പാല്‍
പലരും പപ്പായയും പാലും ചേര്‍ത്ത് മിക്‌സ് ചെയ്ത് ഷേയ്ക്ക് ഉണ്ടാക്കി കുടിക്കുന്നത് കാണാം. നല്ല രുചിയോടെ ആസ്വദിച്ച് കുടിക്കുന്ന ഈ ഷേയ്ക്ക് സത്യത്തില്‍ പലതരത്തിലുള്ള ആരോഗ്യ പ്രശ്‌നങ്ങള്‍ക്കും കാരണമാകാം. പ്രത്യേകിച്ച് നിങ്ങള്‍ക്ക് ദഹന പ്രശ്‌നങ്ങള്‍ ഉണ്ടാകുന്നതിന് ഇത് ഒരു പ്രധാന കാരണമാണ്. കാരണം, പപ്പായയയില്‍ പപെയ്ന്‍ അടങ്ങിയിരിക്കുന്നു. ഇത് പാലില്‍ അടങ്ങിയിരിക്കുന്ന പ്രോട്ടീന്‍ വിഘടിപ്പിക്കുകയും അത് കട്ടപിടിക്കുന്നതിന് കാരണമാവുകയും ചെയ്യുന്നു. ഇത് പാല്‍ മാത്രമല്ല, പാല്‍ ഉല്‍പന്നങ്ങളായാലും ഇത്തരത്തില്‍ പപ്പായയുടെ കൂടെ കഴിക്കുമ്പോള്‍, പ്രത്യേകിച്ച് തൈര് പപ്പായയയില്‍ ചേര്‍ത്ത് കറി ഉണ്ടാക്കി കഴിക്കുന്നതും കാണാം. ഇത്തരത്തില്‍ പാല്‍, അല്ലെങ്കില്‍ പാല്‍ ഉല്‍പന്നങ്ങള്‍ പപ്പായയുടെ കൂടെ ചേര്‍ക്കുമ്പോള്‍ അതിലെ പ്രോട്ടീന്‍ വിഘടിക്കുന്നു. ഇത് ദഹന പ്രശ്‌നങ്ങള്‍ക്ക് കാരണമാണ്. അതിനാല്‍, പപ്പായയുടെ കൂടെ പാല്‍ അല്ലെങ്കില്‍ പാല്‍ ഉല്‍പന്നങ്ങള്‍ കഴിക്കുന്നത് പരമാവധി ഒഴിവാക്കുക.
തൈര് കഴിച്ചാലുള്ള ഗുണം
തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്
അസിഡിക് പഴങ്ങള്‍
ഇന്ന് നമ്മള്‍ക്ക് ലഭിക്കുന്ന ഒട്ടുമിക്ക ഫ്രൂട്‌സ് സാലഡിലും പപ്പായ കാണാം. പപ്പായ മാത്രമല്ല, അതില്‍ കൈതചക്കയും അതുപോലെ, പഴം, ഓറഞ്ച് എന്നിവയും ചേര്‍ക്കുന്നത് കാണാം. എന്നാല്‍, ഇത്തരത്തില്‍ അസിഡിക് സ്വഭാവമുള്ള പഴങ്ങള്‍ പപ്പായയുടെ കൂടെ കഴിക്കരുത് എന്നാണ് പറയുന്നത്. പപ്പായയുടെ കൂടെ അസിഡ്ക് സ്വഭാവമുള്ള പഴങ്ങള്‍ ചേര്‍ത്ത് കഴിക്കുമ്പോള്‍ പപ്പായയിലെ എന്‍സൈം മറ്റുപ്പഴങ്ങളിലെ ആസിഡുമായി ചേര്‍ന്ന് പ്രവര്‍ത്തിച്ച് അത് വയറ്റില്‍ അസ്വസ്ഥതകള്‍ വര്‍ദ്ധിപ്പിക്കുന്നു. അതിനാല്‍, അസിഡിക് സ്വഭാവമുള്ള പഴങ്ങളും പപ്പായയും ചേര്‍ത്ത് കഴിക്കാതിരിക്കാന്‍ ശ്രദ്ധിക്കാം.
മഞ്ഞള്‍
നിരവധി ആരോഗ്യ ഗുണങ്ങളും സൗന്ദര്യ ഗുണങ്ങളും മഞ്ഞളില്‍ അടങ്ങിയിരിക്കുന്നുണ്ട്. എന്നാല്‍, ഇതേ മഞ്ഞള്‍ നിങ്ങള്‍ പപ്പായയുടെ കൂടെ ചേര്‍ത്ത് കഴിച്ചാല്‍ മഞ്ഞളിന്റെ യാതൊരു ഗുണവും നമ്മള്‍ക്ക് ലഭിക്കുന്നതല്ല. കാരണം, പപ്പായയിലെ പാപ്പൈന്‍ എന്ന എന്‍സൈം മഞ്ഞളിലെ കരോട്ടിനോയ്ഡുകളെ വിഘടിപ്പിക്കുന്നു. ഇത് മഞ്ഞളിന്റെ ഗുണങ്ങള്‍ നഷ്ടപ്പെടുത്തുന്നതിന് കാരണമാകുന്നുണ്ട്. അതിനാല്‍, മഞ്ഞള്‍ ഒരിക്കലും പപ്പായയുടെ കൂടെ കഴിക്കാന്‍ പാടുളളതല്ല. മഞ്ഞളിന്റേയും അതുപോലെ പപ്പായയുടേയും ഗുണങ്ങള്‍ ലഭിക്കുന്നതിന് ഇവ രണ്ടും വെവ്വേറെ കഴിക്കുന്നതാണ് നല്ലത്.
മുട്ട
മുട്ട ഒരിക്കലും പപ്പായയുടെ കൂടെ കഴിക്കാന്‍ പാടില്ലാത്ത ഒരു ആഹാരമാണ്. കാരണം, മുട്ടയില്‍ പ്രോട്ടീന്‍ അടങ്ങിയിട്ടുണ്ട്. ഇത് പപപായയുടെ കൂടെ ചേരുമ്പോള്‍ ഇതിലെ പ്രോട്ടീന്‍ വിഘടിക്കുകയും ഇത് പലതരത്തിലുള്ള ദഹന പ്രശ്‌നങ്ങളിലേയ്ക്ക് നയികകുകയും ചെയ്യുന്നു. അതിനാല്‍, മുട്ട ഒരിക്കലും പപ്പായയുടെ കൂടെ കഴിക്കാന്‍ പാടുള്ളതല്ല.
മുട്ട മാത്രമല്ല, നല്ലപോലെ കൊഴുപ്പടങ്ങിയ ആഹാരങ്ങളും പ്രോട്ടീന്റെ കൂടെ കഴിക്കുന്നത് ദഹന പ്രശ്‌നങ്ങളിലേയ്ക്ക് നയിക്കുന്നതാണ്. കാരണം, കൊഴുപ്പ് വിഘടിക്കുകയും ഇത് അസ്വസ്ഥതകള്‍, ഗ്യാസ് നിറയല്‍, വയര്‍ ചീര്‍ക്കല്‍ എന്നീ അസ്വസ്ഥതകളിലേയ്ക്ക് നയിക്കുന്നു.
പപ്പായ കഴിക്കേണ്ട ശരിയായ വിധം
പപ്പായ എല്ലായ്‌പ്പോഴും മറ്റ് ആഹാരങ്ങളുടെ കൂടെ ചേര്‍ക്കാതെ കഴിക്കുന്നതാണ് നല്ലത്. നല്ല പഴുത്ത പപ്പായ കഴുകി അതിന്റെ പശ ഇല്ലാതെ കുരുക്കള്‍ നീക്കം ചെയ്ത് കഴിക്കാവുന്നതാണ്. ചിലര്‍ പപ്പായയയില്‍ ഉപ്പും മസാലയും ചേര്‍ത്ത് കഴിക്കുന്നത് കാണാം. ഇത്തരത്തില്‍ കഴിക്കുന്നതിനേക്കാള്‍ നല്ലത് പപ്പായ വെറുതേ കഴിക്കുന്നതാണ്. അതുപോലെ പച്ച പപ്പായ കറി വെച്ച് നിങ്ങള്‍ക്ക് കഴിക്കാവുന്നതാണ്. ചിലര്‍ക്ക് പപ്പായ അലര്‍ജി ഉണ്ടാക്കിയെന്ന് വരാം. ഇത്തരത്തില്‍ അലര്‍ജി പ്രശ്‌നങ്ങള്‍ നിങ്ങള്‍ക്ക് ഉണ്ടെങ്കില്‍ ഒരിക്കലും പച്ച പപ്പായ കഴിക്കരുത്. അതുപോലെ ഗര്‍ഭിണികള്‍ പപ്പായ കഴിക്കുന്നത് നല്ലതല്ല.
പപ്പായ പച്ചയ്ക്ക് കഴിക്കുന്നതിനേക്കാള്‍ ഏറ്റവും നല്ലത് വേവിച്ച് കഴിക്കുന്നത് തന്നെയാണ്. പച്ചയ്ക്ക് കഴിക്കുമ്പോള്‍ അതിലെ കറ പൊള്ളല്‍ ഉണ്ടാക്കുകയും ചര്‍മ്മതതില്‍ അലര്‍ജി പ്രശ്‌നങ്ങള്‍ വരുന്നതിന് കാരണമാവുകയും ചെയ്യാം. അതുപോലെ, ബ്ലഡ് കൗണ്ട് വര്‍ദ്ധിപ്പിക്കുന്നതിനും രോഗപ്രതിരോധശേഷി വര്‍ദ്ധിപ്പിക്കുന്നതിനും പച്ചപപ്പായ കഴിക്കുന്നത് നല്ലതാണ്. ചര്‍മ്മത്തിന്റെ ആരോഗ്യം നിലനിര്‍ത്താന്‍ പഴുത്ത പപ്പായയും നല്ലത് തന്നെ.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
