അണുബാധ
അലക്കാതെ അടിവസ്ത്രങ്ങള്‍ വീണ്ടും വീണ്ടും ഉപയോഗിക്കുന്നത് അടിവസ്ത്രത്തില്‍ അണുക്കള്‍ പെരുകുന്നതിന് കാരണമാണ്. കാരണം, അതില്‍ നമ്മളുടെ വിയര്‍പ്പ്, അതുപോലെ, മൂത്രത്തിന്റെ അംശം എന്നിവയെല്ലാം പറ്റിപിടിച്ച് എത്രത്തോളം വട്ടം ഉപയോഗിക്കുന്നുവോ അത്രത്തോളം ബാക്ടീരിയ അതില്‍ പെരുകുന്നു. ഇത്തരത്തില്‍ ബാക്ടീരിയ പെരുകുന്നത് സത്യത്തില്‍ സ്വകാര്യഭാഗത്ത് അണുബാധ ഉണ്ടാകുന്നതിന് കാരണമാണ്.
അമിതമായി സ്വകാര്യഭാഗത്ത് വിയര്‍പ്പും വെള്ളത്തന്റെ അംശവും മൂത്രത്തിന്റെ അംശവും ഇരിക്കുന്നത് സത്യത്തില്‍ യീസ്റ്റ് ഇന്ഫക്ഷന് കാരണമാണ്. സ്ത്രീകളില്‍ യീസ്റ്റ് ഇന്ഫക്ഷന് വന്ന് കഴിഞ്ഞാല്‍, ഇത് അമിതമായിട്ടുള്ള വെള്ളപോക്ക്, ചൊറിച്ചില്‍ എന്നീ അസ്വസ്ഥതകളിലേയ്ക്ക് നയിക്കാം. പ്രധാനമായും കാന്‍ഡിഡിയാസീസ് എന്ന യീസ്റ്റ് ഇന്ഫക്ഷന് വരാനുള്ള സാധ്യതയാണ് ഇത് കൂട്ടുന്നത്. ഇത് ഒരുതരം ഫംഗല്‍ ഇന്‍ഫക്ഷനാണ്. നമ്മളുടെ ചര്‍മ്മത്തിലും അതുപോലെ തന്നെ ശരീരത്തിന്റെ പുറത്തും കാണപ്പെടുന്ന ഈ വൈറസ് കൂടാനും ഇത് സ്വകാര്യഭാഗത്ത് പെരുകാനും കാരണമാകുന്നു.
വിറ്റമിന്‍ ബി 12 കുറവ്‌
വിറ്റാമിൻ ബി12 കുറഞ്ഞാൽ ശരീരത്തിൽ സംഭവിക്കുന്നത്
മൂത്രനാളിയില്‍ അണുബാധ
സ്ത്രീകള്‍ ആയാലും പുരുഷന്‍മാരായാലും UTI വരാനുള്ള സാധ്യത വളരെ കൂടുതലാണ്. കൃത്യമായി വെള്ളം കുടിച്ചില്ലെങ്കില്‍ അതുപോലെ, സ്വകാര്യഭാഗം വൃത്തിയാക്കി സൂക്ഷിച്ചില്ലെങ്കില്‍ എല്ലാം തന്നെ മൂത്രനാളിയില്‍ അണുബാധ വരാന്‍ സാധ്യത കൂടുതലാണ്. ഇത്തരത്തില്‍ അണുബാധ വന്ന് കഴിഞ്ഞാല്‍, ഇടയ്ക്കിടയ്ക്ക് മൂത്രം ഒഴിക്കാന്‍ തോന്നുകയും, മൂത്രം പോകുമ്പോള്‍ നല്ലപോലെ പുകച്ചില്‍ അനുഭവപ്പെടുകയും ചെയ്യും. നിങ്ങള്‍ക്ക് അണുബാധ നന്നായി കൂടിയാല്‍ നടുവേദന പോലെയുള്ള ശാരീരിക ബുദ്ധിമുട്ടുകളും അനുഭവിക്കുന്നതാണ്.
ദുര്‍ഗന്ധം
പലര്‍ക്കും, അത് സ്ത്രീകള്‍ക്കായാലും പുരുഷന്മാര്‍ക്കായാലും സ്വകാര്യഭാഗത്ത് അമിതമായി ദുര്‍ഗന്ധം വരുന്നത് കാണാം. ഇത്തരത്തില്‍ ദുര്‍ഗന്ധം വരുന്നതിന് പിന്നിലെ പ്രധാന കാരണങ്ങളില്‍ ഒന്ന് അടി വസ്ത്രം വൃത്തിയില്ലാത്തും അതുപോലെ സ്വകാര്യ ഭാഗം വൃത്തിയില്‍ കൊണ്ട് നടക്കാത്തതും ആണ്. അടിവസ്ത്രത്തില്‍ അടിഞ്ഞ് കൂടിയിട്ടുള്ള വിയര്‍പ്പും അതുപോലെ മുത്രത്തിന്റെ അംശവുമെല്ലാം സ്വകാര്യഭാഗത്ത് മണം വര്‍ദ്ധിപ്പിക്കുന്നുണ്ട്. ഇത്തരത്തില്‍ ണണം വരുന്നത് ബാക്ടീരിയ വര്‍ദ്ധിക്കുന്നതിനും കാരണമാണ്.
വൃത്തി
വൃത്തിയില്ലായ്മയുടെ ഒരു പ്രധാന ലക്ഷണമാണ് ഒരിക്കല്‍ ധരിച്ച അടിവസ്ത്രങ്ങള്‍ കഴുകാതെ വീണ്ടും വീണ്ടും ധരിക്കുന്നത്. ഇത്തരത്തില്‍ ധരിക്കുന്നത് ചര്‍മ്മ പ്രശ്‌നങ്ങള്‍ ഉണ്ടാക്കാം. അതുപോലെ തന്നെ ചിലപ്പോള്‍, സ്വകാര്യഭാഗത്ത് കുരുക്കള്‍ വരാനും അമിതമായിട്ടുള്ള ഡിസ്ചാര്‍ജ് വരാനും ഇത് കാരണമാകുന്നുണ്ട്. അതിനാല്‍, നല്ല വൃത്തിയുള്ള അടിവസ്ത്രങ്ങള്‍ തന്നെ ധരിക്കാന്‍ എല്ലാവരും ശ്രദ്ധിക്കേണ്ട്ത് അനിവാര്യമാണ്.
അടിവസ്ത്രം ധരിക്കുമ്പോള്‍
അടിവസ്ത്രങ്ങള്‍ അധികം വീര്യം ഇല്ലാത്ത നല്ല ഡിറ്റര്‍ജന്റ് ഉപയോഗിച്ച് കഴുകി നന്നായി വെള്ളത്തില്‍ കഴുകി എടുത്ത് വെയിലത്ത് ഇട്ട് തന്നെ ഉണക്കി എടുക്കണം. ഇത്തരത്തില്‍ വെയിലത്ത് ഇട്ട് ഉണക്കി എടുത്താല്‍ മാത്രമാണ് അടിവസ്ത്രങ്ങളില്‍ നിന്നും ബാക്ടീരിയ കളയാന്‍ സാധിക്കുകയുള്ളൂ. അതുപോലെ തന്നെ, അടിവസ്ത്രങ്ങള്‍ ഉപയോഗിക്കുമ്പോള്‍ നല്ല കോട്ടന്റെ അടിവസ്ത്രങ്ങള്‍ ഉപയോഗിക്കാന്‍ ശ്രദ്ധിച്ചാല്‍ അത് അത്രയ്ക്കും നല്ലതാണ്. ഇത് വിയര്‍പ്പ് കുറയ്ക്കാന്‍ സഹായിക്കും. അണുബാധ കുറയ്ക്കാനും സഹായിക്കും.
നനഞ്ഞ അടിവസ്ത്രങ്ങള്‍ ഒരിക്കലും ധരിക്കാന്‍ പാടുള്ളതല്ല. ഇത് അണുബാധ വര്‍ദ്ധിപ്പിക്കാനും യീസ്റ്റ് ഇന്ഫക്ഷന് വരുന്നതിനും കാരണമാകുന്നുണ്ട്. ഇത് സ്ത്രീകള്‍ക്ക് മാത്രമല്ല, പുരുഷന്മാര്‍ക്കും ബാധകമാണ്. ഇത്തരത്തില്‍ അടിവസ്ത്രങ്ങള്‍ വൃത്തിയുള്ളതായി സൂക്ഷിച്ചില്ലെങ്കില്‍ വിവാഹിതരാണ് നിങ്ങള്‍ എങ്കില്‍ അത് ലൈംഗിക രോഗങ്ങള്‍ പരുന്നതിന് വരെ കാരണമാണ്. അതിനാല്‍, രാവിലെ ധരിച്ച അടിവസ്ത്രങ്ങള്‍ രാത്രിയില്‍ മാറാന്‍ ശ്രദ്ധിക്കണം. അതുപോലെ, എല്ലായ്‌പ്പോഴും പുതിയ അടിവസ്ത്രങ്ങള്‍ തന്നെ ഉപയോഗിക്കാന്‍ ശ്രദ്ധിക്കുക. അടിവസ്ത്രങ്ങള്‍ നനയാതെ ശ്രദ്ധിക്കണം. നനഞ്ഞ അടിവസ്ത്രങ്ങള്‍ ധരിച്ച് അധികസമയം ഇരിക്കുന്നതും അണുബാധയ്ക്ക് കാരണമാണ്. അതിനാല്‍, ഓരോ വട്ടം ടോയ്‌ലറ്റില്‍ പോയി വരുമ്പോഴും ടിഷ്യൂ വെച്ച് തുടച്ച് വൃത്തിയാക്കാന്‍ ശ്രദ്ധിക്കണം. ഇല്ലെങ്കില്‍ ഇത് മണം നിലനില്‍ക്കുന്നതിന് മാത്രമല്ല, അണുബാധയ്ക്കും കാരണമാണ്.അതിനാല്‍ വൃത്തിയില്‍ അടിവസ്ത്രങ്ങള്‍ കൊണ്ട് നടക്കാന്‍ ശ്രദ്ധിക്കാം.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
