​റോസ് പാല്‍പ്പായസം എങ്ങിനെ തയ്യാറാക്കാം​

Authored by അഞ്ജലി എം സി | Samayam Malayalam | Updated: 28 Aug 2023, 1:15 pm

നല്ല റോസ് നിറത്തില്‍ പാല്‍പ്പായസം നിങ്ങള്‍ക്ക് വീട്ടില്‍ തന്നെ തയ്യാറാക്കി എടുക്കാം ഇതിനായി എന്തെല്ലാം കാര്യങ്ങള്‍ ശ്രദ്ധിക്കണം ചെയ്യണം എന്ന് നോക്കാം.

• 

  ​പാല്‍​

  നല്ല കൊഴുപ്പുള്ള പാല്‍ തന്നെ ഇതിനായി തിരഞ്ഞെടുക്കുക. ഇതില്‍ നിന്നും പാല്‍പ്പാട മാറ്റരുത്. അതുപോലെ തന്നെ മുന്‍കൂട്ടി ചൂടാക്കി വെക്കേണ്ട ആവശ്യവുമില്ല.

• 

  ​ പഞ്ചസ്സാര​

  ഇതിന് മധുരത്തിനാവശ്യമായ പഞ്ചസ്സാര നിങ്ങള്‍ എടുക്കണം. ആദ്യം തന്നെ ഈ പഞ്ചസ്സാര എത്രത്തോളം വേണമോ അതിന്റെ പകുതി എടുത്ത് ക്യാരമലൈസ് ചെയ്യുക.

• 

  ​ തിളപ്പിക്കാം​

  ആദ്യം തന്നെ ക്യാരമലൈസ് ചെയ്യാത്ത പഞ്ചസ്സാരയും പാലും ചുറച്ച് വെള്ളവും ചേര്‍ത്ത് നന്നായി ചെറുതീയില്‍ കുറച്ച് നേരം പാല്‍ കുറുക്കി വറ്റിക്കുക.

• 

  ​മിക്‌സ് ചെയ്യാം​

  ഇതിലേയ്ക്ക് ക്യാരമലൈസ ചെയ്ത പഞ്ചസ്സാരയും ചേര്‍ത്ത് നന്നായി മിക്‌സ് ചെയ്തതിന് ശേഷം ചെറുതീയില്‍ തന്നെ നന്നായി ഇളക്കി പാല്‍ കുറുക്കി എടുക്കുക. ക്ഷമ വേണം.

• 

  അരി​

  ഇതിലേയ്ക്ക് വേവിച്ച് വെച്ചിരിക്കുന്ന ഉണക്കലരി ചേര്‍ത്ത് മിക്‌സ് ചെയ്ത് ഒന്ന് ഇളക്കി യോജിപ്പിച്ച് 10 മിനിറ്റ് തീയില്‍ തന്നെ വെക്കുക.

• 

  ​ഉപ്പ്​

  അവസാനം ഒന്ന് എല്ലാം ബാലന്‍സ് ചെയ്യാന്‍ ഒരു നുള്ള് ഉപ്പ് ചേര്‍ത്ത് ഇളക്കി നിങ്ങള്‍ക്ക് വാങ്ങിവെച്ച് ചൂടോടെ കുടിക്കാവുന്നതാണ്. നിങ്ങള്‍ക്ക് വേണമെങ്കില്‍ ഏലക്കായ, കശുവണ്ടി എന്നിവ ചേര്‍ക്കാം.