നല്ല നാച്വറല്‍ ബ്യൂട്ടി ലഭിക്കാന്‍ ഇക്കാര്യങ്ങള്‍ ചെയ്യൂ
ചര്‍മ്മം
വളരെ ശ്രദ്ധിച്ചും കൃത്യമായ പരിചരണം നല്‍കിയും പരിപാലിക്കേണ്ട ഒരു അവയവമാണ് ചര്‍മ്മം. നമ്മള്‍ നല്‍കുന്ന ഓരോ തെറ്റായ പരിചരണവും സത്യത്തില്‍ ചര്‍മ്മത്തിന്റെ ആരോഗ്യത്തെ കാര്യമായി ബാധിക്കുന്നുണ്ട്. നമ്മള്‍ ചര്‍മ്മ സംരക്ഷണം ആരംഭിക്കുന്നതിന് മുന്‍പ് ഏറ്റവും ആദ്യം അറിയേണ്ടത് നമ്മളുടെ ചര്‍മ്മം ഏത് ടൈപ്പ് ആണ് ന്നതാണ്. വരണ്ട ചര്‍മ്മം ആണെങ്കില്‍ അതിനനനുസരിച്ചുള്ള സൗന്ദര്യ സംരക്ഷണം ആരംഭിക്കണം. അതുപോലെ, ഓയ്‌ലി സ്‌കിന്‍ ആണെങ്കില്‍ അതിനനുസരിച്ച് പരിചരിക്കണം.
എന്നാല്‍, സകിന്‍ ടൈപ്് നോക്കാതെ ബ്യൂട്ടി പോഡക്ട്‌സ് വാങ്ങി ഉപയോഗിക്കുന്നതും അതുപോലെ, ഫേയസ്പാക്കുകള്‍ ഉപയോഗിക്കുന്നതും ചര്‍മ്മ പ്രശ്‌നങ്ങള്‍ വര്‍ദ്ധിക്കുന്നതിന് കാരണമാവുകയാണ് ചെയ്യുക. ഉദാഹരണത്തിന് വരണ്ട ചര്‍മ്മം ഉള്ളവര്‍ തങ്ങളുടെ ചര്‍മ്മത്തിന് ചേരുന്ന സാധനങ്ങള്‍ ഉപയോഗിച്ചില്ലെങ്കില്‍ അത് മുഖക്കുരു വര്‍ദ്ധിക്കാനും, ചര്‍മ്മം വരണ്ട് പോകുന്നതിനും, ചര്‍മ്മത്തില്‍ ചുളിവുകള്‍ വീണ് വേഗത്തില്‍ തന്നെ പ്രായം തോന്നിപ്പിക്കുന്നതിനും കാരണമാകുന്നുണ്ട്. അതുപോലെ, ഓയ്‌ലി സ്‌കിന്‍ ഉള്ളവര്‍, ചര്‍മ്മം ഒന്നും കൂടെ ഓയ്‌ലി ആക്കുന്ന സാധനങ്ങള്‍ ഉപയോഗിച്ചാല്‍ അത് മുഖക്കുരു കൂടാനും ബ്ലാക്ക് ആന്റ് വൈറ്റ് ഹെഡ്‌സ് വര്‍ദ്ധിക്കാനും കാരണമാണ്.
നാച്വറല്‍ പ്രോഡക്ട്‌സ്
ചിലര്‍ക്ക് ഒരു വിചാരം ഉണ്ട്, നാച്വറല്‍ പ്രോഡക്ട്‌സ് ഉപയോഗിച്ചാല്‍ ചര്‍മ്മത്തിന് യാതൊരു പ്രശ്‌നവും വരില്ല എന്ന്. എന്നാല്‍, ഇത് വെറും തെറ്റിധാരണ മാത്രമാണ്. നാച്വറല്‍ പ്രോഡക്ട്‌സ് ആയാല്‍ പോലും അതില്‍ നമ്മള്‍ ശ്രദ്ധിക്കേണ്ട ചില കാര്യങ്ങളുണ്ട്. പ്രത്യേകിച്ച് നാരങ്ങ, അതുപോലെ, അസിഡിക് ആയിട്ടുള്ള ഉല്‍പന്നങ്ങള്‍ മുഖത്ത് ഉപയോഗിക്കുന്നത് ചര്‍മ്മത്തിലെ പിഎച്ച് ലെവല്‍ വ്യതിയാനപ്പെടുത്തുന്നതിനും ഇത് ചര്‍മ്മം നല്ലപോലെ വരണ്ട് പോകുന്നതിനുമെല്ലാം ഇവ കാരണമാകുന്നുണ്ട്. അതിനാല്‍, ചര്‍മ്മ സംരക്ഷണത്തിന് തിരഞ്ഞെടുക്കുന്ന സാധനങ്ങള്‍, അത് നാച്വറല്‍ ആയാല്‍ പോലും അത് ചര്‍മ്മത്തിന് ചേരുന്നതാണോ എന്ന് പരിശോധിക്കണം.
ബേസിക് സ്‌കിന്‍ കെയര്‍
ഒരാള്‍ സ്ഥിരമായി നടത്തേണ്ട ബേസിക് സ്‌കിന്‍ കെയര്‍ ഉണ്ട്. അതാണ്, ഒരു ദിവസം രണ്ട് നേരമെങ്കിലും മുഖം ഫേയ്‌സ് വാഷ് ഉപയോഗിച്ച് മുഖം ക്ലീന്‍ ചെയ്യുന്നത്. ഇത് ചര്‍മ്മത്തില്‍ നിന്നും അഴുക്കും അമിതമായിട്ടുള്ള എണ്ണമയവും നീക്കം ചെയ്യാന്‍ സഹായിക്കുന്നതാണ്. അതുപോലെ, മോയ്‌സ്ച്വറൈസ ചെയ്യണം. ഇവ കൂടാതെ, സണ്‍സ്‌ക്രീന്‍ പുരട്ടാന്‍ ഒരിക്കലും മറക്കരുത്. കാരണം, സണ്‍സക്രീന്‍ പുരട്ടിയില്ലെങ്കില്‍ അത് ചര്‍മ്മത്തില്‍ കരുവാളിപ്പ് വീഴ്ത്തുന്നതിന് കാരണമാണ്. ഇത് ചര്‍മ്മത്തില്‍ ചുളിവുകള്‍ വീഴ്ത്തുകയും വരണ്ടതാക്കുകയും ചെയ്യും. അതിനാല്‍, സണ്‍സ്‌ക്രീന്‍ പുരട്ടാന്‍ മറക്കരുത്. ഇത്രയും കാര്യങ്ങള്‍ ശ്രദ്ധിച്ചാല്‍ തന്നെ നിങ്ങള്‍ക്ക്, മുഖക്കുരു, കരുവാളിപ്പ് എന്നീ പ്രശ്‌നങ്ങള്‍ മാറ്റി എടുക്കാന്‍ സാധിക്കുന്നതാണ്.
തെറ്റായ ചര്‍മ്മ സംരക്ഷണം വരുത്തുന്ന പ്രശ്‌നങ്ങള്‍
നിങ്ങള്‍ ശരിയായ വിധത്തില്‍ ചര്‍മ്മ സംരക്ഷണം നടത്തിയില്ലെങ്കില്‍ അത് ചര്‍മ്മത്തിന്റെ ആരോഗ്യം നശിപ്പിക്കുന്നു. ചര്‍മ്മത്തില്‍ വേഗത്തില്‍ ചുളിവുകള്‍ വീഴാന്‍ ഇത് കാരണമാണ്. ഇത് അമിതമായി പ്രായം തോന്നിപ്പിക്കുന്നതിന് കാരണമാണ്. അതുപോലെ തന്നെ ചര്‍മ്മ പ്രശ്‌നങ്ങള്‍ വര്‍ദ്ധിക്കാന്‍ ഇത് ഒരു കാരണമാകുന്നുണ്ട്. പ്രത്യേകിച്ച് മുഖക്കുരു പോലെയുള്ള പ്രശ്‌നങ്ങള്‍ വര്‍ദ്ധിക്കാം.
ആഹാര കാര്യത്തിലെ ശ്രദ്ധ
നമമ്ള്‍ കഴിക്കുന്ന ആഹാരവും സത്യത്തില്‍ സൗന്ദര്യ സംരക്ഷണത്തിന്റെ ഭാഗം തന്നെയാണ്. നല്ല ഹെല്‍ത്തി ഫുഡ് കഴിച്ചാല്‍ നല്ല ഹെല്‍ത്തിയായിട്ടുള്ള ചര്‍മ്മം നിങ്ങള്‍ക് ലഭിക്കുന്നതാണ്. പ്രത്യേകിച്ച് നല്ലപോലെ പഴം പച്ചക്കറികള്‍ കഴിക്കുന്നത് നല്ലതാണ്. ഇവ ചര്‍മ്മത്തിന് നല്ല തിളക്കം നല്‍കാനിും ഹെല്‍ത്തിയാക്കി നിലനിര്‍തതാനും സഹായിക്കും. ഓയ്‌ലി ഫുഡ് കഴിക്കുന്നത് കുറയ്ക്കാവുന്നതാണ്. അതുപോലെ, നട്‌സ്, പ്രോട്ടീന്‍ റിച്ച് ഫുഡ്‌സ് കഴിക്കുന്നതെല്ലാം ചര്‍മ്മത്തിന്റെ ആരോഗ്യത്തിന് നല്ലത് തന്നെ.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
