കരുവാളിപ്പ് മാറ്റിയെടുക്കാം ഈ വീട്ടു വൈദ്യത്തിലൂടെ
വെള്ളം
ദിവസവും മൂന്ന് ലിറ്റര്‍ വെള്ളം കുടിക്കണം എന്നാണ് പറയുന്നത്.നമ്മളുടെ ശരീരത്തിലെ അവയവങ്ങള്‍ ക്ലീനാക്കി എടുക്കുന്നതിനും അതുപോലെ, അവയവങ്ങള്‍ കൃത്യമായി പ്രവര്‍ത്തിക്കുന്നതിനുമെല്ലാം വെള്ളം തന്നെ വേണം. എന്തിന് നല്ലപോലെ രക്തം വെക്കണമെങ്കില്‍ പോലും വെള്ളം കുടിക്കണം. രക്തത്തിലെ 90 ശതമാനവും വെള്ളം തന്നെയാണ്.
നമ്മളുടെ ആരോഗ്യത്തിന് മാത്രമല്ല, സൗന്ദര്യത്തിനും വെള്ളം നല്ലതാണ്. പ്രത്യേകിച്ച് ചര്‍മ്മത്തിന്റെ ഇലാസ്തികത നിലനിര്‍ത്താനും ചര്‍മ്മത്തില്‍ ചുളിവുകള്‍ വീഴാതെ നല്ലപോലെ യുവത്വം നിലനിര്‍തതാനും വെള്ളം കുടിക്കുന്നത് സഹായിക്കുന്നുണ്ട്. ചര്‍മ്മം വരണ്ട് പോകാതെ മോയ്‌സ്ച്വര്‍ ചെയ്ത് നിലനിര്‍ത്തുന്നതിനും നല്ലതാണ്. ചര്‍മ്മം ക്ലീനാക്കാനും ചര്‍മ്മത്തില്‍ നിന്നും അഴുക്ക് നീക്കം ചെയ്യാനും മുഖക്കുരു പ്രശ്‌നങ്ങള്‍ ഇല്ലാതാക്കാനും നല്ല ക്ലിയര്‍ സ്‌കിന്‍ ലഭിക്കാനുമെല്ലാം വെള്ളം സഹായിക്കുന്നുണ്ട്.
അഥായത്, നമ്മളുടെ ചര്‍മ്മത്തിന്റെ ഒട്ടുമിക്ക പ്രശ്‌നങ്ങളും പരിഹരിക്കാന്‍ സാധാ വെള്ളത്തിന് കഴിവുണ്ട്. ദിവസേന നല്ലപോലെ വെള്ളം കുടിച്ചാല്‍ തന്നെ പാതി സൗന്ദര്യ പ്രശ്‌നങ്ങള്‍ നമ്മള്‍ക്ക് മാറ്റി എടുക്കാന്‍ സാധിക്കുന്നതാണ്. വെള്ളം കുടിച്ച് മാത്രമല്ല, അല്ലാതേയും ഉപയോഗിക്കാന്‍ സാധിക്കും. അവ എന്തെല്ലാം എന്ന് നോക്കാം.
ആവി പിടിക്കുക
നമ്മള്‍ നല്ല കഫക്കെട്ട് വരുമ്പോള്‍, അല്ലെങ്കില്‍ നല്ല പനി വരുമ്പോള്‍ ആവി പിടിക്കുന്നത് കാണാം. അപ്പോള്‍ മാത്രമല്ല, ചര്‍മ്മത്തിന്റെ ആരോഗ്യത്തിനും ആവി പിടിക്കുന്നത് നല്ലതാണ്. എന്നാല്‍, അമിതമായി ആവി പിടിക്കാതെനോക്കണം എന്ന് മാത്രം. പണ്ട് കാലം മതല്‍ സൗന്ദര്യ സംരക്ഷണത്തിന്റെ ഭാഗമായി ഉപയോഗിച്ച് വരുന്ന ഒരു മാര്‍ഗ്ഗം കൂടിയാണ് ഇത്. ഇത് ചര്‍മ്മപാളികളിലേയ്ക്ക് ഇറങ്ങി ചെന്ന് ചര്‍മ്മത്തെ നല്ലപോലെ ക്ലെന്‍സ് ചെയ്ത് എടുക്കുകയും, അടഞ്ഞു കിടക്കുന്ന ചര്‍മ്മ കോശങ്ങള്‍ തുറക്കുന്നതിന് സഹായിക്കുകയും ചെയ്യുന്നു.
ചര്‍മ്മകോശങ്ങള്‍ അടഞ്ഞ് പോകുന്നത് വഴിയാണ് പലപ്പോഴും മുഖത്ത് കുരുക്കള്‍ പ്രത്യക്ഷപ്പെടുന്നത്. എന്നാല്‍, ആവി പിടിക്കുമ്പോള്‍ ചര്‍മ്മകോശങ്ങള്‍ തുറക്കുകയും ഇത് മുഖക്കുരു തടയാനും സെബം അമിതമായി ഉല്‍പാദിപ്പക്കാതിരിക്കാനും സഹായിക്കുന്നുണ്ട്. മൃതകോശങ്ങള്‍ അടിഞ്ഞ് കൂടുന്നത് തടയാനും ഇത് നല്ലതാണ്. ഇത് കൂടാതെ, ബ്ലാക്ക് ഹെഡ്‌സ്, വൈറ്റ് ഹെഡ്‌സ് എന്നീ പ്രശ്‌നങ്ങള്‍ ഇല്ലാതാക്കാനും ഇത് നല്ലതാണ്.
ഇത് കൂടാതെ, നമ്മള്‍ മുഖം ഒന്ന് ആവി പിടിച്ചതിന് ശേഷം ഏതെങ്കിലും ഫേയ്‌സ്പാകക് ഉപയോഗിച്ചാല്‍ അതിന്റെ ഗുണം നല്ലരീതിയില്‍ ചര്‍മ്മത്തിലേയ്ക്ക് ആഗിരണം ചെയ്ത് കൊണ്ടുവരാന്‍ സാധിക്കുന്നതാണ്. അതുപോലെ, ചര്‍മ്മത്തെ ഹൈഡ്രേറ്റഅ ചെയ്ത് നിലനിര്‍തതാനും സ്‌ട്രെസ്സ് കുറയ്ക്കാനും ഇത് സഹായിക്കുന്നുണ്ട്.
ശ്രദ്ധിക്കേണ്ട കാര്യങ്ങള്‍
ആവി പിടിക്കുമ്പോള്‍ നിരവധി ഗുണങ്ങള്‍ ഉണ്ട് എന്നത് പോലെ തന്നെ ശ്രദ്ധിക്കേണ്ട കുറച്ച് കാര്യങ്ങള്‍ കൂടിയുണ്ട്. ആവി പിടിക്കുകയാണെങ്കില്‍ 5 മുതല്‍ 10 മിനിറ്റ് വരെ മാക്‌സിമം ആവി പിടിച്ചാല്‍ മതി. അമിതമായി ആവി പിടിക്കുന്നത് ശ്വാസകോശത്തിന്റെ ആരോഗ്യത്തിന് നല്ലതല്ല. അതുപോലെ തന്നെ, ആഴ്ച്ചയില്‍ ഒന്നോ രണ്ടോ തവണ ആവി പിടിച്ചാല്‍ മതിയാകും. ആവി പിടിക്കുമ്പോള്‍ അമിതമായി ചൂട് ഇല്ല എന്ന് ഉറപ്പ് വരുത്തേണ്ടതും അനിവാര്യമാണ്. അല്ലെങ്കില്‍ അത് ചര്‍മ്മത്തില്‍ പൊള്ളലുകള്‍ ഉണ്ടാക്കാം. വളരെ നേര്‍ത്തും സെന്‍സിറ്റീവ് ആയിട്ടുള്ള ചര്‍മ്മമാണ് നിങ്ങള്‍ക്ക് ഉള്ളതെങ്കില്‍ ആവി പിടിക്കുമ്പോള്‍ കുറച്ചധികം ശ്രദ്ധ അനിവാര്യമാണ്.
തണുത്ത വെള്ളത്തില്‍ മുഖം കഴുകാം
രാവിലെ എഴുന്നേറ്റ ഉടനെ കുറച്ച് തണുത്ത വെള്ളത്തില്‍ നന്നായി മുഖം കഴുകി നോക്കൂ. നിങ്ങളുടെ ചര്‍മ്മം നല്ലപോലെ ക്ലിയറാകുന്നതിനും അതുപോലെ തന്നെ ചര്‍മ്മത്തിന് നല്ല തിളക്കം ലഭിക്കുന്നതിനും ഇത് വളരെയധികം സഹായിക്കുന്നുണ്ട്. തണുത്ത വെള്ളതതില്‍ രാവിലെ പല്ല് തേയ്ക്കുന്നതിന് മുന്‍പ് എഴുന്നേറ്റ ഉടനെ ഒന്ന് മുഖം കഴുകണം. ഇത് മുഖത്തെ ചര്‍മ്മം ടൈറ്റഅ ആകുന്നതിനും മുഖത്തെ ചീര്‍മ്മതയും നീക്കം ചെയ്യാനും സഹായിക്കുന്നുണ്ട്.
മുഖത്തേയ്ക്കുള്ള രക്തോട്ടം വര്‍ദ്ധിപ്പിക്കുകയും ഇത് ചര്‍മ്മത്തിന് നല്ല തിളക്കം നല്‍കാന്‍ സഹായിക്കുകയും ചെയ്യുന്നു. മുഖത്തെ ചുളിവുകളും മുഖക്കുരുവും ഇല്ലാതാക്കാനും ഇത് നല്ലതാണ്. അതുപോലെ തന്നെ ചര്‍മ്മത്തിലെ അമിതമായിട്ടുള്ള എണ്ണമയം നീക്കം ചെയ്യാനും ഇത് സഹായിക്കുന്നുണ്ട്. രാവിലെ തണുത്ത വെള്ളത്തില്‍ മുഖം കഴുകുന്നതിന് പകരം, തണുത്ത വെള്ളത്തില്‍ മുഖം മുക്കി വെച്ച് കഴുകുന്നതും സത്യത്തില്‍ നല്ലതാണ്.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
