എഴുപത്തഞ്ചിലും സ്ട്രോങ്ങ് ആയിരിക്കാൻ ഈ ‘ഷീൽഡ്’ വേണം

ഉറക്കം (Sleep)

ആരോഗ്യത്തോടിരിക്കാൻ ഏറ്റവും പ്രധാനമായി വേണ്ടത് ഉറക്കമാണ്. നല്ല ഉറക്കം നല്ല ജീവിതശൈലിയുടെ പ്രധാന ലക്ഷണമാണ്. പ്രായമാകുന്നത് അനുസരിച്ച് പലർക്കും ഉറക്കം കുറഞ്ഞ് വരാറുണ്ട്. പക്ഷെ ദിവസവും ഏഴ് മുതൽ എട്ട് മണിക്കൂർ ഉറങ്ങാൻ ശ്രമിക്കു. അതൊരു ശീലമാക്കി പിന്തുടരുന്നത് ഏറെ നല്ലതാണ്. നല്ല ഉറക്കം ആരോഗ്യത്തിൻ്റെ എല്ലാ പ്രവർത്തനങ്ങൾക്കും ഏറെ മികച്ചതാണ്.

ഹീമോഗ്ലോബിൻ കൂട്ടാൻ ഈ ഭക്ഷണങ്ങൾ കഴിക്കണം

​

​

സമ്മർദ്ദം കുറയ്ക്കുക (How to handle stress)

ശരിയായ ആരോഗ്യത്തിന് മാനസികാരോഗ്യം വളരെ പ്രധാനമാണ്. പലരും നേരിടുന്ന ഈ സമ്മർദ്ദം അത്ര നിസാരക്കാരനല്ലെന്ന് മനസിലാക്കുക. മെഡിറ്റേഷൻ, യോഗ പോലെയുള്ള കാര്യങ്ങൾ ചെയ്യുന്നത് മാനസിക സമ്മർദ്ദം കുറയ്ക്കാൻ വളരെ നല്ലതാണ്. പ്രായമായാലും ഇത്തരം കാര്യങ്ങൾ ചെയ്യുന്നത് എപ്പോഴും ആരോഗ്യത്തോടെ ഇരിക്കാനുള്ള നല്ല മാർഗങ്ങളിലൊന്നാണ്.

സംസാരിക്കുക (Interaction)

പരസ്പരം സംസാരിക്കുന്നത് പല വിധത്തിലുള്ള പ്രശ്നങ്ങൾക്കുമുള്ള പരിഹാരമാണ്. മനസിൻ്റെ ആരോഗ്യത്തെ വളരെ വലിയ രീതിയിൽ സ്വാധീനിക്കാൻ സംസാരത്തിന് കഴിയും. സംസാരിക്കുന്നത് പലപ്പോഴും മനസിലെ വിഷമങ്ങളും സമ്മർദ്ദവുമൊക്കെ കുറയ്ക്കും. ചില വിഷമ ഘടങ്ങൾ ഇത്തരം സംസാരങ്ങൾ പലപ്പോഴും നല്ല രീതിയുള്ള മാറ്റമാണ് വ്യക്തികൾക്ക് നൽകുന്നത്. കാര്യങ്ങൾ ചർച്ച ചെയ്യുന്നതും അതുപോലെ ആശയവിനിമയം നടത്തുന്നതുമൊക്കെ ഏറെ നല്ലതാണ്.

വ്യായാമം (Exercise)

വ്യായാമം ചെയ്യാൻ പൊതുവെ മടിയുള്ളവരായിരിക്കും മിക്കയാളുകളും. എന്നാൽ വ്യായാമം ചെയ്യുന്നത് പല തരത്തിലുള്ള ആരോഗ്യ ഗുണങ്ങൾ നൽകുന്നു. എല്ലാ ദിവസവും ഒരൽപ്പം വ്യായാമം ചെയ്യാൻ ശ്രമിക്കുക. ഗാർഡനിങ്ങ്, സ്വിമ്മിങ്ങ്, നടത്തം, ചെറിയ കായിക വ്യായാമങ്ങൾ എന്നിവയെല്ലാം ദിവസവും ചെയ്യാൻ ശ്രമിക്കുക. എല്ലാ ദിവസവും കുറച്ച് സമയമെങ്കിലും ഇത് ചെയ്യാൻ ശ്രമിക്കേണ്ടത് ഏറെ പ്രധാനമാണ്. ഫിറ്റ്നസ് കാത്ത് സൂക്ഷിക്കാൻ ഇത് ഗുണം ചെയ്യും. മറ്റ് ആരോഗ്യ പ്രശ്നങ്ങളും ഇല്ലാതാക്കും.

പഠിക്കുക (Learn)

ദിവസവും എന്തെങ്കിലും പുതിയ കാര്യങ്ങൾ പഠിക്കാൻ ശ്രമിക്കുന്നത് നല്ലതാണ്. പ്രായമായി എന്ന് കരുതി എല്ലാ കാര്യങ്ങളിൽ നിന്നും വിട്ട് നിൽക്കാതിരിക്കാൻ ശ്രമിക്കുക. പ്രായമാകുന്നതിൻ്റെ ലക്ഷണങ്ങൾ ഒഴിവാക്കാൻ പുതിയ കാര്യങ്ങൾ പഠിക്കുകയും മനസിലാക്കുകയും ചെയ്യുന്നത് ഏറെ നല്ലതാണ്. മൊബൈൽ, ലാപ്പ് ടോപ്പ് തുടങ്ങി പല പുതിയ ടെക്നോളജികളും പഠിക്കുന്നത് പല ഗുണങ്ങളും നൽകുന്നു.

ഡയറ്റ് (Diet)

അവസാനമായി ഡയറ്റ് ഒരു പ്രധാന ഘടകമാണ്. പ്രായമാകുന്നത് അനുസരിച്ച് ശരീരത്തിന് ആവശ്യമായ പോഷകങ്ങൾ കഴിക്കാൻ ശ്രമിക്കുക. ധാരാളം വെള്ളം കുടിക്കുന്നത് പോലെ തന്നെ പഴങ്ങളും പച്ചക്കറികളും ഉൾപ്പെടുത്തണം. പോഷകങ്ങളും പ്രോട്ടീനും ധാതുക്കളുമൊക്കെ വേണ്ട വിധം ശരീരത്തിൽ എത്തുന്നുണ്ടെന്ന് ഉറപ്പ് വരുത്തുക. പ്രായമാകുമ്പോൾ വറുത്തതും പൊരിച്ചതുമൊക്കെ കഴിക്കുന്നത് കുറയ്ക്കാൻ ശ്രമിക്കണം. പഞ്ചസാരയും കാർബോഹൈഡ്രേറ്റ്സും കുറച്ച് ധാരാളം പച്ചക്കറികൾ ഡയറ്റിൽ ഉൾപ്പെടുത്തണം