ജനറല്‍ ഡയറക്ടറേറ്റ് ഓഫ് ട്രാഫിക് വിഭാഗം എക്‌സ് പ്ലാറ്റ്‌ഫോമിലൂടെയാണ് ഇത് സംബന്ധിച്ച മുന്നറിയിപ്പ് നല്‍കിയത്. വിദ്യാഭ്യാസ സ്ഥാപനങ്ങള്‍ക്കു സമീപം ശബ്ദമലിനീകരണം ഉണ്ടാക്കുന്നത് വിദ്യാര്‍ഥികള്‍ക്കും അധ്യാപകര്‍ക്കും പഠനത്തില്‍ ശ്രദ്ധകേന്ദ്രീകരിക്കുന്നതിന് വിഘാതമാവുമെന്നും അറിയിപ്പില്‍ ചൂണ്ടിക്കാട്ടി.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
വിദ്യാര്‍ഥികളെ കയറ്റാനോ ഇറക്കാനോ സ്‌കൂള്‍ വാഹനങ്ങള്‍ നിര്‍ത്തിയാല്‍ പിന്നിലുള്ള മറ്റു വാഹനങ്ങളും നിര്‍ത്തണമെന്നും ഈ സമയത്ത് സ്‌കൂള്‍ വാഹനങ്ങളെ ഓവര്‍ടേക്ക് ചെയ്യരുതെന്നും സൗദി ജനറല്‍ ഡയറക്ടറേറ്റ് ഓഫ് ട്രാഫിക് നിര്‍ദേശിച്ചിട്ടുണ്ട്. സ്‌കൂള്‍ ബസ്സുകളെ മറികടന്നാല്‍ ഗുരുതര ട്രാഫിക് നിയമലംഘനമായി കണക്കാക്കി 6,000 റിയാല്‍ പിഴ ഈടാക്കാന്‍ നിയമം വ്യവസ്ഥ ചെയ്യുന്നു. ഈ നിയമലംഘനത്തിന് ചുരുങ്ങിയ പിഴ 3,000 റിയാലാണ്.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
കഴിഞ്ഞ ഞായറാഴ്ച പുതിയ അധ്യയന വര്‍ഷത്തിന് തുടക്കമായതോടെയാണ് സ്‌കൂള്‍ ബസ് ഗതാഗതവുമായി ബന്ധപ്പെട്ട നിയമങ്ങള്‍ ഓര്‍മിപ്പിച്ച് ട്രാഫിക് വിഭാഗം രംഗത്തെത്തിയത്. വിദ്യാര്‍ഥികളെ കയറ്റുകയോ ഇറക്കുകയോ ചെയ്യുന്നതിനായി സ്‌കൂള്‍ ബസ് നിര്‍ത്തിയ സമയത്ത് മറ്റു വാഹനങ്ങള്‍ സമീപത്തുകൂടി കടന്നുപോകുന്നത് അപകടം ക്ഷണിച്ചുവരുത്തുമെന്നതിനാലാണ് ഈ നിയന്ത്രണം. വിദ്യാര്‍ഥികളെ സുരക്ഷിതമായി റോഡരികിലേക്ക് മാറ്റുകയോ വാഹനത്തില്‍ കയറ്റുകയോ ചെയ്ത ശേഷം സ്‌കൂള്‍ ബസ് പുറപ്പെട്ടാല്‍ മാത്രമേ മറ്റ് വാഹനങ്ങള്‍ സ്‌കൂള്‍ ബസ്സിനെ മറികടക്കാന്‍ പാടുള്ളൂ.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
സ്‌കൂള്‍, കോളജുകളില്‍ നിന്നുള്ള ആറ് ദശലക്ഷത്തിലധികം വിദ്യാര്‍ത്ഥികളും ജീവനക്കാരുമാണ് പുതിയ അധ്യയന വര്‍ഷത്തിലേക്ക് കടക്കുന്നത്. സര്‍വകലാശാലകള്‍, സാങ്കേതിക, തൊഴിലധിഷ്ഠിത പരിശീലന സ്ഥാപനങ്ങള്‍, വിവിധ ഗവര്‍ണറേറ്റുകളിലെ തുടര്‍വിദ്യാഭ്യാസ സ്ഥാപനങ്ങള്‍ എന്നിവയില്‍ നിന്നുള്ള ഏകദേശം 1.36 ദശലക്ഷം വിദ്യാര്‍ത്ഥികളും ഇതില്‍ ഉള്‍പ്പെടുന്നു.
സ്‌കൂളുകള്‍ തുറന്നതോടെ പ്രധാന പാതകളിലെല്ലാം രാവിലെയും വൈകുന്നേരവും വലിയ വാഹനത്തിരക്കാണ് അനുഭവപ്പെടുന്നത്. കഴിഞ്ഞ ഞായറാഴ്ച 51 ദിവസത്തെ വേനല്‍ അവധിക്കാലം അവസാനിച്ചതോടെ 500,000ത്തിലധികം അധ്യാപകരും അഡ്മിനിസ്‌ട്രേറ്റീവ് സ്റ്റാഫും സൂപ്പര്‍വൈസര്‍മാരും സ്‌കൂളുകളിലേക്ക് എത്തിത്തുടങ്ങിയിരുന്നു. 28,000ത്തിലധികം വിദ്യാഭ്യാസ സ്ഥാപനങ്ങള്‍ രാജ്യത്തുടനീളം വീണ്ടും തുറന്നു.
