ഭാരത്‍മാല പദ്ധതിയിലായി 66,627.11 കോടിയുടെ 15 പാതകളാണ് നിർമ്മിക്കുക. 838.89 കിലോമീറ്റർ വരും ഈ റോഡുകളുടെ നീളം. ഇതിനുപുറമെ വിവിധ തുറമുഖങ്ങളെ ഉൾപ്പെടുത്തി 3486.51 കോടിയുടെ 12 പാതകളും സംസ്ഥാനത്ത് ഒരുക്കും 121.38 കിലോമീറ്റർ വരും ഈ പാതകൾ. നിർമ്മാണത്തിന്‍റെ വിശദപദ്ധതി രേഖ തയ്യാറാക്കുകയാണെന്നാണ് ദേശാഭിമാനി റിപ്പോർട്ട് പറയുന്നത്.
Vintage Cars: പഴയകാല വാഹന ശേഖരവുമായി ചേർത്തലക്കാരുടെ സ്വന്തം ചന്ദ്രേട്ടൻ
വിഴിഞ്ഞം – നാവായിക്കുളം ഔട്ടർ റിങ് റോഡ്, തിരുവനന്തപുരം – അങ്കമാലി ഗ്രീൻഫീൽഡ്, കൊച്ചി – മൂന്നാർ – തേനി നാലുവരിപ്പാത, അങ്കമാലി – കുണ്ടന്നൂർ ബൈപാസ്, കൊല്ലം – ചെങ്കോട്ട ഗ്രീൻഫീൽഡ് തുടങ്ങിയവയാണ് വരാനിരിക്കുന്ന അഞ്ച് പ്രധാന പദ്ധതികൾ.
കൊച്ചി – മൂന്നാർ – തേനി നാലുവരിപ്പാത 96.3 കിലോമീറ്റർ നീളത്തിലാണ് നിർമ്മിക്കുന്നത്. 15,210.3 കോടി രൂപയാണ് ചെലവ്. തിരുവനന്തപുരം – അങ്കമാലി ഗ്രീൻഫീൽഡ്, 205.12 കിലോമീറ്റർ വരും 14,583 കോടി രൂപയാണ് ഈ പാതയ്ക്ക് വേണ്ടി വരിക.
കൊല്ലം – ചെങ്കോട്ട ഗ്രീൻഫീൽഡിന് 61 കിലോമീറ്ററാണ് നീളം. ചെലവ് 4048 കോടി. അങ്കമാലി – കുണ്ടന്നൂർ ബൈപാസ് 44.7 കിലോമീറ്ററാണ് ഉള്ളത്. 5299.66 കോടി വേണം ഈ പാത പൂർത്തിയാക്കാൻ. വിഴിഞ്ഞം – നാവായിക്കുളം ഔട്ടർ റിങ് റോഡ് 62.7 കിലോമീറ്റർ നീളത്തിലാണ് പണി പൂർത്തിയാക്കുക. ഇതിനായി 7537.55 കോടി രൂപയാണ് നീക്കിയിരിപ്പ്.
ലിജിൻ കടുക്കാരം നെ കുറിച്ച്
ലിജിൻ കടുക്കാരം സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ വിഭാഗത്തിൽ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് ലിജിൻ കടുക്കാരം. കണ്ണൂർ യൂണിവേഴ്സിറ്റിയിൽ നിന്ന് ഇംഗ്ലീഷിൽ ബിരുദവും കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തിൽ ബിരുദാനന്തര ബിരുദവും പൂർത്തിയാക്കി. 2016 മുതൽ മാധ്യമപ്രവർത്തനത്തിൽ സജീവം. ഓൺലൈൻ മാധ്യമമായ ഡൂൾ ന്യൂസിലാണ് തുടക്കം. പിന്നീട് ന്യൂസ് 18 മലയാളത്തിൽ ജനറൽ ന്യൂസിനൊപ്പം സ്പോർട്സ് സെക്ഷനും കൈകാര്യം ചെയ്തു. 2019ലാണ് സമയം മലയാളത്തിൻ്റെ ഭാഗമായത്. നിലവിൽ രാഷ്ട്രീയ, സാമൂഹിക വിഷയങ്ങളിൽ ലേഖനങ്ങൾ എഴുതുന്നു.Read More
