ബന്ധങ്ങൾ അവസാനിപ്പിക്കുന്ന സമയത്ത് ചെയ്യേണ്ട ചില കാര്യങ്ങളുണ്ട്

ബഹുമാനം കാണിക്കുക

രണ്ട് പേർക്കും ഏറെ വിഷമവും ബുദ്ധിമുട്ടും ഉണ്ടാക്കുന്നതാണ് ബന്ധം അവസാനിപ്പിക്കുന്ന കാര്യം. അതുകൊണ്ട് തന്നെ പങ്കാളിയുടെയും ചിന്തയെയും കാഴ്ചപ്പാടിനെയും ബഹുമാനിക്കാനും അതുപോലെ അവരോട് സഹാനുഭൂതി കാണിക്കാനും ശ്രമിക്കണം. പങ്കാളിയുടെ കാഴ്ചപ്പാട് നിങ്ങളിൽ നിന്ന് വ്യത്യസ്തമാണെന്ന് മനസിലാക്കാൻ ശ്രമിക്കണം. തീരുമാനങ്ങൾ മറ്റുള്ളവരുടെ വൈകാരികതയെ ബാധിക്കാതെ നോക്കേണ്ടത് വളരെ പ്രധാനമാണ്.

സ്വപ്‌ന സുന്ദര ദാമ്പത്യത്തിന് വേണ്ട ചേരുവകള്‍

​

​

അതിരുകൾ മനസിലാക്കുക

ഒരു ബന്ധം അവസാനിപ്പിക്കുമ്പോൾ വ്യക്തമായ അതിരുകൾ സ്ഥാപിക്കുന്നത് നിർണായകമാണ്. പങ്കിട്ട ഇടങ്ങളെയും പരസ്പര സുഹൃത്തുക്കളെയും കുറിച്ചുള്ള പ്രതീക്ഷകൾ വ്യക്തമായി ആശയവിനിമയം നടത്തുക. തുടക്കത്തിൽ അകലം പാലിക്കുന്നത് വെല്ലുവിളിയാകുമെങ്കിലും, അത് പതുക്കെ സുഗമമാക്കുകയും രണ്ടുപേർക്കും മുന്നോട്ട് പോകാൻ ആവശ്യമായ ഇടം നൽകുകയും ചെയ്യും. തെറ്റിദ്ധാരണകൾ തടയാനും ആവശ്യമില്ലാത്ത ഇടപെടലുകളുടെ സാധ്യത കുറയ്ക്കാനും അതിരുകൾ സഹായിക്കുന്നു.

പിന്തുണ തേടുക

പ്രതിസന്ധി ഘട്ടത്തിൽ മറ്റൊരാളുടെ പിന്തുണ തേടുന്നതിൽ തെറ്റില്ല. ചില സമയത്ത് ഒറ്റയ്ക്ക് കാര്യങ്ങൾ കൈകാര്യം ചെയ്യാൻ സാധിക്കാതെ വരുമ്പോൾ മറ്റൊരളോട് സഹായം അഭ്യർത്ഥിക്കാം. സുഹൃത്തുക്കൾ, ബന്ധുക്കൾ, തെറാപിസ്റ്റ് അങ്ങനെ ആരുടെ സമീപത്ത് നിന്നും പിന്തുണ തേടാവുന്നതാണ്. കൃത്യമായ നിർദേശങ്ങൾ നൽകുന്നവരോട് മാത്രം ഇതേക്കുറിച്ച് സംസാരിക്കുകയും അഭിപ്രായം തേടുകയും വേണം. അല്ലാത്ത പക്ഷം പ്രശ്നം കൂടുതൽ ഗുരുതരമായേക്കാം.

സ്വയം പരിപാലിക്കുക

ബന്ധം വേർപ്പെടുത്തിയ വിഷമത്തിൽ സ്വയം മറന്ന് ജീവിക്കാതിരിക്കുക. സ്വന്തമായി ഇഷ്ടമുള്ള കാര്യങ്ങൾ ചെയ്യാനും അതുപോലെ സ്വന്തം ആരോഗ്യം സംരക്ഷിക്കാനും ശ്രദ്ധിക്കേണ്ടത് ഏറെ പ്രധാനമാണ്. വ്യായാമം ചെയ്യുക, പുതിയ ഹോബികൾ കണ്ടെത്തുക, ഇഷ്ടപ്പെട്ടവരുമായി സമയം ചിലവഴിക്കുക അങ്ങനെ പല കാര്യങ്ങളിലും ഏർപ്പെടാം. സ്വയം വളരാൻ ശ്രമിക്കേണ്ടത് ഏറെ പ്രധാനമാണ്.

എങ്ങനെ ആശയവിനിമയം നടത്തണം

ബന്ധം വേർപ്പെടുത്തി കഴിഞ്ഞാലും ഏത് രീതിയിൽ പരസ്പരം സംസാരിക്കണമെന്ന് മനസിലാക്കേണ്ടത് വളരെ പ്രധാനമാണ്. ബന്ധം നിലനിർത്താൻ ആഗ്രഹിക്കുന്നുണ്ടോ ഇല്ലയോ എന്ന് വ്യക്തമായി തീരുമാനിക്കുക. ബുദ്ധിമുട്ട് ഉണ്ടാക്കുമെങ്കിൽ ബന്ധപ്പെടാതിരിക്കാൻ ശ്രമിക്കുക. പൂർണമായും ബന്ധത്തിൽ നിന്ന് വേർപ്പെടാവുന്നതാണ്. കാരണം ചിലർക്ക് അത് ബുദ്ധിമുട്ട് ഉണ്ടാക്കാറുണ്ട്.