ഓണക്കിറ്റിൽ സംശയം വേണ്ട, ഞായറാഴ്ചയും റേഷൻകട തുറക്കും; വൈകാതെ കിറ്റ് വിതരണം പൂർത്തിയാക്കുമെന്ന് അധികൃതർ

‘ഉമ്മൻ ചാണ്ടിയുടെ പേര് ഉപയോഗിച്ച് ഒരു നേട്ടവും ഞാൻ സ്വന്തമാക്കിയിട്ടില്ല’; സൈബർ ആക്രമണത്തിന് മറുപടിയുമായി അച്ചു ഉമ്മൻ

സംസ്ഥാനത്തെ ഭൂരിഭാഗം റേഷൻ കടകളിലേക്ക് ഓണക്കിറ്റ് എത്തിയിട്ടില്ല. ഇന്നലെ മുതൽ സംസ്ഥാനത്ത് ഓണക്കിറ്റ് വിതരണം ചെയ്യുമെന്നാണ് സർക്കാർ അറിയിച്ചത്. മിൽമയിൽ നിന്ന് ലഭിക്കേണ്ട ചില ഇനങ്ങൾ വൈകുന്നതാണ് കിറ്റ് തയ്യാറാക്കാൻ വൈകുന്നത്. മിൽമയിൽ നിന്ന് പായസക്കൂട്ടാണ് ലഭിക്കേണ്ടത്. കശുവണ്ടിപ്പരിപ്പ്, നെയ്യ്, പായസക്കൂട്ട്, കിറ്റ് നൽകുന്ന സഞ്ചി എന്നിവയുടെ കുറവാണ് വിതരണത്തിൽ തടസ്സമാകുന്നത്.

റേഷൻ കടകൾ ഞായറാഴ്ചയും തുറന്ന് പ്രവർത്തിക്കും. സമയത്ത് കിറ്റ് വിതരണം പൂർത്തിയാക്കാൻ സാധിക്കുമെന്നാണ് ഭക്ഷ്യവകുപ്പ് വ്യക്തമാക്കുന്നത്. ഓണം സ്പെഷ്യൽ അരി വിതരണം തുടരുന്നുണ്ടെങ്കിലും ഓണക്കിറ്റ് വിതരണം വൈകുന്നതാണ് തിരിച്ചടിയാകുന്നത്.

കഴിഞ്ഞ ദിവസമാണ് ഭക്ഷ്യമന്ത്രി ജി ആർ അനിൽ ഓണക്കിറ്റ് വിതരണത്തിൻ്റെ ഉദ്ഘാടനം നിർവഹിച്ചത്. തുണിസഞ്ചിയടക്കം 14 ഇനങ്ങളാണ് സൗജന്യ ഓണക്കിറ്റിലുള്ളത്. 500 രൂപയോളം വിലവരുന്ന ഇനങ്ങളാണ് കിറ്റിൽ ഉള്ളത്. ഇരുപത്തിയെട്ടാം തീയതിവരെ ഓണക്കിറ്റ് വാങ്ങാവുന്നതാണ്.

എ ഐ ക്യാമറ, കെ ഫോൺ, മാസപ്പടി; മുഖ്യമന്ത്രിയോട് ഏഴ് ചോദ്യങ്ങളുമായി പ്രതിപക്ഷ നേതാവ്
സംസ്ഥാനത്തെ എ എ വൈ കാർഡ് ഉടമകൾക്കും ക്ഷേമസ്ഥാപനങ്ങളിലെ താമസക്കാർക്കുമാണ് സൗജന്യ ഓണക്കിറ്റ് ലഭ്യമാകുക. 6,07,691 കിറ്റുകളാണ് സംസ്ഥാനത്താകെ വിതരണം ചെയ്യുക. 5,87,691 എഎവൈ കാർഡ് ഉടമകളാണ് സംസ്ഥാനത്തുള്ളത്. ക്ഷേമസ്ഥാപനങ്ങളിലെ താമസക്കാര്‍ക്ക് 20,000 കിറ്റുകളാണ് നല്‍കുക. റേഷൻ കടകൾ മുഖേനയാണ് കിറ്റ് വിതരണം ചെയ്യുന്നത്.
തേയില, ചെറുപയർ പരിപ്പ്, സേമിയ പായസം മിക്സ്, നെയ്യ് , കശുവണ്ടി പരിപ്പ്, വെളിച്ചെണ്ണ, സാമ്പാർപൊടി, മുളക് പൊടി, മഞ്ഞൾപൊടി, മല്ലിപ്പൊടി, ചെറുപയർ, തുവരപ്പരിപ്പ്, പൊടി ഉപ്പ്, തുണി സഞ്ചി എന്നിവയാണ് കിറ്റിൽ ഉണ്ടാവുക.

Read Latest Kerala News and Malayalam News