​പതിവായി ഒരു ടീസ്പൂണ്‍ തേന്‍ കഴിച്ചാല്‍ ഈ ഗുണങ്ങള്‍ അനവധി​

Authored by അഞ്ജലി എം സി | Samayam Malayalam | Updated: 25 Aug 2023, 1:46 pm

തേന്‍ കഴിച്ചാല്‍ നിരവധി ആരോഗ്യ സൗന്ദര്യ ഗുണങ്ങളാണ് നമ്മള്‍ക്ക് ലഭിക്കുന്നത്. കുട്ടികള്‍ മുതല്‍ മുതിര്‍ന്നവര്‍ക്ക് വരെ കൊതിയോടെ നുകരാവുന്ന ഒരു നാച്വറല്‍ മധുരം തന്നെയാണ് തേന്‍. തേന്‍ കഴിച്ചാല്‍ എന്തെല്ലാം ഗുണങ്ങളാണ് ലഭിക്കുക എന്ന് നോക്കാം.

• 

  ​ആന്റിഓക്‌സിഡന്റ്​

  ധാരാളം ആന്റിഓക്‌സിഡന്റ് അടങ്ങിയിരിക്കുന്നതേന്‍ നമ്മളുടെ രോഗപ്രതിരോധശേഷി വര്‍ദ്ധിപ്പിക്കാനും അതുപോലെ, ചര്‍മ്മത്തിന്റെ ആരോഗ്യം നിലനിര്‍ത്താനും നല്ലതാണ്.

• 

  ​മുറിവ്​

  ശരീരത്തില്‍ ഉണ്ടാകുന്ന മുറിവ് വേഗത്തില്‍ ശമിപ്പിക്കാന്‍ പണ്ട് കാലം മുതല്‍ തേന്‍ ഉപയോഗിച്ച് വരുന്നുണ്ട്. പ്രത്യേകിച്ച് പൊള്ളല്‍ ഏറ്റിട്ടുള്ള മുറിവുകള്‍ ശമിപ്പിക്കാന്‍ തേന്‍ നല്ലതാണ്. തേനില്‍ ആന്റിബാക്ടീരിയല്‍ പ്രോപര്‍ട്ടീസ് അടങ്ങിയിരിക്കുന്നു. ഇത് അണുബാധ ഒഴിവാക്കാനും വേഗത്തില്‍ തന്നെ മുറിവ് ഉണക്കാനും സഹായിക്കുന്നു.

• 

  ​കഫക്കെട്ട്​

  കഫക്കെട്ടും ചുമയും വരുമ്പോള്‍ അത് മാറ്റി എടുക്കാന്‍ തേന്‍ കൊടുക്കാറുണ്ട്. ചിലര്‍ തൊണ്ടിയിലെ കരകരപ്പും വേദനയും ചുറയ്ക്കാന്‍ ചെറു ചൂടുവെള്ളത്തില്‍ തേന്‍ കലക്കി കുടിക്കുന്നതും പതിവാണ്.

• 

  ​ദഹന പ്രശ്‌നം​

  നമ്മളുടെ ആമാശയത്തിന്റെ ആരോഗ്യം നിലനിര്‍ത്താന്‍ തേന്‍ കഴിക്കുന്നത് നല്ലതാണ്. ഇത് നമ്മളുടെ വയറ്റിലെ നല്ല ബാക്ടീരിയയെ വളര്‍ത്തുകയും അത് ദഹനത്തിന് സഹായിക്കുകയും ചെയ്യുന്നു.

• 

  ​അലര്‍ജി​

  അമിതമായി തുമ്മല്‍, അതുപോലെ, മറ്റ് അലര്‍ജി പ്രശ്‌നങ്ങള്‍ ഉള്ളവര്‍ എന്നും നല്ല തേന്‍ വെറും വയറ്റില്‍ കഴിക്കുന്നത് നല്ലതാണ്. ഇതില്‍ കുറച്ച് മഞ്ഞളും ചേര്‍ത്ത് കഴിച്ചാല്‍ സാവധാനത്തില്‍ നിങ്ങള്‍ക്ക് അലര്‍ജി കുറയ്ക്കാന്‍ സാധിക്കുന്നതാണ്.

• 

  ​പ്രമേഹം​

  പ്രമേഹം നിയന്ത്രിക്കാന്‍ തേന്‍ കഴിക്കുന്നത് നല്ലതാണ്. കാരണം, ഇതില്‍ ഗ്ലൈസമിക് ഇന്‍ഡക്‌സ് കുറവാണ്. എന്നാല്‍, അമിതമായി കഴിക്കുന്നത് പ്രമേഹത്തിന് നല്ലതല്ല. നാച്വറല്‍ മധുരമാണെങ്കിലും മധുരം മധുരം തന്നെയാണ്.

• 

  ​ഹൃദയത്തിന്റെ ആരോഗ്യം​

  കൊളസ്‌ട്രോള്‍ ലെവല്‍ കുറയ്ക്കാന്‍ സഹായിക്കുന്നതിനാല്‍ തന്നെ ഇത് ഹൃദയത്തിന്റെ ആരോഗ്യം നിലനിര്‍ത്താന്‍ സഹായിക്കുന്നു.