ഒട്ടുമിക്ക കല്ല്യാണ സാമ്പാറിലും തക്കാളി, വെണ്ടക്ക, മുരിങ്ങക്ക, സവാള എന്നിവയാണ് പ്രധാന കഷ്ണങ്ങളായി കാണാറുള്ളത്. ഈ സാമ്പാറില്‍ വെണ്ടക്ക ചേര്‍ക്കാന്‍ പലരും മടിക്കും. കാരണം, ചിലപ്പോള്‍ സാമ്പാറിന് കൊഴുപ്പ് കൂടും, അല്ലെങ്കില്‍ വെന്ത് ഉടഞ്ഞ് കിടക്കുന്നതിനാല്‍ പലര്‍ക്കും ഇത് താല്‍പര്യം കാണാറില്ല. എന്നാല്‍ സാമ്പറില്‍ വെണ്ടക്ക ചേര്‍ത്താല്‍ നിരവധി ഗുണങ്ങളുണ്ട്. അവ എന്തെല്ലാമെന്ന് നോക്കാം.
ദഹന പ്രശ്‌നങ്ങള്‍ ഇല്ലാതാക്കുന്നു
സാമ്പാര്‍ പൊതുവേ ഉരുളക്കിഴങ്ങ്, പരിപ്പ് എന്നിവയെല്ലാം ചേര്‍ത്താണ് തയ്യാറാക്കി എടുക്കുക. ഇത്തരം വിഭവങ്ങള്‍ സത്യത്തില്‍ ദഹന പ്രശ്‌നങ്ങള്‍ പലര്‍ക്കും ഉണ്ടാക്കാറുണ്ട്. പ്രത്യേകിച്ച് ഗ്യാസ് കയറുന്ന പ്രശ്‌നം പലരിലും നമ്മള്‍ കണ്ട് വരുന്നുണ്ട്. വയര്‍ ചീര്‍ത്ത് വരിക, അമിതമായി അസിഡിറ്റി, നെഞ്ചെരിച്ചില്‍ എന്നിങ്ങനെ പലതരത്തിലുള്ള ആരോഗ്യ ബുദ്ധിമുട്ടുകള്‍ പലരും പ്രകടിപ്പിക്കുന്നു. ഇത്തരം പ്രശ്‌നങ്ങള്‍ ഇല്ലാതാക്കാനും ദഹനം കൃത്യമായി നടക്കുന്നതിനും വെണ്ട്ക്ക സഹായിക്കുന്നുണ്ട്.
എന്നാല്‍, പലരും സാമ്പറില്‍ കിടന്ന് വെന്ത വെണ്ടക്കയെ മാറ്റി നിര്‍ത്തുന്ന പതിവാണ് കണ്ട് വരുന്നത്. ഇത് മാറ്റണം. ചോറിന്റെ കൂടെ വെണ്ടക്കയും ചേര്‍ത്ത് കഴിച്ചാല്‍ നിങ്ങള്‍ക്ക് ദഹന പ്രശ്‌നങ്ങള്‍ ഒഴിവാക്കാന്‍ സാധിക്കുന്നതാണ്.
ഉറക്ക കൂടുതലിന് കാരണം
ഉറക്കം കൂടുതലാണെങ്കിലും പ്രശ്നമാണ്, ഇത് കുറയ്ക്കാൻ എന്തൊക്കെ ചെയ്യാം
കൊളസ്‌ട്രോള്‍
കൊളസ്‌ട്രോള്‍ കുറയ്ക്കാന്‍ ഏറ്റവും നല്ല മാര്‍ഗ്ഗമാണ് വെണ്ടയ്ക്ക. വെണ്ടക്കയില്‍ ധാരാളം നാരുകള്‍ അടങ്ങിയിരിക്കുന്നു. അതിനാല്‍ തന്നെ ഇത് ശരീരത്തിലേയക്ക് അമിതമായി കൊഴുപ്പ് എത്തുന്നത് തടയുന്നു. അതിനാല്‍ തന്നെ ഇത് ശരീരഭാരം കുറയ്ക്കാന്‍ ശ്രമിക്കുന്നവര്‍ക്കും സാമ്പാറിലെ വെണ്ടക്ക കഴിക്കാവുന്നതാണ്. ഇത് മാത്രമല്ല, അമിതമായി കഴിക്കാനുള്ള പ്രവണത കുറയ്ക്കാനും വെണ്ടയ്ക്ക സഹായിക്കുന്നുണ്ട്. അതിനാല്‍, സാമ്പാറില്‍ വെണ്ടക്ക ഇടാന്‍ മറക്കരുത്. അതുപോലെ തന്നെ കറിയില്‍ നിന്നും വെണ്ടയ്ക്ക എടുത്ത് കഴിക്കാനും മറക്കരുത്.
പോഷകങ്ങള്‍
നിരവധി പോഷകങ്ങളാല്‍ സമ്പന്നമായ വെണ്ടക്ക സത്യത്തില്‍ ആരോഗ്യ ഗുണത്തിന് മാത്രമല്ല, മുടിയുടെ ആരോഗ്യത്തിനും ഇത് നല്ലതാണ്. അതുപോലെ തന്നെ വെണ്ടക്കയില്‍ പോഷകങ്ങള്‍ ധാരാളം അടങ്ങിയിട്ടുണ്ട്. അതില്‍ തന്നെ വിറ്റമിന്‍ എ അടങ്ങിയിരിക്കുന്നതിനാല്‍ ഇത് കണ്ണുകളുടെ ആരോഗ്യത്തിന് നല്ലതാണ്. കാഴ്ച ശക്തി മെച്ചപ്പെടുത്താന്‍ വിറ്റമിന്‍ എ നല്ലതാണ്.
അതുപോലെ രക്തം കട്ടപിടിക്കാതിരിക്കാന്‍ സഹായിക്കുന്ന വിറ്റമിന്‍ കെ അടങ്ങിയിരിക്കുന്നതിനാല്‍ തന്നെ സ്‌ട്രോക്ക് പോലെയുള്ള അസുഖങ്ങള്‍ വരാനുള്ള സാധ്യതയും ഇത് കുറയ്ക്കുന്നുണ്ട്. അതുപോലെ കാല്‍സ്യം അടങ്ങിയിരിക്കുന്നതിനാല്‍ അത് എല്ലുകളുടേയും പല്ലുകളുടേയും ആരോഗ്യത്തിന് നല്ലതാണ്. ഇത് മാത്രമല്ല, മഗ്നീഷ്യവും ഇതില്‍ അടങ്ങിയിരിക്കുന്നു. ഇത് നാഡീവ്യവസ്ഥയുടെ ആരോഗ്യത്തിന് നല്ലതാണ്. ഇത് മാനസികാരോഗ്യം മെച്ചപപെടുത്താനും സഹായിക്കുന്നു.
മറ്റ് ഗുണങ്ങള്‍
വെണ്ടക്ക ശരീരത്തില്‍ ഉണ്ടാകുന്ന വീക്കം കുറയ്ക്കുന്നതിന് സഹായിക്കുന്നുണ്ട്. പ്രത്യേകിച്ച് ഇതില്‍ ആന്റിഓക്‌സിഡന്റ്‌സ് അടങ്ങിയിരിക്കുന്നതിനാല്‍ ഇത് കോശങ്ങള്‍ക്കുണ്ടാകുന്ന വീക്കം കുറയ്ക്കാന്‍ സഹായിക്കുന്നുണ്ട്. അതുപോലെ തന്നെ ശരീരത്തില്‍ നിന്നും ഫ്രീറാഡിക്കലുകളെ തുരത്താനും ശരീരത്തിന് സംഭവിക്കുന്ന വീക്കം കുറയ്ക്കാനും ഇത് സഹായിക്കുന്നു. ഇത് കൂടാതെ, വെണ്ടക്ക കാന്‍സര്‍ കോശങ്ങളെ നശിപ്പിക്കാനും കാന്‍സര്‍ വരാതെ തടയാനും ശേഷിയുണ്ടെനന് പറയപ്പെടുന്നു. അതിനാല്‍ സാമ്പാറില്‍ നിന്നും വെണ്ടക്ക നീക്കം ചെയ്യാതെ നന്നായി അസ്വദിച്ച് കഴിക്കാവുന്നതാണ്.
വെണ്ടക്കയുടെ കൊഴുപ്പ് നീക്കാന്‍
പലര്‍ക്കും സാമ്പാറില്‍ വെണ്ടക്ക ഇടാന്‍ ഇഷ്ടമില്ലാത്തതിന് പിന്നിലെ പ്രധാന കാരണം, ഇതിന് അമിതമായി കൊഴുപ്പാണ്, അല്ലെങ്കില്‍ കൊഴുപ്പ് കാരണം, സാനപാര്‍ കഴിക്കാന്‍ തോന്നാറില്ല എന്നതകാണ്. എന്നാല്‍, അധികം കൊഴുപ്പും അതിന്റെ വഴുവഴുപ്പും ഇല്ലാതെ തന്നെ സാമ്പാറില്‍ നിങ്ങള്‍ക്ക് വെണ്ടക്ക ഉപയോഗിക്കാവുന്നതാണ്. അഥായത്, എല്ലാ കഷ്ണങ്ങളും ഒരുമിച്ച് ഇട്ട് വേവിക്കാതിരിക്കാം. ഇത്തരത്തില്‍ വേവിച്ചാല്‍ പല കഷ്ണങ്ങള്‍ക്കും വേവ് വ്യത്യസ്ഥമായിരിക്കും ഇത് വെണ്ടക്ക വെന്ത് ഉടയുന്നതിന് കാരണമാണ്.അ തിനാല്‍ വെണ്ടക്ക എല്ലായ്‌പ്പോഴും അവസാനം ചേര്‍ക്കാന്‍ ശ്രദ്ധിക്കുക. ഇത് വെന്ത് ഇടയാതിരിക്കാനും കുഴഞ്ഞ് പോകാതിരിക്കാനും സഹായിക്കും. അതുപോലെ, വെണ്ടക്ക ഒന്ന് എണ്ണയില്‍ വറുത്ത് ഇടുന്നതും കൊഴുപ്പ് കുറച്ച് കിട്ടാന്‍ സഹായിക്കുന്നതാണ്.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
