നുഴഞ്ഞുകയറ്റക്കാരെ പിടികൂടുമ്പോള്‍ മാനുഷികവശത്തിനാണ് സൗദി സുരക്ഷാസേനകള്‍ പ്രാമുഖ്യം നല്‍കുന്നതെന്ന് അതിര്‍ത്തിപ്രദേശങ്ങളില്‍ നേരിട്ട് നടത്തിയ സന്ദര്‍ശനങ്ങളിലൂടെ എന്‍എസ്എച്ച്ആറിന് ബോധ്യമായതാണെന്നും അല്‍ഫാഖിരി വിശദീകരിച്ചു. നിയമംലംഘിച്ചതിന് പിടിക്കപ്പെടുന്നവരെ ബന്ധപ്പെട്ട രാജ്യങ്ങളുടെ എംബസികളുമായും കോണ്‍സുലേറ്റുകളുമായും സഹകരിച്ച് സൗദിയുടെ ചെലവില്‍ തന്നെ തിരിച്ചയക്കുകയാണ് ചെയ്യുന്നതെന്നും അദ്ദേഹം ചൂണ്ടിക്കാട്ടി.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
നുഴഞ്ഞുകയറ്റക്കാര്‍ തങ്ങള്‍ ചെയ്യുന്ന കുറ്റകൃത്യത്തിന്റെ ഗൗരവത്തെ കുറിച്ചും നിയമസംവിധാനങ്ങളെ പറ്റിയും ഒരുപക്ഷേ അജ്ഞരായിരിക്കാം എന്ന കാര്യം സുരക്ഷാ വകുപ്പുകള്‍ പ്രത്യേകം കണക്കിലെടുക്കുന്നുണ്ടെന്നും ഡോ. ഖാലിദ് അല്‍ഫാഖിരി കൂട്ടിച്ചേര്‍ത്തു.
സൗദി സൈന്യം നടത്തിയ ആക്രമണത്തില്‍ നിരവധി എത്യേപ്യന്‍ അഭയാര്‍ത്ഥികള്‍ക്ക് ജീവന്‍ നഷ്ടപ്പെട്ടെന്ന ഹ്യൂമന്‍ റൈറ്റ്‌സ് വാച്ച് ആരോപണം കഴിഞ്ഞ ദിവസം സൗദി തള്ളിയിരുന്നു. വിശ്വസനീയമല്ലാത്ത ഉറവിടങ്ങളെ അടിസ്ഥാനമാക്കി വസ്തുതകള്‍ക്ക് നിരക്കാത്ത ആരോപണമാണ് സംഘടന ഉന്നയിച്ചതെന്ന് ഔദ്യോഗികവൃത്തങ്ങളെ ഉദ്ധരിച്ച് സൗദി പ്രസ് ഏജന്‍സി റിപ്പോര്‍ട്ട് ചെയ്തു. രാജ്യത്തിനെതിരെ തെറ്റായ ആരോപണങ്ങള്‍ പ്രചരിപ്പിക്കാന്‍ ചില സംഘടനകള്‍ ബോധപൂര്‍വമായ ശ്രമം നടത്തുന്നതിനെ സൗദി അപലപിച്ചു. പക്ഷപാതപരമായ മാധ്യമ പ്രചാരണങ്ങളുടെ ഭാഗമായി കൃത്രിമവും തെറ്റിദ്ധരിപ്പിക്കുന്നതുമായ റിപ്പോര്‍ട്ടുകളിലൂടെയാണ് ഈ ആരോപണങ്ങള്‍ പ്രചരിപ്പിച്ചത്. ഗൂഢലക്ഷ്യങ്ങളോടെ ഇത്തരം പ്രചാരണങ്ങള്‍ ആവര്‍ത്തിച്ച് സംഘടിപ്പിക്കുന്നതായും സൗദി കുറ്റപ്പെടുത്തി.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
രാഷ്ട്രീയ ലക്ഷ്യങ്ങള്‍ക്കു വേണ്ടി വിശ്വാസ്യതയില്ലാത്ത റിപ്പോര്‍ട്ടുകള്‍ നല്‍കി സൗദിയുടെ പ്രതിച്ഛായ തകര്‍ക്കാന്‍ ഹ്യൂമന്‍ റൈറ്റ്‌സ് വാച്ച് ശ്രമിക്കുകയാണെന്ന് കിങ് സൗദ് യൂനിവേഴ്‌സിറ്റി മീഡിയ പ്രൊഫസര്‍ ഡോ. അലി അല്‍അനസി പറഞ്ഞു. ഇത്തരം റിപ്പോര്‍ട്ടുകളുടെ ഗുണഭോക്താവ് ആരാണ് എന്ന് അറിഞ്ഞിരിക്കണം. രാജ്യത്തെ ബ്ലാക്ക്‌മെയില്‍ ചെയ്യാനും പ്രതിച്ഛായ തകര്‍ക്കാനും ആഗ്രഹിക്കുന്ന വിദേശ ഏജന്‍സികളും വകുപ്പുകളും നിഗൂഢമായി പ്രവര്‍ത്തിക്കുന്നുന്നുണ്ട്. രാജ്യാതിര്‍ത്തി കാക്കാനും പൗരന്മാരെയും സംരക്ഷിക്കാനും സൗദി അറേബ്യക്ക് അവകാശമുണ്ടെന്നും അദ്ദേഹം ചൂണ്ടിക്കാട്ടി.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
സൗദി അതിര്‍ത്തി കടക്കാന്‍ നിര്‍ബന്ധിക്കുന്നതിന് യെമനില്‍ പ്രവര്‍ത്തിക്കുന്ന സായുധ ഗ്രൂപ്പുകള്‍ എത്യോപ്യക്കാര്‍ക്കു നേരെ നിറയൊഴിച്ചതാണ് പ്രശ്‌നങ്ങള്‍ സങ്കീര്‍ണമാക്കിയതെന്ന് സൗദി വിശദീകരിക്കുന്നു. രാജ്യത്തേക്ക് പ്രവേശിക്കാന്‍ ശ്രമിക്കവെ സുരക്ഷാസേനയുടെ വെടിയേറ്റവര്‍ക്ക് ആവശ്യമായ വൈദ്യസഹായം നല്‍കിയിട്ടുണ്ടെന്നും സൗദി അധികൃതര്‍ സ്ഥിരീകരിച്ചിരുന്നു.
