യുപിയിൽ സഹപാഠികളുടെ തല്ലുകൊണ്ട കുട്ടിയുടെ വിദ്യാഭ്യാസമേറ്റെടുക്കാൻ കേരളം തയ്യാറാർ; ക്ഷണിച്ച് വി ശിവന്‍കുട്ടി

യുപിയിലെ സ്കൂളിലെ സംഭവം; വിദ്വേഷത്തിന്റെ വിളനിലമായി ഇന്ത്യയെ മാറ്റാനാണ് ഹിന്ദുത്വ വർഗീയത ശ്രമിക്കുന്നതെന്ന് മുഖ്യമന്ത്രി

‘മതത്തിന്‍റെ പേരിൽ മറ്റു വിദ്യാർഥികളെക്കൊണ്ട് അധ്യാപികയുടെ നിർദേശപ്രകാരം കുട്ടിയെ ഭീകരമായി മർദിക്കുന്നതു സമൂഹമാധ്യമങ്ങളിലൂടെ നാം കണ്ടതാണ്. നിസാര വകുപ്പുകൾ ചുമത്തിയാണു പോലീസ് കേസെടുത്തത്. തല്ലിച്ചതു ശരിയാണെന്ന നിലപാടാണ് അധ്യാപികയുടേത്. ആ കുട്ടിയെ സംബന്ധിച്ചിടത്തോളം പഠിത്തം അനിശ്ചിതത്വത്തിലാണ്. മർദനത്തിനിരയായ കുട്ടിയും മാതാപിതാക്കളും സമ്മതിച്ചാൽ വിദ്യാർഥിയെ കേരളത്തിൽ പഠിപ്പിക്കാൻ സർക്കാരും വിദ്യാഭ്യാസ വകുപ്പും തയാറാണ്.’ വി ശിവൻകുട്ടി പറഞ്ഞു.

കായംകുളം പോലീസ് ചിന്നക്കനാലിൽ എത്തിയത് ഇന്നലെ; ആക്രമണം ഒളിസങ്കേതത്തിൽവെച്ച്, സിപിഒയ്ക്ക് കുത്തേറ്റത് കൈയ്ക്കും കാലിനും

ഏഴു വയസുള്ള കുഞ്ഞിനെ മതം മുൻനിർത്തി ശിക്ഷിക്കാൻ മാത്രമല്ല, ആ ശിക്ഷ അന്യമതസ്ഥരായ സഹപാഠികളെകൊണ്ട് നടപ്പാക്കാനും ഒരു അധ്യാപികയ്ക്ക് സാധിക്കണമെങ്കിൽ വർഗീയവിഷം എത്രമാത്രം അവരെ ഗ്രസിച്ചിട്ടുണ്ടാകണമെന്നായിരുന്നു വിഷയത്തിൽ മുഖ്യമന്ത്രി പിണറായി വിജയന്‍റെ പ്രതികരണം. ന്യൂനപക്ഷങ്ങളേയും ദളിത് ജനവിഭാഗത്തെയും അമാനവീകരിച്ച് മൃഗങ്ങളേക്കാൾ മോശമായ സാമൂഹ്യപദവിയിൽ ഒതുക്കുന്നതിനാണ് സംഘപരിവാർ ശ്രമിക്കുന്നതെന്നും മുഖ്യമന്ത്രി പറഞ്ഞിരുന്നു.