ചർമ്മം സുന്ദരമാക്കാൻ ഉരുളക്കിഴങ്ങ് ഇങ്ങനെ വേണം ഉപയോഗിക്കാൻ

ഉരുളക്കിഴങ്ങ് നീര്

ചർമ്മത്തിലെ എല്ലാ പ്രശ്നങ്ങൾക്കുമുള്ള പരിഹാരം ഉരുളക്കിഴങ്ങ് നീരിലുണ്ട്. പാടുകളും നിറവ്യത്യാസവുമൊക്കെ എളുപ്പത്തിൽ മാറ്റാൻ ഉരുളക്കിഴങ്ങ് നീര് സഹായിക്കും. ഒരു ഉരുളക്കിഴങ്ങ് എടുത്ത് തൊലി കളഞ്ഞ ശേഷം കഴുകി വ്യത്തിയാക്കുക. ഇനി ഇത് ഒരു മിക്സിയിലിട്ട് അരച്ച് എടുക്കാം. അതിന് ശേഷം അരിപ്പ ഉപയോഗിച്ച് ഇതിൻ്റെ നീര് മാത്രം എടുക്കുക. ഒരു കോട്ടൺ ബോൾ ഉപയോഗിച്ചോ അല്ലെങ്കിൽ കൈ കൊണ്ടോ ഈ നീര് മുഖത്തിടാവുന്നതാണ്. 20 മിനിറ്റിന് ശേഷം കഴുകി വ്യത്തിയാക്കാം.

​മുഖകാന്തി മെച്ചപ്പെടുത്താൻ റോസ് പെറ്റൽസ് ഫേസ് പാക്ക്

​

​

ഉരുളക്കിഴങ്ങും തേനും

ചർമ്മം തിളങ്ങാനും അതുപോലെ നല്ല മോയ്ചറൈസ് ചെയ്യാനും ഏറെ നല്ലതാണ് തേൻ എന്ന് എല്ലാവർക്കുമറിയാം. ഉരുളക്കിഴങ്ങ് നീരിനൊപ്പം തേൻ ചേർത്താൽ ഗുണം ഇരട്ടിയാകും. ഒരു ഉരുളക്കിഴങ്ങ് വേവിച്ച് ഉടച്ചെടുക്കുക. ഇനി 1 ടേബിൾ സ്പൂൺ തേൻ ചേർത്ത് യോജിപ്പിക്കുക. ഈ പായ്ക്ക് മുഖത്തിട്ട് 30 മിനിറ്റിന് ശേഷം കഴുകി വ്യത്തിയാക്കാം. ആഴ്ചയിൽ രണ്ട് ദിവസം ഇത് ചെയ്യുന്നത് ചർമ്മത്തിലെ വലിയ മാറ്റങ്ങൾ സൃഷ്ടിക്കും.

ഉരുളക്കിഴങ്ങും നാരങ്ങയും

ഒരു ഉരുളക്കിഴങ്ങ് നന്നായി അരച്ച് ജ്യൂസ് എടുക്കുക. ഇതിലേക്ക് അര ടീ സ്പൂൺ നാരങ്ങയുടെ നീരും കൂടെ ചേർത്ത് യോജിപ്പിക്കുക. ഇനി ഈ മാസ്ക് മുഖത്തിട്ട് 20 മിനിറ്റ് വയ്ക്കുക. അതിന് ശേഷം കഴുകി വ്യത്തിയാക്കാവുന്നതാണ്. ആഴ്ചയിൽ രണ്ടോ മൂന്നോ ദിവസം ഈ മാസ്കിടുന്നത് ഗുണം ചെയ്യും.

ഉരുളക്കിഴങ്ങ് കഷണങ്ങൾ

ഉരുളക്കിഴങ്ങ് വട്ടത്തിൽ ചെറിയ കഷണങ്ങളാക്കി എടുക്കുക. ചർമ്മത്തിൽ എവിടെ ആണോ പ്രശ്നമുള്ളത് അവിടെ ഈ കഷണങ്ങ ഉരക്കാവുന്നതാണ്. ഇനി ഈ നീര് ചർമ്മത്തിൽ ഒരു 10 മുതൽ 15 മിനിറ്റ് വയ്ക്കുക. ഉണങ്ങിയ ശേഷം ഇത് കഴുകി വ്യത്തിയാക്കാവുന്നതാണ്. ചർമ്മത്തിൻ്റെ പ്രശ്നങ്ങൾ മാറ്റാൻ ഇത് ഏറെ നല്ലതാണ്.