല്‍ ഓരോ സ്റ്റോപ്പ്ഓവറിനും 500 റിയാല്‍ വരെ നഷ്ടപരിഹാരം നല്‍കണം. പഴയ നിയമാവലിയില്‍ ഇതിന് നഷ്ടപരിഹാരം വ്യവസ്ഥ ചെയ്തിരുന്നില്ല.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
മൂന്നു മണിക്കൂറിലേറെ വിമാനം വൈകിയാല്‍ യാത്ര റദ്ദാക്കാന്‍ യാത്രക്കാരന് അനുമതി നല്‍കുന്നതാണ് ശ്രദ്ധേയമായ മറ്റൊരു പരിഷ്‌കാരം. സര്‍വീസ് റദ്ദാക്കിയതായി കണക്കാക്കി നിയമപ്രകാരമുള്ള നഷ്ടപരിഹാരം ലഭിക്കാനും അര്‍ഹതയുണ്ട്. വികലാംഗര്‍ക്കുള്ള പ്രത്യേക സീറ്റ് നിഷേധിച്ചാല്‍ ടിക്കറ്റ് നിരക്കിന്റെ 200 ശതമാനത്തിന് തുല്യമായ തുകയും വീല്‍ചെയര്‍ ലഭ്യമാക്കാതിരുന്നാല്‍ 500 റിയാലും നഷ്ടപരിഹാരം നല്‍കണം.
ഹജ്, ഉംറ സര്‍വീസുകള്‍ പോലെയുള്ള ചാര്‍ട്ടര്‍ ഫ്‌ളൈറ്റുകള്‍ രണ്ട് മണിക്കൂറില്‍ കൂടുതല്‍ വൈകിയാല്‍ എയര്‍ കാരിയറുമായുള്ള കരാര്‍ അവസാനിപ്പിക്കാന്‍ യാത്രക്കാരനെ പുതിയ നിയമം അനുവദിക്കുന്നു. യാത്രക്കാരുടെ എണ്ണം പ്രതിവര്‍ഷം മൂന്നിരട്ടിയാക്കി 330 ദശലക്ഷമായി വര്‍ധിപ്പിക്കുകയും 2030ഓടെ സൗദിയെ 250ലധികം ആഗോള ലക്ഷ്യസ്ഥാനങ്ങളുമായി ബന്ധിപ്പിക്കുകയും ചെയ്യുന്നതുള്‍പ്പെടെ സൗദി വ്യോമയാന മേഖല വലിയ ലക്ഷ്യങ്ങള്‍ മുന്നില്‍കണ്ടാണ് നിയമങ്ങള്‍ പരിഷ്‌കരിച്ചത്.
