ഓണമെത്തി; ഈ ദിവസങ്ങളിൽ ബിവറേജുകൾ പ്രവർത്തിക്കില്ല, റേഷൻ കടകൾ നാളെ തുറക്കും

റേഷൻകടകളിൽ ഓണക്കിറ്റ് ഇന്നെത്തും; തിങ്കളാഴ്ചക്കുള്ളിൽ വിതരണം പൂർത്തിയാക്കുമെന്ന് സിവിൽ സപ്ലൈസ് വകുപ്പ്

സ്കൂളുകൾക്ക് ഇന്നലെ മുതൽ അവധിയാരംഭിച്ചു. സെപ്റ്റംബർ നാലിനാണ് ഓണാവധിക്ക് ശേഷം സ്കൂളുകൾ തുറക്കുക. ഓണക്കിറ്റ് വിതരണം പൂർണതോതിൽ ആരംഭിക്കാത്തതിനാൽ ഞായറാഴ്ചയും റേഷൻ കടകൾ പ്രവർത്തിക്കുമെന്ന് സർക്കാർ അറിയിച്ചിരുന്നു.

ഓണക്കിറ്റ് വിതരണത്തിൽ ഒരു തരത്തിലുമുള്ള ആശങ്കയും വേണ്ടെന്ന് മന്ത്രി ജി ആർ അനിൽ വ്യക്തമാക്കിയിരുന്നു. ഓണത്തിന് മുൻപ് കിറ്റ് വിതരണം പൂർത്തിയാക്കും. കുറവുള്ള ഇനങ്ങൾ എത്തിക്കുന്നതിനുള്ള സംവിധാനം ഒരുക്കിയിട്ടുണ്ട്. നെല്ല് കർഷകർക്കുള്ള സംഭരണ തുക പൂർണമായും കർഷകരുടെ അക്കൗണ്ടിൽ എത്തിയതായും മന്ത്രി അറിയിച്ചു.

ലോഡ് ഷെഡിങ് ഉണ്ടാകില്ല; സാധാരണക്കാര്‍ക്ക് ദോഷമില്ലാതെ വൈദ്യുതി സ്മാര്‍ട്ട് മീറ്റര്‍ സ്ഥാപിക്കും; ടോട്ടെക്സ് മാതൃക ഒഴിവാക്കുമെന്ന് വൈദ്യുതി മന്ത്രി
സംസ്ഥാനത്തെ എഎവൈ കാർഡ് ഉടമകൾക്കും ക്ഷേമസ്ഥാപനങ്ങളിലെ താമസക്കാർക്കുമാണ് അവശ്യ സാധനങ്ങൾ ഉൾപ്പെടുത്തിയ സൗജന്യ ഓണക്കിറ്റ് ലഭിക്കുക. 6,07,691 കിറ്റുകളാണ് വിതരണം ചെയ്യുക. 5,87,691 എഎവൈ കാർഡുകളാണ് ഉള്ളത്. ക്ഷേമസ്ഥാപനങ്ങളിലെ താമസക്കാര്‍ക്ക് 20,000 കിറ്റുകളാണ് നല്‍കുക. റേഷൻ കടകൾ മുഖേനയാണ് കിറ്റ് വിതരണം ചെയ്യുക.
തേയില, ചെറുപയർ പരിപ്പ്, സേമിയ പായസം മിക്സ്, നെയ്യ് , കശുവണ്ടി പരിപ്പ്, വെളിച്ചെണ്ണ , സാമ്പാർപൊടി, മുളക് പൊടി, മഞ്ഞൾപൊടി, മല്ലിപ്പൊടി, ചെറുപയർ, തുവരപ്പരിപ്പ്, പൊടി ഉപ്പ്, തുണിസഞ്ചി എന്നിവയാണ് കിറ്റിൽ ഉണ്ടാവുക.

Read Latest Kerala News and Malayalam News