Also Read : കാണാതായ വിദ്യാര്‍ഥിനി ആള്‍താമസമില്ലാത്ത വീട്ടില്‍ വിവസ്ത്രയാക്കി കെട്ടിയിട്ട നിലയില്‍
അച്ചു ഉമ്മൻ തന്നെ സമൂഹമാധ്യമങ്ങളിൽ പങ്കുവച്ചിട്ടുള്ള വീഡിയോകളും ഫോട്ടോകളും ചൂണ്ടിക്കാണിച്ചാണ് സൈബർ ആക്രമണം. വസ്ത്രധാരണവും ജീവിത രീതികളും അടക്കം ചൂണ്ടിക്കാണിച്ച് ഇടത് അനുകൂല സോഷ്യൽ മീഡിയ ഹാൻഡിലുകൾ സൈബർ ആക്രമണം നടത്തുന്നുവെന്ന് ആരോപിച്ച് കോൺഗ്രസും രംഗത്തുവന്നിട്ടുണ്ട്. രാഷ്ട്രീയ വിഷയങ്ങളിൽ നിന്നും സിപിഎം ഒളിച്ചോടുന്നുവെന്ന് കോൺഗ്രസ് ആരോപിച്ചു.
Primary Education: ബാല്യത്തില്‍ നഷ്ടപ്പെട്ട വിദ്യാഭ്യാസം തിരികെ നേടാന്‍ വനിത കമ്മിഷന്‍റെ സഹായം തേടി യുവതി
കുറച്ചു ദിവസങ്ങളായി ചില സൈബർ പോരാളികൾ എന്റെ കരിയറുമായി ബന്ധപ്പെടുത്തി വ്യജപ്രചാരണങ്ങൾ നടത്തുന്നു. യശ്ശശരീനായ എന്റെ പിതാവിന്റെ സൽപ്പേരിനു കളങ്കമുണ്ടാക്കുന്ന തരത്തിലാണ് അവരുടെ ഇടപെടലുകൾ. ഇതു വളരെ നിരാശാജനകമാണെന്ന് അച്ചു ഉമ്മൻ ഫേസ്ബുക്ക് കുറിപ്പിൽ വ്യക്തമാക്കുന്നു.
2021 ഡിസംബറിലാണ് കണ്ടന്റ് ക്രിയേഷൻ ഒരു പ്രഫഷനായി ഞാൻ തിരഞ്ഞെടുത്തത്. ഫാഷൻ, യാത്ര, ലൈഫ് സ്റ്റൈൽ, കുടുംബം തുടങ്ങിയ വിഷയങ്ങളിൽ ഞാൻ സൃഷ്ടിച്ച കണ്ടന്റ് മികച്ച അഭിപ്രായം നേടിയിട്ടുണ്ട്. അതുവഴി അനേകം ബ്രാൻഡുകളുമായി സഹകരിക്കാനുള്ള അവസരവും തനിക്കു ലഭിച്ചിട്ടുണ്ടെന്നും അച്ചു ഫേസ്ബുക്കിൽ കുറിച്ചു.
ഈ പ്രഫഷനിൽ പിതാവ് ഉമ്മൻ ചാണ്ടിയുടെ പേര് ഉപയോഗിച്ച് ഒരു നേട്ടവും ഇത്രയും നാളായി സ്വന്തമാക്കിയിട്ടില്ല. ഞാൻ ചെയ്ത എല്ലാ കാര്യങ്ങളിലും എപ്പോഴും സുതാര്യത പുലർത്തിയിട്ടുമുണ്ടെന്നും കുറിക്കുന്നു.
പുതിയ മോഡൽ വസ്ത്രങ്ങൾ, ഫാഷൻ സമീപനങ്ങൾ, പുതിയ ടൂറിസ്റ്റ് ഡെസ്റ്റിനേഷനുകൾ തുടങ്ങിയവയൊക്കെ പരിചയപ്പെടുത്തുകയാണ് എന്റെ ജോലി. അതിന് എനിക്ക് കുറെ യാത്രകളും മറ്റും ചെയ്യേണ്ടി വന്നിട്ടുണ്ട്. ഭർത്താവിന്റെയും കുട്ടികളുടെയും പൂർണ പിന്തുണയോടെയാണ് ഞാനിതൊക്കെ ചെയ്യുന്നത്.
Also Read : യു ടേൺ എടുക്കാൻ കാത്തുനിന്ന പെട്രോൾ ടാങ്കറിലേക്ക് റെൾസ് റോയ്സ് കാർ ഇടിച്ചു; ലോറി ഡ്രൈവറും ക്ലീനറും മരിച്ചു
എന്നാൽ, ഈ യാത്രകളുടെ ചിത്രങ്ങളും മറ്റും ഉപയോഗിച്ച് എനിക്കെതിരെ നടത്തുന്ന വ്യാജപ്രചാരണം അടിസ്ഥാനരഹിതമാണ്. ഞാനൊരിക്കലും എന്റെ ചെറിയൊരു നേട്ടത്തിനു വേണ്ടിപ്പോലും പിതാവ് ഉമ്മൻ ചാണ്ടിയുടെ പേര് ഉപയോഗിച്ചിട്ടില്ല എന്ന് ആവർത്തിക്കുന്നു. എന്റെ ജോലിയിലും അതിനെ സമീപിക്കുന്ന സത്യസന്ധതയിലും ഞാൻ ഉറച്ചുനിൽക്കുന്നുവെന്നും പറഞ്ഞാണ് അച്ചു ഉമ്മൻ തൻ്റെ ഫേസ്ബുക്ക് പോസ്റ്റ് അവസാനിപ്പിക്കുന്നത്.
Read Latest Kerala News and Malayalam News
