പെട്ടി തുറന്നപ്പോള്‍ ഞെട്ടി; സൗദിയില്‍ നിന്ന് മടങ്ങവെ വേലക്കാരി അടിച്ചുമാറ്റിയത് വിലപിടിപ്പുള്ള വസ്തുക്കള്‍. വൈറലായി വീഡിയോ
Samayam Malayalam | Updated: 24 Aug 2023, 4:27 pm
പെട്ടി തുറക്കുന്ന വീഡിയോ സൗദി കുടുംബം തന്നെയാണ് ചിത്രീകരിച്ച് പങ്കുവച്ചത്. സ്‌പോണ്‍സറുടെ കുടുംബാംഗങ്ങള്‍ വേലക്കാരിയുടെ പെട്ടി പരിശോധിക്കുന്നതിന്റെയും മോഷണ വസ്തുക്കള്‍ കണ്ടെടുക്കുന്നതിന്റെയും ദൃശ്യങ്ങളാണ് ഇതിലുള്ളത്. അറബികള്‍ക്കിടയിലെ സമൂഹമാധ്യമങ്ങളില്‍ മാത്രമല്ല, വിദേശികള്‍ക്കിടയിലും വീഡിയോ വൈറലായി.
ഹൈലൈറ്റ്:
- ഐഫോണുകള്‍, ഇയര്‍ഫോണുകള്‍ എന്നിവ കണ്ടെത്തി
- അത്തറുകള്‍, വാച്ചുകള്‍, വസ്ത്രങ്ങള്‍ തുടങ്ങിയവയും മോഷ്ടിച്ചു
- കാണാതായപ്പോള്‍ തിരയാന്‍ വേലക്കാരിയുമുണ്ടായിരുന്നു
തിരിച്ചിലിന് കൂടെ കൂടാറുള്ള ഗദ്ദാമയെ സ്വദേശി കുടുംബം ആദ്യം സംശയിച്ചിരുന്നില്ല. അഞ്ചു വര്‍ഷം വീട്ടുജോലി ചെയ്ത ശേഷം പോകാനായി കെട്ടിയ പെട്ടിയുടെ വലിപ്പം കണ്ടപ്പോള്‍ വീട്ടിലുള്ളവര്‍ക്ക് സംശയമായി. അതൊന്ന് തുറന്ന് പരിശോധിക്കാന്‍ തീരുമാനിച്ചു. പെട്ടി തുറന്നപ്പോള്‍ ശരിക്കും ഞെട്ടി. വര്‍ഷങ്ങളായി കണ്ടെത്താന്‍ കഴിയാതെ പോയ കുടുംബാംഗങ്ങളുടെ ഐഫോണുകള്‍, വയര്‍ലെസ് ഇയര്‍ഫോണുകള്‍, അത്തറുകള്‍, വാച്ചുകള്‍, വിലപിടിച്ച വസ്ത്രങ്ങള്‍ തുടങ്ങിയവയാണ് പെട്ടിയില്‍ കണ്ടെത്തിയത്.
പെട്ടി തുറക്കുന്ന വീഡിയോ സൗദി കുടുംബം തന്നെയാണ് വീഡിയോ ചിത്രീകരിച്ച് പങ്കുവച്ചത്. സ്‌പോണ്‍സറുടെ കുടുംബാംഗങ്ങള്‍ വേലക്കാരിയുടെ പെട്ടി പരിശോധിക്കുന്നതിന്റെയും മോഷണ വസ്തുക്കള്‍ കണ്ടെടുക്കുന്നതിന്റെയും ദൃശ്യങ്ങളാണ് ഇതിലുള്ളത്. അറബികള്‍ക്കിടയിലെ സമൂഹമാധ്യമങ്ങളില്‍ മാത്രമല്ല, വിദേശികള്‍ക്കിടയിലും വീഡിയോ വൈറലായി.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
പലസമയങ്ങളിലായി വീട്ടില്‍ നിന്ന് പണവും വിലപിടിച്ച വസ്തുക്കളും കാണാതായിരുന്നതായി കുടുംബം പറയുന്നു. ഇതുകൊണ്ടുകൂടിയാണ് പെട്ടി പരിശോധിക്കാന്‍ തീരുമാനിച്ചത്. ഐഫോണുകള്‍ അടക്കമുള്ള വസ്തുക്കള്‍ കാണാതായപ്പോള്‍ നടത്തിയ തിരച്ചിലുകളില്‍ വേലക്കാരിയും മുന്നില്‍ തന്നെയുണ്ടായിരുന്നു. വീട്ടില്‍ നടന്ന കവര്‍ച്ചകള്‍ക്കു പിന്നില്‍ വേലക്കാരി തന്നെയാണെന്നാണ് പെട്ടി പരിശോധിച്ചപ്പോള്‍ ബോധ്യമാവുകയും ചെയ്തു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
