എല്ലാം സജ്ജം; കേരളത്തിന്‍റെ രണ്ടാം വന്ദേ ഭാരത് പുലർച്ചെ മംഗലാപുരത്ത് നിന്നോ? തിരിച്ചുള്ള സർവീസ് എങ്ങനെ? സാധ്യതകൾ

ലോഡ് ഷെഡിങ് ഉണ്ടാകില്ല; സാധാരണക്കാര്‍ക്ക് ദോഷമില്ലാതെ വൈദ്യുതി സ്മാര്‍ട്ട് മീറ്റര്‍ സ്ഥാപിക്കും; ടോട്ടെക്സ് മാതൃക ഒഴിവാക്കുമെന്ന് വൈദ്യുതി മന്ത്രി

മംഗളൂരുവിൽ പിറ്റ്‌ലൈൻ സജ്ജമാക്കിയതോടെയാണ് കേരളത്തിലെ രണ്ടാമത്തെ വന്ദേ ഭാരത് മംഗലാപുരത്തേക്ക് എത്തുമെന്ന റിപ്പോർട്ടുകൾ പുറത്തുവന്നത്. അതിനിടെ ഗോവയിൽ നിന്നും എറണാകുളത്തേക്ക് വന്ദേ ഭാരതിന്‍റെ സർവീസ് നടത്താൻ സാധ്യതയുണ്ടെന്ന വാർത്തയും ചർച്ചയായിരുന്നു. വിനോദസഞ്ചാര കേന്ദ്രങ്ങളെ ബന്ധിപ്പിക്കുകയെന്ന ലക്ഷ്യത്തോടെയാണ് ഗോവ – എറണാകുളം സർവീസ് പരിഗണിക്കുന്നതെന്നും രണ്ട് റൂട്ടുകളാണ് പരിഗണനയിലുള്ളതെന്നും ബിജെപി നേതാവ് പികെ കൃഷ്ണദാസാണ് പറഞ്ഞത്. അതേസമയം മംഗലാപുരത്ത് നിന്ന് തിരുവനന്തപുരത്തേക്ക് തന്നെയാകും കേരളത്തിന്‍റെ രണ്ടാം വന്ദേ ഭാരതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

നിലവിൽ സംസ്ഥാനത്ത് സർവീസ് നടത്തുന്ന വന്ദേ ഭാരത് തിരുവനന്തപുരത്ത് നിന്ന് പുലർച്ചെ 5.20നാണ് പുറപ്പെടുന്നത്. തുടർന്ന് ഉച്ചയ്ക്ക് 1.20ന് കാസർകോട് എത്തിച്ചേരും. പുറത്തുവരുന്ന റിപ്പോർട്ടുകൾ പ്രകാരം ഇതേ സമയത്ത് തന്നെയാകും രണ്ടാമത്തെ വന്ദേ ഭാരത് മംഗലാപുരത്ത് നിന്നുംപുറപ്പെടുക. തുടർന്ന് ഉച്ചയോടെ തിരുവനന്തപുരത്ത് എത്തിച്ചേരും. 30 മിനിറ്റിന് ശേഷം തിരുവനന്തപുരത്ത് നിന്നു തിരിച്ചുള്ള സർവീസ് ആരംഭിക്കുന്ന ട്രെയിൻ രാത്രി 11 മണിയോടെ മംഗലാപുരത്ത് എത്തുകയും ചെയ്യും.

അച്ചു ഉമ്മന്‍റെ ജോലി കണ്ടന്‍റ് ക്രിയേഷൻ; അധിക്ഷേപം നേതാക്കളുടെ അറിവോടെ; എന്ത് വൃത്തികേടും കാട്ടുമെന്ന അവസ്ഥയിലാണ് സിപിഎം: വിഡി സതീശൻ

സർവീസ് ആരംഭിക്കുന്നതിന് മുന്നോടിയായി ലോക്കോ പൈലറ്റുമാർക്ക് ഉൾപ്പെടെയുള്ള പരിശീലനം ചെന്നൈയിൽ നൽകിത്തുടങ്ങിയിട്ടുണ്ട്. സംസ്ഥാനത്തിന് ലഭിച്ച ഒന്നാമത്തെ വന്ദേ ഭാരത് ഏപ്രിൽ 25ന് പ്രധാനമന്ത്രി നരേന്ദ്ര മോദിയായിരുന്നു ഫ്ലാഗ് ഓഫ് ചെയ്തത്. രാജ്യത്ത് ഏറ്റവും തിരക്കേറിയ സർവീസുകളിലൊന്നാണ് തിരുവനന്തപുരം – കാസർകോട് വന്ദേ ഭാരത്. പുതിയ ട്രെയിനിൻ്റെ റൂട്ട് സംബന്ധിച്ച പ്രഖ്യാപനം വരുമ്പോഴാകും സ്റ്റോപ്പുകളും മറ്റും എങ്ങനെയാകുമെന്നതിൽ വ്യക്തത ലഭിക്കുകയുള്ളൂ.