ഇവന്റ് സംഘാടകരും ദുബായ് സ്‌പോര്‍ട്‌സ് കൗണ്‍സിലും ദുബായ് പോലീസ്, ദുബായ് റോഡ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) എന്നിവരും തമ്മില്‍ നടത്തിയ കൂടിയാലോചനകള്‍ക്ക് ശേഷമാണ് റൂട്ടുകള്‍ നിശ്ചയിച്ചത്. നാല് കിലോമീറ്റര്‍ ഫണ്‍ റണ്‍, 10 കിലോമീറ്റര്‍ റോഡ് റേസ്, ക്ലാസിക് 42.195 കിലോമീറ്റര്‍ മാരത്തണ്‍ ദൂരം എന്നിങ്ങനെ മൂന്ന് മത്സരങ്ങളോടെ ഉമ്മു സുഖീം റോഡില്‍ ആരംഭിച്ച് ഇവിടെ തന്നെ അവസാനിക്കുന്ന വിധത്തിലാണ് ക്രമീകരണം.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
യുഎഇയിലെ ഏറ്റവും വലിയ വാര്‍ഷിക കായിക ഇനങ്ങളില്‍ ഒന്നായ ദുബായ് മാരത്തണില്‍ എല്ലാ പ്രായത്തിലും കഴിവിലും ഉള്ള ഓട്ടക്കാരുടെ ഇഷ്ട മല്‍സരമായി മാറിക്കഴിഞ്ഞു. അതുകൊണ്ടു തന്നെ നഗരവും അതിന്റെ കൂടെ നില്‍ക്കേണ്ടത് പ്രധാനമാണെന്ന് ദുബായ് സ്‌പോര്‍ട്‌സ് കൗണ്‍സില്‍ സെക്രട്ടറി ജനറല്‍ സയീദ് ഹാരെബ് പറഞ്ഞു.
നഗരത്തിന്റെ ഹൃദയഭാഗത്താണ് അന്തര്‍ദേശീയ ഓട്ടമല്‍സരം നടക്കുന്നത്. പതിവുപോലെ മറ്റൊരു അവിസ്മരണീയ ഇവെന്റായി ഇത് മാറ്റുന്നതിന് സംഘാടകര്‍ക്കൊപ്പം ചേര്‍ന്ന് പ്രവര്‍ത്തിക്കുന്നതില്‍ ദുബായ് സ്‌പോര്‍ട്‌സ് കൗണ്‍സില്‍ പ്രതിജ്ഞാബന്ധമാണെന്നും അദ്ദേഹം പറഞ്ഞു.
മിഡില്‍ ഈസ്റ്റിലെ ആദ്യത്തേതും ഏറ്റവും പഴക്കമുള്ളതുമായ അന്താരാഷ്ട്ര മാരത്തണാണിത്. ഈ വര്‍ഷം രജിസ്റ്റര്‍ ചെയ്യുന്നവര്‍ ദുബായ് പോലീസ് അക്കാദമിക്ക് സമീപമുള്ള ഉമ്മു സുഖീം റോഡില്‍ നിന്ന് ആരംഭിച്ച് 42.195 കിലോമീറ്റര്‍ ദൂരം താണ്ടി ഇവിടെ തന്നെ തിരിച്ചെത്തണം. ജുമൈറ ബീച്ച് റോഡിലൂടെ സഞ്ചരിച്ച് ബുര്‍ജ് അല്‍ അറബ്, മദീനത്ത് എന്നിവയുടെ ചാരത്തുകൂടി ഓട്ടക്കാര്‍ കടന്നുപോകും.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
ഏകദേശം 3.6 ദശലക്ഷം ആളുകള്‍ താമസിക്കുന്ന ദുബായ് നഗരത്തിലൂടെയുള്ള മല്‍സരത്തിന് സൗകര്യങ്ങള്‍ ഒരുക്കുന്ന ദുബായ് സ്‌പോര്‍ട്‌സ് കൗണ്‍സില്‍, ദുബായ് പോലീസ്, ദുബായ് ആര്‍ടിഎ, ദുബായ് മുനിസിപ്പാലിറ്റി വിഭാഗങ്ങള്‍ക്ക് ഇവന്റ് ഡയറക്ടര്‍ പീറ്റര്‍ കോണര്‍ട്ടണ്‍ കൃതജ്ഞത രേഖപ്പെടുത്തി. അധികാരികളുടെ വലിയ പ്രയത്‌നവും പിന്തുണയുമില്ലാതെ ഇത്തരമൊരും മല്‍സരം നഗരവീഥിയില്‍ സംഘടിപ്പിക്കാന്‍ കഴിയില്ലെന്നും ദുബായ് സ്‌പോര്‍ട്‌സ് കൗണ്‍സിലിന്റെ വിലമതിക്കാനാകാത്ത ഏകോപനത്തിനും നിരന്തരമായ പിന്തുണയ്ക്കും നന്ദി അറിയിക്കുന്നതായും അദ്ദേഹം കൂട്ടിച്ചേര്‍ത്തു.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
സ്വദേശികള്‍ക്കും വിദേശികള്‍ക്കും മാത്രമല്ല, വിനോദസഞ്ചാരികള്‍ക്കും അന്താരാഷ്ട്ര മാരത്തണ്‍ ഇഷ്ട ഇവെന്റായി മാറിയിട്ടുണ്ട്. മുന്‍നിര കായികതാരങ്ങളും വളര്‍ന്നുവരുന്ന താരങ്ങളും അരങ്ങേറ്റക്കാരും ഇതില്‍ പങ്കാളികളാവാറുണ്ട്. പാരീസില്‍ സമ്മര്‍ ഒളിമ്പിക്‌സ് നടത്തുന്നതിന് ആറ് മാസത്തിലധികം മുമ്പ് ഒളിമ്പിക് യോഗ്യതാ സമയം രേഖപ്പെടുത്താനുള്ള മികച്ച അവസരം കൂടിയാണിത്.
