റിപ്പോര്‍ട്ടിലെ സൂചകങ്ങളും കണക്കുകളും ആശങ്കാജനകവും വളരെ ഉയര്‍ന്നതുമാണെന്ന് സൗദി ടെലിവിഷന്‍ അല്‍ ഇഖ്ബാരിയക്ക് നല്‍കിയ അഭിമുഖത്തില്‍ അദ്ദേഹം പറഞ്ഞു. അമിതവണ്ണവും അമിതഭാരവും പലതരം രോഗങ്ങളിലേക്ക് നയിക്കുമെന്നും ആരോഗ്യത്തെയും സമ്പദ്‌വ്യവസ്ഥയെയും ബാധിക്കുമെന്നും അദ്ദേഹം ചൂണ്ടിക്കാട്ടി.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
ഉയര്‍ന്ന കലോറിയും കൊഴുപ്പും അടങ്ങിയ ഭക്ഷണക്രമം ഉള്‍പ്പെടെയുള്ള അനാരോഗ്യകരമായ ജീവിതശൈലിയാണ് പൊണ്ണത്തടിക്ക് കാരണമാവുന്നത്. ശാരീരിക നിഷ്‌ക്രിയത്വം, സോഷ്യല്‍ മീഡിയയിലും ടിവി സ്‌ക്രീനുകളിലും ദീര്‍ഘനേരം സമയംചെലവഴിക്കല്‍, സ്മാര്‍ട്ട് ഉപകരണങ്ങളുടെ ഉപയോഗം, പഴങ്ങളുടെയും പച്ചക്കറികളുടെയും കുറഞ്ഞ ഉപഭോഗം എന്നിവയാണ് മറ്റ് കാരണങ്ങള്‍.
സൗദികള്‍ക്കിടയില്‍ പച്ചക്കറികളും പഴങ്ങളും പ്രതിദിനം കഴിക്കുന്നതില്‍ ഗണ്യമായ കുറവുണ്ടായിട്ടുണ്ടെന്ന് സൗദി ന്യൂസ് പോര്‍ട്ടല്‍ സബ്ക് റിപ്പോര്‍ട്ട് ഉദ്ധരിച്ച് ഡോ. അബ്ദുര്‍റഹ്മാന്‍ ചൂണ്ടിക്കാട്ടി. 33.2 ദശലക്ഷം ജനസംഖ്യയുള്ള രാജ്യത്ത് അമിതവണ്ണത്തെ നേരിടാന്‍ തന്ത്രപരമായ പദ്ധതികളും ബോധവല്‍ക്കരണ പരിപാടികളും ആവിഷ്‌കരിക്കണമെന്നും അദ്ദേഹം ആവശ്യപ്പെട്ടു.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
സൗദിയിലെ മൊത്തം ജനസംഖ്യയുടെ 16.4 ദശലക്ഷം അല്ലെങ്കില്‍ 51.1 ശതമാനം 30 വയസ്സിന് താഴെയുള്ളവരാണെന്ന് ഏറ്റവും പുതിയ സെന്‍സസ് കണക്കുകള്‍ പറയുന്നത്.
അറബ് ലോകത്ത് പൊണ്ണത്തടി കൂടുതല്‍ കുവൈറ്റിലാണെന്ന് നേരത്തേ റിപ്പോര്‍ട്ടുകള്‍ പുറത്തുവന്നിരുന്നു. ജനസംഖ്യയുടെ 77% അമിതഭാരമുള്ളവരാണെന്നും ആരോഗ്യ മന്ത്രാലയം വ്യക്തമാക്കുന്നു. കുവൈറ്റില്‍ 18 മുതല്‍ 29 വയസ്സുവരെയുള്ള യുവാക്കളെയാണ് പൊണ്ണത്തടി പ്രധാനമായും ബാധിക്കുന്നത് ആരോഗ്യ മന്ത്രാലയത്തിലെ ഹെല്‍ത്ത് പ്രൊമോഷന്‍ വിഭാഗം ഡയറക്ടര്‍ ഡോ. അബീര്‍ അല്‍ ബഹ്‌വ വെളിപ്പെടുത്തിയിരുന്നു.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
ഗള്‍ഫ് മേഖലയില്‍ മുതിര്‍ന്നവരില്‍ അഞ്ചില്‍ ഒരാള്‍ പൊണ്ണത്തടി അനുഭവിക്കുന്നുവെന്നാണ് കണക്ക്. ആഗോളതലത്തില്‍ തന്നെ പൊണ്ണത്തടി വ്യാപിക്കുകയാണ്. ലോകമെമ്പാടുമുള്ള അമിതഭാരമുള്ളവരുടെ എണ്ണം 2020ല്‍ 260 കോടി ആയിരുന്നത് 2035ഓടെ 400 കോടിയായി ഉയരും. ഹൃദ്രോഗം, പ്രമേഹം, ഉയര്‍ന്ന രക്തസമ്മര്‍ദ്ദം തുടങ്ങിയ വിട്ടുമാറാത്ത രോഗങ്ങള്‍ക്കുള്ള പ്രധാന അപകട ഘടകമായി പൊണ്ണത്തടി തിരിച്ചറിഞ്ഞിട്ടുണ്ട്. ആഗോളതലത്തില്‍ മരണത്തിനുള്ള അഞ്ചാമത്തെ പ്രധാന അപകടഘടകമാണിത്.
