താരൻ പ്രശ്നം സിമ്പിളായി മാറ്റാൻ ഒരു പോംവഴി ഇതാ
Authored by റ്റീന മാത്യു | Samayam Malayalam | Updated: 24 Aug 2023, 4:45 pm
എളുപ്പത്തിൽ വീട്ടിൽ ചെയ്യാൻ കഴിയുന്ന ഹെയർ പായ്ക്കാണിത്. വളരെ കുറച്ച് ചേരുവകൾ മാത്രം മതി ഇത് തയാറാക്കാൻ.
കറ്റാർവാഴ
കറ്റാർവാഴ മുടിയുടെ എല്ലാ പ്രശ്നങ്ങളും പരിഹരിക്കാൻ സഹായിക്കുന്നതാണ്. ഇതിൽ അടങ്ങിയിരിക്കുന്ന ആൻ്റി ഫംഗൽ ആൻ്റി ഇൻഫ്ലമേറ്ററി ഗുണങ്ങൾ തലയോട്ടിയിലെയും മുടിയിലെയും എല്ലാ പ്രശ്നങ്ങൾക്കുമുള്ള പരിഹാരമാണ്. പലപ്പോഴും മുടിയ്ക്ക് തിളക്കവും ഭംഗിയും നൽകാൻ കറ്റാർവാഴ വളരെ നല്ലതാണ്. കോശങ്ങൾക്ക് സംഭവിക്കുന്ന കേടുപാടുകൾ മാറ്റാനും നന്നായി മുടി വളരാനും കറ്റാർവാഴ ഏറെ സഹായിക്കും. കൂടാതെ ഭംഗിയിൽ മുടി വളരാനും ഇത് ഏറെ നല്ലതാണ്.
താരനുണ്ടാകാനുള്ള കാരണവും മാറാനുള്ള വഴികളും
ആര്യവേപ്പ്
പല ഔഷധ ഗുണങ്ങളുള്ള സസ്യമാണ് ആര്യവേപ്പ്.
ആര്യവേപ്പിന്റെ ഇലയില്‍ ഫോളിക് ആസിഡ് അടങ്ങിയിട്ടുണ്ട്. ഇത് മുടികൊഴിച്ചില്‍ തടയുന്നതിനും ആന്റി ഫംഗല്‍ ആന്റ് ഇന്‍ഫ്ലമേറ്ററി ഘടകങ്ങൾ താരന്‍ മാറ്റാനും സഹായിക്കും. ആര്യവേപ്പിന്റെ ഇല ഉപയോഗിച്ച് പലതരത്തില്‍ താരനും മുടിയുടെ പ്രശ്നങ്ങളും അകറ്റാൻ സാധിക്കും. ശിരോചർമ്മത്തിലെ പല പ്രശ്നങ്ങൾക്കുമുള്ള പരിഹാരമാണ് ആര്യവേപ്പെന്ന് തന്നെ പറയാം.
ഉലുവ
താരൻ മാറ്റാനുള്ള ഏറ്റവും നല്ല മാർഗമാണ് ഉലുവ. ഇതിൽ അടങ്ങിയിട്ടുള്ള ആൻ്റി ഫംഗൽ ഗുണങ്ങൾ തലയിലെ താരനും ചൊറിച്ചിലുമൊക്കെ മാറ്റാൻ ഏറെ നല്ലതാണ്. മുടിയും ശിരോചർമ്മവും ശക്തിപ്പെടുത്താൻ സഹായിക്കുന്ന സപ്ലിമെൻ്റുകൾ ഇതിൽ അടങ്ങിയിട്ടുണ്ട്. രോമകൂപങ്ങൾ ബലപ്പെടുത്താൻ മുടി വളരാനും ഇത് ഏറെ നല്ലതാണ്. ഉലുവ വെറുതെ തലയിൽ തേയ്ക്കുന്നതും താരൻ മാറ്റാൻ വളരെ നല്ലതാണ്.
പായ്ക്ക് തയാറാക്കാൻ
വളരെ എളുപ്പത്തിൽ ഈ പായ്ക്ക് തയാറാക്കാവുന്നതാണ്. തലേ ദിവസം രാത്രി ഉലുവ വെള്ളത്തിൽ കുതിർത്ത് വച്ച ശേഷം വേണം ഉപയോഗിക്കാൻ. കുതിർത്ത ഉലുവയും ആര്യവേപ്പിൻ്റെ ഇലയും കറ്റാർവാഴയും ചേർത്ത് നന്നായി മിക്സിയിലിട്ട് നന്നായി അരയ്ക്കുക. ഇത് മുടിയിൽ തേച്ച് 20 മിനിറ്റിന് ശേഷം മുടി കഴുകി വ്യത്തിയാക്കാവുന്നതാണ്. വീര്യം കുറഞ്ഞ ഷാംപൂ ഉപയോഗിച്ച് വേണം മുടി കഴുകി വ്യത്തിയാക്കാൻ.
റ്റീന മാത്യു നെ കുറിച്ച്
റ്റീന മാത്യു ഡിജിറ്റൽ കണ്ടൻ്റ് പ്രൊഡ്യൂസർ
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
