ആരോഗ്യത്തോടെയിരിക്കാൻ ചെയ്യുന്ന പ്രവർത്തികളെല്ലാം വ്യായാമം ആക്കിയാലോ
വ്യായാമം ചെയ്താലുള്ള ഗുണം
വ്യായാമം ചെയ്യുന്നത് ശാരീരികവും മാനസികവുമായ ആരോഗ്യത്തിന് വളരെയധികം ഗുണങ്ങള്‍ നല്‍കുന്നുണ്ട്. നിങ്ങള്‍ പതിനായി വ്യായാമം ചെയ്യുന്നവരാണെങ്കില്‍ നിങ്ങള്‍ക്ക് ലഭിക്കുന്ന ഗുണങ്ങള്‍ എന്തെല്ലാമെന്ന് നോക്കാം.
ശരീരഭാരം നിയന്ത്രിക്കുന്നു. വ്യായാമം ശരീരത്തിലെ കലോറി എരിച്ചു കളയാന്‍ സഹായിക്കുകയും ഇത് ശരീരഭാരം നിയന്ത്രിക്കാന്‍ സഹായിക്കുന്നു. അതുപോലെ, ഹൃദയാരോഗ്യം മെച്ചപ്പെടുത്തുന്നു. വ്യായാമം രക്തചംക്രമണം മെച്ചപ്പെടുത്താനും ഹൃദയത്തിന്റെ ആരോഗ്യം മെച്ചപ്പെടുത്താനും സഹായിക്കുന്നു. ഇത് കൂടാതെ, രക്തസമ്മര്‍ദ്ദം കുറയ്ക്കാന്‍ വ്യായാമം ചെയ്യുന്നത് നല്ലതാണ്. ഇത് ഹൃദയാഘാതം, ഹൃദയസ്തംഭനം തുടങ്ങിയ ഹൃദയ സംബന്ധമായ രോഗങ്ങളുടെ സാധ്യത കുറയ്ക്കുന്നുണ്ട്. ആരോഗ്യത്തിന് ഹാനികരമായ LDL കൊളസ്‌ട്രോള്‍ കുറയ്ക്കാനും ഗുണകരമായ HDL കൊളസ്‌ട്രോള്‍ വര്‍ദ്ധിപ്പിക്കാനും സഹായിക്കുന്നു വ്യായാമം ചെയ്യുന്നത് ബെസ്റ്റാണ്.
തലച്ചോറിന്റെ പ്രവര്‍ത്തനം മെച്ചപ്പെടുത്തുന്നു. പതിവായി വ്യായാമം ചെയ്യുന്ന ആളുടെ തലച്ചോറിലെ രക്തചംക്രമണം മെച്ചപ്പെടുത്താനും തലച്ചോറിന്റെ ആരോഗ്യം മെച്ചപ്പെടുത്താനും സഹായിക്കുന്നു. ഇത് മെമ്മറി, ശ്രദ്ധ, പഠനം തുടങ്ങിയ മാനസിക പ്രവര്‍ത്തനങ്ങള്‍ മെച്ചപ്പെടുത്താന്‍ സഹായിക്കുന്നു. അതുപോലെ തന്നെ വ്യായാമം ദഹനത്തെ മെച്ചപ്പെടുത്താനും ദഹന പ്രശ്‌നങ്ങള്‍ കുറയ്ക്കാനും സഹായിക്കുന്നു. എല്ലുകളുടെ വളര്‍ച്ചയെ പ്രോത്സാഹിപ്പിക്കാനും എല്ലുകളുടെ ശക്തി വര്‍ദ്ധിപ്പിക്കാനും വ്യായാമം നല്ലതാണ്. അതുപോലെ, വ്യായാമം ഉത്കണ്ഠ, വിഷാദം തുടങ്ങിയ മാനസികാരോഗ്യ പ്രശ്‌നങ്ങള്‍ കുറയ്ക്കാന്‍ വ്യായാമം നല്ലതാണ്. ഉറക്കത്തിന്റെ ഗുണനിലവാരം മെച്ചപ്പെടുത്താന്‍ നല്ലതാണ്.
ഒരു ദിവസം വ്യായാമം ചെയ്തില്ലെങ്കില്‍
ചിലപ്പോള്‍ പലരും ചെയ്യുന്ന ഒരു കാര്യമാണ് ഇടയ്ക്ക് മടി പിടിച്ച് ഒരു ദിവസം വ്യായാമം ചെയ്യാതിരിക്കും. ഒരു ദിവസം അല്ലെ, ചെയ്തില്ലെങ്കിലും ഒരു പ്രശ്‌നവും ഉണ്ടാവില്ല എന്നാവും പലരും ചിന്തിക്കുക. എന്നാല്‍, നമ്മള്‍ ഒരു ദിവസമായാലും വ്യായാമം ചെയ്യുന്ന പതിവ് തെറ്റിച്ചാല്‍ കുറച്ച് ബുദ്ധിമുട്ടുകള്‍ നമ്മള്‍ക്ക് അനുഭവപ്പെടാന്‍ തുടങ്ങും അവ ഏതെല്ലാമെന്ന് നോക്കാം.
നമ്മള്‍ ഒരു ദിവസം വ്യായാമം ചെയ്യാതെ ഇരുന്നാല്‍ നമ്മളുടെ അന്നത്തെ ദിവസത്തെ മൊത്തം എനര്‍ജി പോകും. ഒരു കാര്യത്തിനും ഒന്നിനും ഒരു ഉന്മേഷവും നമ്മള്‍ക്ക് ലഭിക്കാതെ വരുന്നു. പ്രത്യേകിച്ച് ഓഫീസില്‍ പോകാന്‍ മടി അനുഭവപ്പെടാം. ഉറക്ക ക്ഷീണം മാറാത്ത പോലെ തോന്നാം. അതുപോലെ തന്നെ ശരീരത്തിന് ഒട്ടും എനര്‍ജി ഇല്ലാത്ത പോലെ നിങ്ങള്‍ക്ക് അന്നത്തെ ദിവസം അനുഭവപ്പെട്ടെന്ന് വരാം.
അതുപോലെ തന്നെ നിങ്ങള്‍ക്ക് പേശികള്‍ക്ക് വേദന, ബോഡി പെയ്ന്‍ എന്നിവ വരാനുള്ള സാധ്യത കൂടുതലാണ്. അത്രയും ദിവസം വ്യായാമം ചെയ്ത് ഒരു ദിവസം ഗ്യാപ് എടുക്കുമ്പോള്‍ പലര്‍ക്കും ഉണ്ടാകുന്ന പ്രശ്‌നങ്ങളാണ് ഇവയെല്ലാം. ഒതുപോലെ ഒരു ദിവസം വ്യയാമം ചെയ്യാതെ ഗ്യാപ് എടുത്താല്‍ പിറ്റേ ദിവസം വ്യായാമം ചെയ്യാന്‍ മടി തോന്നിയെന്ന് വരാം. ചിലര്‍ പിന്നീട് ഇടയ്ക്കിടയ്ക്ക് ഇതുപോലെ ഗ്യാപ് ഇടാന്‍ തുടങ്ങുകയും ചെയ്യും. ഇത് നല്ല വ്യായാമശീലത്തിന് നല്ലതല്ല.
ശ്രദ്ധിക്കേണ്ട കാര്യം
വ്യായാമം ചെയ്യുന്നത് എല്ലാ പ്രായത്തിലുമുള്ള ആളുകള്‍ക്കും ഗുണകരമാണ്. എന്നിരുന്നാലും, നിങ്ങള്‍ക്ക് ഏതെങ്കിലും ആരോഗ്യ പ്രശ്‌നങ്ങളുണ്ടെങ്കില്‍, വ്യായാമം ചെയ്യുന്നതിന് മുമ്പ് ഡോക്ടറുമായി സംസാരിക്കുന്നത് നല്ലതാണ്.
വ്യായാമം ചെയ്യുന്നതിന് നിരവധി വഴികളുണ്ട്. നടത്തം, ഓട്ടം, നീന്തല്‍, സൈക്ലിംഗ്, ഡാന്‍സ് തുടങ്ങിയ ഏത് തരത്തിലുള്ള ശാരീരിക പ്രവര്‍ത്തനവും വ്യായാമമായി കണക്കാക്കപ്പെടുന്നു. നിങ്ങളുടെ ശാരീരിക നിലവാരത്തിന് അനുയോജ്യമായ തരത്തിലുള്ള വ്യായാമം തിരഞ്ഞെടുക്കുക. ആഴ്ചയില്‍ 150 മിനിറ്റ് മിതമായിട്ടുള്ള വ്യായാമം അല്ലെങ്കില്‍ 75 മിനിറ്റ് നീണ്ടു നില്‍ക്കുന്ന വ്യായാമം ചെയ്യുന്നതും നല്ലതാണ്. എന്നാല്‍ അമിതമാകരുത്. നിങ്ങളുടെ ആരോഗ്യം നോക്കി വ്യായാമം ചെയ്യുക.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
